JEREMIA 12:3 - Ombibeli Iyapuki

³ Ndelenee Omwene u shi nge, Ove u wete nge noto konakona omutima wange koshipala shoye. Va nakula po ngaashi eedi tadi twalwa koshidipaelo, Ove u va yapulile efiku ledipao.

JEREMIA 12:3 Referans Kwoze

JEREMIA 17:18

Ava hava taataa nge, nava fifwe ohoni, Ove ino fifa nge ohoni. Nava tilifwe, ndelenee ino tilifa nge. Va undulila efiku loshiponga ndele va hanauna po nomahanauno avali.

2 EEHAMBA 20:3

“Akutu Omwene, dimbulukwa nhumbi nda kala nokweenda koshipala shoye moudiinini nomutima aushe, ndele nda ninga osho sha wapalela omesho oye.” Ndele Hiskia okwa lila unene.

JAKOB 5:5

Mwa kala mounyenye weni kombada yedu nomwa wanifa omauhalu eni; omitima deni omwe di ondolela efiku lokutomwa.

OMAPSALOME 17:3

Ove ho tale omutima wange, moufiku to u shipaashipa, Ove ho konakona nge, ndele ito mono sha. Keshe eshi handi diladila yo itashi piti mokanya kange.

JEREMIA 50:27

Nyoneni po eehove dasho adishe nadi uye okutomwa! Woo ovo! Osheshi efiku lavo ola fika, efiku lokuhandukilwa kwavo!

OMAPSALOME 139:23

Kalunga, konakone nge, u koneke omutima wange! Yeleke nge, u dilakane omadiladilo ange,

OMAPSALOME 26:1

Omwene, ningile nge eshi sha yuka, osheshi mokweenda kwange nda enda moukoshoki, onda kala nde lineekela Omwene, inandi tengauka.

JOHANNES 21:17

Oye ta ti kuye lutitatu: “Simon omona waJohannes, ou hole nge tuu?” Petrus okwa nyika oluhodi eshi te mu pula olutitatu: “Ove ou hole nge?” Ndele ta ti kuye: “Omwene, oinima aishe ove u i shii, ou shi shii ondi ku hole.” Jesus ta ti kuye: “Lifa eedi dange.

JEREMIA 51:4

Eendjashe tadi ka wila moshilongo shOvakaldea naava va tuwa omomapandavanda asho.

JEREMIA 48:15

Moab otashi ka hanaunwa po, noilando yasho tai ka tondokelwa, novamati vasho ovahoololwa tava i va ka dipawe po, ohamba osho ta ti, edina layo Omwene womatanga ovakwaita.

JEREMIA 20:12

Ndelenee, Omwene womatanga ovakwaita, Ove ou to konakona omuyuki, oho tale neefiyo nomutima. Itavela, ndi mone ehandu loye kuvo, osheshi eyukifilo moshinima shange onde li ku efela.

OMAPSALOME 11:5

Omwene ota konakona ovayuki novahenakalunga, naau e hole owii, omwenyo waye otau mu tondo.

OMAPSALOME 7:9

Xulifa oumbudi wovakolokoshi, Ove pameka ofika yovayuki voye, Oove omukonakoni womitima noweefiyo, Kalunga omuyuki.

JOB 23:10

Osheshi okweenda kwange kwa shiivika kuye. Ngeno Ye ta konakona nge ngeno handi monika nda yela ngaashi oshingoldo.

1 OMAFIMBO 29:17

Kalunga kange, ame ndi shi shii, Ove ho panapana omutima, ndele wa hokwa ouyuki. Nomwenyo wa yuka nda yandja oinima aishe ei nehalo liwa. Ndele paife nda tala nehafo nhumbi ovanhu voye, ava ve li po, va yandja kwoove nehalo liwa.

2 PETRUS 2:12

ndelenee vo ova fa oinamwenyo ihe neendunge ya dalelwa okukwatwa nokunyonwa po, eshi hava sheke oinima vehe i shii nande, otava ka nyonauka meolelo lavo vene,

JEREMIA 15:15

Omwene, Ove u shi shii. Dimbulukwa nge Ove u kalele nge noshisho, Ove u handukile nonghone ovataataai vange ponhele yange. Monheni yoye ino duda nge mo. Kala u shi shii ame ohandi ku shekelwa.

JEREMIA 17:16

Ndelenee ame inandi likufa mo, ndiha kale ngeno omufita ndi ku shikule noinandi hala efiku loshiponga. Ove ou shi shii. Keshe eshi omilungu dange de shi pitifa mo osha kala koshipala shoye.