JEREMIA 15:1 - Ombibeli Iyapuki

¹ Ndele Omwene okwa lombwela nge: Nande Moses naSamuel va kale ofika koshipala shange, omwenyo wange itau liameke vali koshiwana eshi. Va ta po koshipala shange. Nava ye!

JEREMIA 15:1 Referans Kwoze

HESEKIEL 14:14

nonande ovalumenhu aveshe ava vatatu, Noa, Daniel naJob va kale ngeno mokati kasho, vo otave lixupifile eemwenyo davo adike, Omwene Kalunga ta ti.

JEREMIA 14:11

Ndele Omwene okwa lombwela nge vali: “Ino ilikanena ovanhu ava va xupifwe.

JEREMIA 11:14

Ndele ove ino ilikanena ovanhu ava, u twale ondaka yoye pombada oku va popila nomailikaneno, osheshi Ame itandi va udu, ngeenge tava kuwile nge ekwafo omolwoshiponga shavo.

OMAPSALOME 106:23

Opo Ye a uka oku va hanauna po, ndelenee e shi efifwa kuMoses, omuhoololwa waye, ou a ile kuye, oku va popila, Ye a pungulule po puvo ehandu laye loku va kanifa.

OMAPSALOME 99:6

Moses naAron va kala mokati kovapristeli vaye, naSamuel mokati kaava va ifana edina laye. Vo ova kuwila Omwene naye okwe va uda.

1 SAMUEL 12:23

Naame yo nashi kale nge kokule ndi nyone kOmwene ndi efe ngeno oku mu ilikanena. Ndelenee ame ohandi ke mu longa ouwa nondjila ya yuka.

2 EEHAMBA 17:20

Onghee hano Omwene okwa ekelashi oludalo alishe laIsrael, ndele ye e va ninipika nokwe va yandja momake ovanyeki fiyo e va ekelashi koshipala shaye.

1 SAMUEL 7:9

Opo nee Samuel okwa kufa okadjona taka nyamu ndele e ka yambela Omwene ngaashi exwikiloyambo inaka tukaulwa. Ndele Samuel okwa indilila Ovaisraeli kOmwene. NOmwene e mu uda.

JEREMIA 52:3

Omolwehandu lOmwene Jerusalem naJuda ya monifwa oixuna, fiyo Omwene e va ekelashi koshipala shaye. Ndele Sedekia okwa kala nokutwa ondubo nohamba yaBabilon.

JEREMIA 23:39

onghee hano taleni, Ame ohandi ke mu tumba mo nohandi mu ekeleshi, onye vene noshilando sheni, nde shi mu pa nooxokulu. Ohandi mu kandula po koshipala shange.

JEREMIA 18:20

Ouwa ou nokwaalulilwa owii? Osheshi ova fela nge elambo. Kala ho dimbulukwa nhumbi ame nda kala ofika koshipala shoye, ndi va popile nondjovo iwa opo ndi kandule kuvo oupyuhandu woye.

JEREMIA 15:19

Onghee Omwene ota ti ngaha: “Ove ngeenge to lialuluka, Ame ohandi ke ku alula ndele ove to itavelwa okukala ofika koshipala shange. Nongeenge to eta osho shiwa hasho shii, opo nee ove oto ka kala okanya kange. Ovo naave uye kwoove, ndele ino shuna kuvo.

OMAYELETUMBULO 14:35

Omupiya e nomayele ta hokiwa kohamba, ndelenee ou ta fifa ohoni, ota handukilwa.

OVAHEBERI 9:24

Osheshi Kristus ina ya mouyapuki wa tungwa nomake, oo efano longaho laawinya washili, ndelenee okwa ya meulu loovene, opo a ka holoke koshipala shaKalunga paife molwetu,

JEREMIA 35:19

onghee hano Omwene womatanga ovakwaita, Kalunga kaIsrael, ota ti: Mepata laJonadab, omona waRekab itamu ka pumba omulumenhu ou ta ka kala ofika koshipala shange fiyo alushe.”

OVATOKOLIPANGELI 5:9

Omutima wange wa dama kovakulunhu vaIsrael, vo ove liyandja nehalo liwa mokati kovanhu. Hambeleleni Omwene!

GENESIS 19:27

Ndele Abraham okwa penduka ongula inene ndele ta i konhele ei a li a kala ofika koshipala shOmwene.

SAKARIA 3:3

Ndele Josua okwa li a djala oikutu ya nyata, ye e li ofika koshipala shomweengeli.

DEUTERONOMION 9:26

Ndele ame nda indila kOmwene ndele handi ti: Omwene Kalunga, ino hanauna po ovanhu voye nefyuululo loye, olo we li kulilifa eenghono doye, nowe li pitifa muEgipiti neke li neenghono.

1 SAMUEL 12:19

Onghee hano ovanhu aveshe va lombwela Samuel: Indila kOmwene Kalunga koye molwovapiya voye tuha fye, shaashi komanyonauno aeshe etu twa weda ko vali owii ou eshi twe lihalela ohamba.

JEREMIA 9:19

Osheshi muSion omwa udika elilaano: “Otwa hanaunwa po filufilu! Fye otwa fifwa ohoni shili, osheshi fye otu nokudja mo moshilongo, osheshi omaumbo etu a hanaunwa po.”

JEREMIA 10:18

Osheshi Omwene osho ta ti: Taleni oonakukala moshilongo ohandi va kupula mo paife eshi nohandi va hepeke va kute oudjuu.

JEREMIA 16:5

Osheshi Omwene osho ta ti: Ino ya mo moshiumbo u lile eenghali, ove u va pendulile po, osheshi Ame onda kufa po ombili yange nouwanghenda wange nefilonghenda lange kovanhu ava, Omwene ta ti.

JEREMIA 16:13

Onghee Ame handi ke mu kupula mo medu eli noku mu undulila moshilongo muhe shi shii, nande onye ile ooxokulu noko tamu ka kala nokufimaneka oikalunga omutenya noufiku, osheshi Ame ihandi ke mu filonghenda.

JEREMIA 22:28

Omulumenhu ou Konja okwa kala mbela a dinika ngaashi oshitoo sha tatuka, ile ngaashi oshinima inashi halika kovanhu? Oshike hano ye mwene noludalo laye va ekelwashi nova kupulwa moshilongo vehe shi shii.

HESEKIEL 22:30

Ndele Ame nda li kukonga mokati kavo omulumenhu ou a shiiva okutunga ekuma nokukala ofika moipafi yange momufya wekuma opo ndihe shi nyonaune po, ndelenee inandi mu mona.

JEREMIA 14:12

Nande hava kala nokulidilika, itandi udu onghuwo yavo nonande have yambe omaxwikiloyambo neendjayambo, Ame itandi va hokwa ndelenee Ame ohandi va mane po neongamukonda nondjala noudu wolutapo.”

HOSEA 9:15

Owii wavo aushe u li muGilgal, osheshi oko tuu oko nda hovela oku va tonda: “Omolwoilonga yavo ii handi ke va taataa mongulu yange, kandi va hole vali, ovanenenhu vavo aveshe ovalundakani.