JEREMIA 11:4 - Ombibeli Iyapuki

⁴ olo tuu olo nde li pele ooxokulu efiku olo nde va tembula medu laEgipiti, mediko loshivela, eshi nda tile: Pwilikineni ondaka yange ndele wanifeni aishe naanaa ngaashi nde mu lombwela mu ninge, opo tamu kala ovanhu vange, naame ohandi kala Kalunga keni,

JEREMIA 11:4 Referans Kwoze

DEUTERONOMION 4:20

Ndelenee Omwene okwe mu kufa nokwe mu pitifa mo meleva loivela muEgipiti, mu kale oshiwana shaye shefyuululo ngaashi mu li nena.

LEVITIKUS 26:12

Naame ohandi ka enda mokati keni nokukala Kalunga keni, nanye otamu ka kala ovanhu vange.

2 OVAKORINTO 6:16

Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”

SAKARIA 8:8

ndele handi va alula va kale meni laJerusalem. Opo nee vo otava ka kala oshiwana shange ndele Ame ohandi kala Kalunga kasho moudiinini nomouyuki.

JEREMIA 24:7

Ndele ohandi va pe omutima wokushiiva nge nokutya, Aame Omwene, ndele vo otava ka ninga oshiwana shange, naame ohandi ka kala Kalunga kavo, osheshi vo otava ka alukila kwaame nomutima wavo aushe.

1 EEHAMBA 8:51

Osheshi vo ovanhu voye, oshitukulwafyuululwa shoye, we shi pitifa mo muEgipiti, mediko loshivela.

SAKARIA 13:9

Opo oshitukulwa oshititatu Ame ohandi ke shi twala momundilo ndele handi va hemuna ngaashi oshisiliveli hashi hemunwa, ndele handi va yeleke ngaashi oshingoldo hashi yelekwa. Vo otava ka ifana edina lange, ndele Ame ohandi ke va uda. Ame handi ti: Eshi oshiwana shange! Ndele ohava ti: Omwene, Kalunga ketu!

HESEKIEL 37:23

Ndele vo itave ke linyateka vali noikalunga yavo noixuna yavo nomatauluko avo, ndele Ame ohandi ke va mangulula meenhele adishe omo va nyonenene, ndele handi ke va yapula. Osho ngaha vo otava ka ninga oshiwana shange, naame handi ningi Kalunga kavo.

HESEKIEL 36:28

Ndele nye otamu ka kala moshilongo, nde shi pa ooxokulu yeni; ndele nye otamu ka ninga oshiwana shange naame handi ka ninga Kalunga keni.

HESEKIEL 14:11

opo epata laIsrael lihe liteeke nge vali, novehe linyateke vali nomatauluko avo aeshe. Opo nee vo otava ka kala oshiwana shange, ndele Ame ohandi ka kala Kalunga kavo, Omwene ta ti.”

HESEKIEL 11:20

opo mu shiive okweenda meenghedimhango dange nokudiinina omalombwelo ange noku a wanifa. Ndele vo otava ka ninga oshiwana shange, naame ohandi ka kala Kalunga kavo.

JEREMIA 30:22

Ndele onye otamu ka ninga ovanhu vange mwene, Ame ohandi ningi Kalunga keni.”

JEREMIA 26:13

Hano paife wapekeni eendjila deni noilonga yeni, nye mu pwilikine ondaka yOmwene Kalunga keni, opo nee Omwene ote lialuluka kowii ou e u popya tau mu hange.

DEUTERONOMION 11:27

Enangeko noupuna nye ngeenge tamu dulika koipango yOmwene Kalunga keni, ei ame ohandi mu lombwele nena eli,

LEVITIKUS 26:3

“Nye ngeenge tamu ende meenghedimhango dange ndele tamu diinine oipango yange noku i wanifa,

GENESIS 17:8

Ndele Ame ohandi ku pe, noludalo tali ku shikula, edu eli loweendanandjila woye, edu alishe laKaanan, li ninge loye fiyo alushe. Ndele Ame ohandi ka kala Kalunga kavo.”

OVAHEBERI 5:9

ndele eshi a ningwa a wana a pwa, okwa ninga omuwanifi wexupifo laalushe kwaaveshe ava tava dulika kuye,

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

SAKARIA 6:15

Ndelenee oonakukala kokule tave ke uya okutunga otembeli yOmwene. Opo nee nye otamu ka shiiva, nokutya Omwene womatanga ovakwaita Oye a tuma nge kunye. Ndele osho tashi ka kala, onye ngeenge tamu pwilikine shili ondaka yOmwene Kalunga keni.

HESEKIEL 37:27

Ndele edilaumbo lange tali ka kala kombada yavo, naame ohandi ka kala Kalunga kavo, navo tava ka kala oshiwana shange.

JEREMIA 32:28

Onghee Omwene ota ti ngaha: Tala, oshilando eshi ohandi shi yandje momake Ovakaldea nomomake aNebukadnesar, ohamba yaBabilon, ndele ye ote shi nangala.

JESAJA 48:10

Tala, Ame onde ku hemuna, hahemuno loshisiliveli; ndelenee Ame onde ku yelekela mediko loupongo.

1 SAMUEL 15:22

Opo nee Samuel ta ti: “Omwene a hokwa ngeno omaxwikiloyambo nomatomenoyambo ngaashi a hokwa eduliko, okudulika kondaka yOmwene? Tala, okudulika ku dule etomenoyambo nokuuda ko ku dule omakaadi eedi deemhedi.

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

JESAJA 30:6

“Oifitukuti yomedu lokoumbuwanhu tai xunganekwa. Ovo tava pitile medu letumaukifo lomaxwilili nolidjuu, medu longhoshi yonghadi noyondume, medu lomayoka noleengadu hadi tuka, otava humbatifa keembuda doimbulu emona lavo, tava kuminike oipako yavo meembuda deengamelo, tave i twala koshiwana shihe na osho tashi va kwafa.

JEREMIA 11:7

Osheshi onda pukulula shili ooxokulu, eshi nde va tembula medu laEgipiti, nofiyo onena onde va pukulula nonda tya: Pwilikineni ondaka yange.

JEREMIA 38:20

Ndelenee Jeremia okwa nyamukula ta ti: “Ahowe, ito yandjwa momake avo. Pwilikina ashike odo handi di ku lombwele pandjovo yOmwene, ndele to ka kala nawa, ndele oto ka kala u nomwenyo.

DANIEL 3:26

Opo Nebukadnesar okwa ehena poshivelo shediko lomundilo, ndele ta ti: “Sadrak, Mesak naAbednego, onye ovapiya vaKalunga wOkombadambada, djeni mo, ileni oku! Opo nee Sadrak, Mesak naAbednego ova dja mo mediko lomundilo.”

DEUTERONOMION 5:6

“ ‘Aame Omwene Kalunga koye, ou nde ku pitifa mo medu laEgipiti meumbo loupika.

2 EEHAMBA 18:6

Heeno, okwa kanyatela mOmwene, ina kanduka mo muye ndele a diinina oipango yaye, oyo Omwene e i lombwela Moses.