JEREMIA 24:1 - Ombibeli Iyapuki

¹ Omwene okwa talifa nge oimbale ivali i neenghwiyu ya tulwa moluvanda lotembeli yOmwene, Nebukadnesar, ohamba yaBabilon eshi a kufa Jekonia yaJehoiakim, ohamba yaJuda muJerusalem nokwe mu twala kuBabilon, pamwe novakulunhu vomuJuda novahambwidi novahambuli voiidilifo.

JEREMIA 24:1 Referans Kwoze

JEREMIA 29:2

konima yaasho ohamba Jekonia nomumbada nomalenga novakulunhu vomuJuda novomuJerusalem novahambwidi novahambuli voiidilifo, eshi va dja mo muJerusalem.

2 OMAFIMBO 36:10

Pexulilo lomudo ohamba Nebukadnesar ya tuma ko ndele ve mu twala kuBabilon pamwe noinima i nondilo yomongulu yOmwene. Nomumwaina Sedekia okwa ninga ohamba yaJuda noyaJerusalem.

SAKARIA 3:1

Opo ye okwa ulikila nge omupristeli omukulunhu Josua, e li ofika koshipala shomweengeli wOmwene naSatana a kala ofika kolulyo laye, e mu hokololife.

SAKARIA 1:20

Opo Omwene okwa ulikila nge ovahambwidi vane.

AMOS 7:7

Ye okwa ulikila nge, tala, Omwene okwa kala ofika kombada yekuma, ndele meke laye mwa kala oshumbu.

AMOS 7:4

Omwene Kalunga okwa ulikila nge eshi, tala: Omwene Kalunga okwa ifana omundilo u wanife etokolo, ndele oo wa pwininika ekungulukilo linene lomeva, ndele wa lungwinifa po omapya.

AMOS 7:1

Omwene Kalunga okwa ulikila nge eshi, tala: Ye okwa shita oshipaxu, eshi omwiidi wa hovela okutwiyuka. Ndele tala, omwiidi oo wa twiyuka konima yomakashulo omapya ohamba.

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

HESEKIEL 19:9

Ndele yo oya tulwa moshikuku shoilyani noye i ngovolola, ndele ye i twala kohamba yomuBabilon. Yo oye i tula modolongo, ondaka yayo iha udike vali keemhunda daIsrael.

2 EEHAMBA 24:10

Pefimbo tuu olo ovapiya vaNebukadnesar, ohamba yaBabilon, va homona Jerusalem, ndele va kondeka oshilando.

JESAJA 13:1

Exunganeko, Jesaja yaAmos e li mona okuxunganekela Babilon.

JEREMIA 27:20

oyo tuu ei Nebukadnesar, ohamba yaBabilon, ine i kufa mo muJerusalem, eshi a twala moupika Jekonia yaJehoiakim, ohamba yaJuda kuBabilon, pamwe novakulunhu aveshe vomuJuda novomuJerusalem,

JEREMIA 28:4

NaJekonia yaJehoiakim, ohamba yaJuda neenghwate adishe domuJuda, da ya muBabilon, ohandi di alulile apa ponhele tuu ei, Omwene osho ta ti, osheshi Ame nda hala okuteya po ondjoko yohamba yaBabilon.

JEREMIA 29:1

Eendjovo odo edi donhumwafo oyo omuxunganeki Jeremia ei i tuma, ya dja muJerusalem, e i tumina ovakulunhu veenghwate ovo va hangika ve nomwenyo natango novapristeli novaxunganeki novanhu aveshe, ava Nebukadnesar e va kufa muJerusalem nokwe va twala kuBabilon,

JEREMIA 37:1

Ndele Sedekia yaJosia okwa ninga ohamba ponhele yaKonja yaJehoiakim, ngaashi Nebukadnesar, ohamba yaBabilon, e mu nangeka mouhamba woshilongo shaJuda.

JEREMIA 13:19

Oilando yokoumbuwanhu oya idilwa po nokape na ou te i yeulula vali. Juda ashishe osha twalwa moupika, aveshe ngaashi ve li.

HESEKIEL 17:4

Yo oya teya po oxulo yoitai yao ya hapa ndele ye i twala moshilongo shovalandifi. Yo ye i tula moshilando shovalandifi.