JEREMIA 13:1 - Ombibeli Iyapuki

¹ Omwene okwa lombwela nge ngaha: “Inda u ke lilandele ekwamo loshiyata, ove u li djale moshiya, ndelenee ino li efa li ye momeva.”

JEREMIA 13:1 Referans Kwoze

OVAHEBERI 1:1

Kalunga eshi kwa li a popifa mefimbo lonale ootate luhapu nopaenghedi di lili nodi lili movaxunganeki,

JEREMIA 13:11

Osheshi ngaashi ekwamo lomulumenhu hali kwata oshiya, osho yo ame handi ka kwatakanifila mwaame mwene eumbo alishe laIsrael neumbo alishe laJuda, Omwene osho ta ti, opo vo va ninge oshiwana shange nefimano lange nehambelelo lange noshinge shange. Ndelenee vo inava dulika.

JEREMIA 27:2

Omwene okwa lombwela nge ndele ta ti ngaha: “Liningila ondjoko pamwe neestropa, u i litwike kofingo.

JEREMIA 19:1

Omwene okwa popya ndele ta ti ngaha: Inda u ke lilandele oshitoo shedu komuhongi woitoo, ndele to kufa ovakulunhu vamwe voshilongo novakulunhu vamwe vovapristeli,

OILONGA YOVAYAPOSTOLI 21:11

Ndele eshi e uya oku tu talela po, okwa kufa ekwamo laPaulus, ndele e li limangifa komaulu nokomaoko aye ndele ta ti: “Omhepo Iyapuki otai ti ngaha: ‘Mwene wekwamo eli osho ngaha Ovajuda tave ke mu manga muJerusalem ndele tave mu yandje momake ovapaani.’ ”

JESAJA 20:3

Opo nee Omwene okwa tya: “Ngaashi omupiya wange Jesaja ta ende ehe na ohema neenghaku omido nhatu a ninga edidiliko lehanauko laEgipiti nolaEtiopia,

JEREMIA 18:2

“Fikama u ka kulukile mondjibololo yomuhongi woitoo. Omo to ka uda eendjovo dange.”

JEREMIA 43:9

“Ka toole omamanya manene, ove u ke a fudike monhata monhele yoposhivelo shouhamba waFarao muTahpanhes, moipafi yovalumenhu Ovajuda,