JEREMIA 3:10 - Ombibeli Iyapuki

¹⁰ Ndele nande opa li ngaha, omumwaina Juda, ou e liteeka nge, ina aluka e uye kwaame nomutima waye aushe, ndelenee okwa li e noipupulu yaye. Omwene osho ta ti.”

JEREMIA 3:10 Referans Kwoze

HOSEA 7:14

Itava ifana nge komitima davo, ndelenee hava yayaana momitala davo. Ohava ongalele oilya nomaviinyu. Ove nondubo naame.

JEREMIA 12:2

Ove oto va twike, ndele vo otava twama. Ohava kulu ndele tava imike oiimati. Ove ho kala popepi momakanya avo, ndelenee kokule meemwenyo davo.

JESAJA 10:6

Ame ohandi mu tumu, a ka lwife oshiwana shovahenakalunga, ndele handi mu lombwele a ka denge ovanhu voupyuhandu wange, a ka hakane noku ka likola nokunyeka, ye e va lyataule ngaashi onhata tai lyataulwa momapandavanda.

OMAPSALOME 66:3

Tyeni kuKalunga: “Oilonga yoye ikumwifa oi fike peni! Molwouyadi weenghono doye, ovatondi voye otave linyongamene kwoove.

OMAPSALOME 18:44

Ovanailongo tava komonene nge omitwe. Mokuuda ondaka yange, ova dulika kwaame.

2 OMAFIMBO 34:33

Ndele Josia okwa hanauna po oixuna aishe yomomikunda adishe dovana vaIsrael, naaveshe ovo va monika muIsrael ye okwe va fininika okulongela Omwene Kalunga kavo. Pomafiku aeshe aye, vo inava kanduka mOmwene Kalunga kooxe.

JESAJA 31:6

Alukeni, onye Ovaisraeli, nye mu uye kuye ou mwe mu liteeka nai.

JEREMIA 11:10

Vo ova shunina momanyonauno ooxekulu votete, venya va li va anya okudulika keendjovo dange, ndele va shikula oikalunga noku i longela. Eumbo laIsrael neumbo laJuda okwa teya po ehangano nde li ningilile nooxekulu vavo.

AMOS 4:9

“Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.

JESAJA 29:13

Ndele Omwene okwa tya: “Osheshi ovanhu ava otava ehene kwaame nomakanya avo, ndele tava fimaneke nge nomilungu davo, ndele eemwenyo davo ove di kaleka kokule naame, netilokalunga lavo oshipango shongaho ve shi longwa kovanhu,

JEREMIA 9:1

Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.

MALAKIA 2:11

Juda okwe liteeka nomuIsrael nomuJerusalem mwa ningwa oixuna. Osheshi Juda okwa shekifa otembeli yOmwene, ei Ye e hole, ndele ye okwa hombola oukadona voshikalunga shokoilongo.