JEREMIA 2:8 - Ombibeli Iyapuki

⁸ Ovapristeli inava pula: Omwene oku li peni? Novayukifi vomhango inava shiiva nge; novafita ove liteeka nge, novaxunganeki ova xunganeka edina laBaal, ndele va shikula oinima kai na nande ekwafo.

JEREMIA 2:8 Referans Kwoze

HABAKUK 2:18

Oshihongwafano sha hongwa komuhongi washo oshi nekwafo lashike? Ile oshitelekwafano omuxunganeki woipupulu, omuteleki washo eshi te shi lineekele, ndele ta ningi oikalunga ihe nondaka oi nekwafo lashike?

JEREMIA 10:21

Osheshi ovafita ova li va laipikwa nongaashi inava konga Omwene, onghee ova li vehe nelao, noshiwana shavo ashishe osha li she lihana.

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

2 OVAKORINTO 4:2

ndelenee otwa efa oinima aishe yohoni yomeholeko, ndele fye ihatu ende nekoto, ihatu endameke eendjovo daKalunga, ndelenee mokuholola oshili otu nelipopilo keliudo keshe lomunhu koshipala shaKalunga.

JOHANNES 16:3

Naashi tave shi mu ningile, osheshi inava shiiva Tate, vo kave shii nge.

HOSEA 4:6

Oshiwana shange tashi ka kombwa po omolwoulai washo. Ove eshi wa ekelashi okushiiva, ohandi ke ku ekelashi, opo uha kale vali nokuyakula nge moshilonga shoupristeli. Osheshi ove wa dimbwa omhango yaKalunga koye, naame yo ohandi ka dimbwa ovamwoye.

JOHANNES 8:55

Ndele nye kamu mu shii, Ame ondi mu shii. Ngeno Ame ndi tye kandi mu shii, ngeno Ame omunaipupulu ngaashi nye, ndelenee Ame ondi mu shii ndele ohandi diinine eendjovo daye.

LUKAS 11:52

“Woo nye ovanongo vomhango, eshi mwa nyeka ko oshapi younongo, nye vene inamu ya mo, naavo va hala okuya mo, omwe va kelela.”

MATEUS 16:26

Osheshi otashi kwafa shike omunhu, nande ne lilikolele ounyuni aushe, ndele ta kanifa omwenyo waye? Ile omunhu ota yandjele shike ekulilo lomwenyo waye?

JEREMIA 16:19

Omwene, Oove eenghono dange neameno lange noshihondameno shange mefiku loudjuu! Oiwana aishe tai uya kwoove tai di kominghulo dedu ndele tai ti: Omakoto ongaho ootatekulu ve a fyuulula, oikalunga yongaho, muyo kamu na nande shimwe tashi dulu okukwafa.

JEREMIA 12:10

Ovafita vahapu ova hanauna po oshikokola shange shomiviinyu, nepya lange la wapala ove li lyataula, la ninga eputu longaho.

JEREMIA 7:8

Ndelenee tala, nye hamu lineekele eendjovo doipupulu dihe nekwafo lasha.

JEREMIA 4:22

Osheshi ovanhu vange omalai, inava shiiva nge, ovo oludalo la lunduka, kave na nande omayele, ove neendunge dowii, ndele inava shiiva okulonga ouwa.

JEREMIA 2:11

Ope na tuu oshiwana sha pingakanifa oikalunga yasho, nande kai fi Kalunga? Ndelenee ovanhu vange ova pingakanifa oshinge shavo noinima yongaho kai nekwafo.

JEREMIA 2:6

Ndele vo inava tya: Omwene oku li peni, ou e tu tembula muEgipiti nokwe tu endifa mombuwa, medu la mbwalangadja nolomakololo, medu lomanota nolomudidimbe wefyo, edu ihali endwa nande okomunhu, ndele kape na nomunhu ta kala mo?

JESAJA 30:5

aveshe otava fifwa ohoni omolwoshiwana shihe na eshi tashi va kwafa, kashi na ekwafo, kashi na oshilonga, ndelenee elengwa nelengaifo.”

JESAJA 29:10

Osheshi Omwene okwe mu tilila omhepo yeemhofi didjuu, nokwa fifikinifa omesho eni ovaxunganeki, nokwa tuvika omitwe deni ovamoni vemoniko.

JESAJA 28:7

Naava yo tava i oshidungwe komaviinyu, noikolwifa tai va pungaukifa, omupristeli nomuxunganeki otava i oshindungwe koikolwifa, omaviinyu e va etela oshitelele, ova pungaukifwa koikolwifa. Otava puka momamoniko, ndele tava i pomunghulo mokutokola.

1 EEHAMBA 18:40

Ndelenee Elia ta ti kuvo: “Kwateni ovaxunganeki vaBaal. Nande umwe muvo ina ya onhapo.” Ndele Elia okwe va twala kokamulonga kaKison ndele te va dipaele ko.

1 EEHAMBA 18:29

Ndele etango eshi la dja pokati komutwe, ova hangika komhepo yepwiduko fiyo okefimbo olo eendjayambo tadi yambwa. Ndelenee inapa holoka nande ondaka ile ou ta nyamukula, kape neudo.

1 EEHAMBA 18:22

Opo nee Elia ta ti kovanhu: “Ame andike nda xupa po movaxunganeki vOmwene, fimbo ovaxunganeki vaBaal ve li omafele ane nomilongo nhano.

1 SAMUEL 12:21

Ndele inamu kanduka po, mu shikule oikalunga yongaho, yo ihai dulu okukwafa nokuxupifa, shaashi yo oinima yongaho.

1 SAMUEL 2:12

Ndelenee ovana ovamati vaEli va li ovapwidi. Vo inava yavala Omwene.

DEUTERONOMION 33:10

Vo otava ka longa Jakob eenghedimhango doye, naIsrael omhango yoye. Vo otava ka tula po moipafi yoye oitwiminifo nokoaltari yoye ouyadiyambo.

JEREMIA 9:14

ndelenee ova li hava ende moukukutu womitima davo nova shikula ooBaal, ooxe ngaashi ve va honga.

JEREMIA 18:18

Ndelenee vo ova tya: “Ileni tu ka hangakeneni Jeremia. Osheshi elongo itali xulu komupristeli nomayele kovanaendunge nondjovo kovaxunganeki. Ileni tu ke mu denge nelaka, fye tuha pwilikine vali eendjovo daye.”

HESEKIEL 22:26

Ovapristeli vomusho ohava tauluka omhango yange nokudina oinima yange iyapuki. Vo ihava tongola pokati koshinima shiyapuki naashi shihe fi shiyapuki, noihava holola etongolo pokati kashi sha nyata naashi sha koshoka. Vo ohava fifikinine omesho avo omashabata ange. Heeno, ame onda xutukifwa mokati kavo.

HESEKIEL 34:2

“Kaana komunhu, xunganeka u vele ovafita vaIsrael eembedi. Xunganeka u tye kuvo, ovafita: Omwene Kalunga ta ti ngaha: Woo ovafita vaIsrael, vo have lilifa vovene! Ovafita ve nokulifa eedi, ndishi?

JOB 35:10

Ndelenee nande umwe ta ti: ‘Kalunga, Omushiti wange, oku li peni, ou ha yandje omahambeleloimbilo oufiku?