JEREMIA 10:9 - Ombibeli Iyapuki

⁹ oshisiliveli sha hambulwa sha lalakana tashi di kuTarsis, noshingoldo sha dja koshilongo shaUfas, oshilonga shomunongo noshomake omuhambwidi woshingoldo. Oikutu yayo oi nomavala malaula nomatilyana. Oyo aishe oshilonga sheenghulungu.

JEREMIA 10:9 Referans Kwoze

OMAPSALOME 115:4

Oikalunga yavo oyo oisiliveli noingoldo, oitotwa yomake ovanhu.

DANIEL 10:5

ame onda yelula omesho ange, ndele onda mona ko omulumenhu umwe a djala oikutu yoliina nomwiya woshingoldo shaUfas moshiya shaye.

JESAJA 40:19

Omuhambwidi ota teleke efanokalunga, nomuhambwidi woshingoldo ote li vaeke noshingoldo, note li hambulile okalyenge koshisiliveli.

1 EEHAMBA 10:22

Osheshi ohamba ya li i neeskepa daTarsis mefuta pamwe neeskepa daHiram. Lumwe momido nhatu eeskepa dokuTarsis de uya da li di noshingoldo noshisiliveli nomayoo eendjaba neenghima nomakondombolo e nomishindi da xwanana.

HESEKIEL 27:12

“Tarsis mwa landakanifa naye oipindi ihapu i lili noi lili: oshisiliveli, oshivela, oholo noshikesha, venya ove ku landifila ngaashi oipindi yavo.

OMAPSALOME 72:10

Eehamba domuTarsis nodomoilongo yokomunghulo wefuta nadi i etele omilongelo. Eehamba daSheba naSeba otadi kungudwa.

JESAJA 23:6

Taulukeni mu ye kuTarsis; kemeni, onye ava vokomunghulo wefuta.

HESEKIEL 27:7

Ofaila yoye oya li oshiyata sholiina iwa noutotone, sha dja muEgipiti, oyo ya li epandela loye. Onduda yoye yofaila oya li oshiyata shimbulau noshitilyana opurpuri koshilongo shaElisha pominghulo defuta.

JONA 1:3

Ndelenee Jona okwa fikama a ye onhapo oshipala shOmwene, a ye kuTarsis. Ndele ye okwa ya kuJoppa, oko a mona oskepa tai i kuTarsis. Ndele ye ta futu oimaliwa yokweenda ndele ta londo muyo, a ende pamwe navo kuTarsis, a ye onhapo oshipala shOmwene.

HABAKUK 2:19

Woo ou, ta lombwele oshiti, ndele ta ti: “Pashuka!” Nokemanya ihali popi: “Penduka!” Oikalunga oyo tai dulu tuu mbela okulonga eendunge? Tala, oya kwatelwa kumwe koshingoldo nokoshisiliveli, ndele kai na nande omhepo muyo.

2 OMAFIMBO 9:21

Osheshi ohamba ya li i neeskepa hadi i kuTarsis pamwe novapiya vaHiram. Lumwe momido nhatu eeskepa daTarsis de uya, da li di noshingoldo noshisiliveli, omayoo eendjaba neenghima needila hadi xwaananeke omishindi.

HOSEA 8:6

Aishe oya dja muIsrael, omuhambwidi e i ninga ndele yo kai fi Kalunga. Ndelenee onhana yomuSamaria tai ka hanaunwa moutandu.