JEREMIA 10:8 - Ombibeli Iyapuki

⁸ Ndelenee vo aveshe omalai novashima! Elongelokalunga loikalunga olongaho, oyo oiti,

JEREMIA 10:8 Referans Kwoze

SAKARIA 10:2

Osheshi oiketi hai popi eendjovo doipupulu, novanongo hava mono oipupulu, ndele hava udifa eendjodi dongaho nomahekeleko avo ongaho. Onghee va ya ngaashi oufita weedi, hava fi oluhepo, osheshi vehe nomufita.

JEREMIA 10:14

Omunhu keshe ehe neendunge, ke neshiivo, keshe omuhambwidi woshingoldo ta fifwa ohoni koshihambulwa shaye, osheshi oshifolomwafano shaye osho oipupulu yongaho, nokashi nomhepo musho vene.

HABAKUK 2:18

Oshihongwafano sha hongwa komuhongi washo oshi nekwafo lashike? Ile oshitelekwafano omuxunganeki woipupulu, omuteleki washo eshi te shi lineekele, ndele ta ningi oikalunga ihe nondaka oi nekwafo lashike?

JESAJA 44:19

ndele vo ihava diladila sha, kape neshiivo ile eendunge dokutya: “Imwe onde i xwika po momundilo, nomakala onde a pakifa po omungome, nde liyofela ombelela ndele nde i lya po; noshixupe shayo ondi shi ninge ngeno oixuna yongaho? Ondi nokutwila oshitetela shomuti eengolo hamba?”

JESAJA 41:29

Tala, ovo aveshe ngaashi ve li, kave na oshilonga, oilonga yavo aishe oinima yongaho; omafanotelekwa avo okaulapepo nongaho aike.

OMAPSALOME 135:18

Ovatoti vayo otave uya okufaafana nayo, keshe tuu omulineekeli wayo.

OMAPSALOME 115:8

Ovatoti vayo otave ya okufaafana nayo, keshe tuu omulineekeli wayo.

JEREMIA 4:22

Osheshi ovanhu vange omalai, inava shiiva nge, ovo oludalo la lunduka, kave na nande omayele, ove neendunge dowii, ndele inava shiiva okulonga ouwa.

JEREMIA 2:27

eshi tava lombwele oshiti: ‘Oove tate,’ ndele tava lombwele emanya: ‘Ove wa dala nge.’ Osheshi vo ova pa nge ombuda, hashipala. Ndelenee ngeenge tava hangika koshiponga, opo nee otava ifana nge tava ti: ‘Fikama, u tu kwafe!’

HOSEA 4:12

Oshiwana shange tashi pula koshiti shasho, nonhaili yasho tai shi nyamukula. Osheshi omhepo yoluhaelo tai pukifa, nomokuhaela kwavo va efa okuuda Kalunga kavo.

JESAJA 44:18

Vo kave shi shii, ndele kave udite ko, osheshi omesho avo okwa fifikinifwa, vaha mone ko, nomitima davo opo va kale vehe udite ko;

JEREMIA 3:9

Noshilongo okwe shi nyatekifa kokuhaelwa kwaye itaku kwafa sha, a haelwa nokemanya nokoshiti.

JEREMIA 5:4

Ndelenee Ame onda tya: Eehepele osho ve li ovashima, osheshi inava shiiva ondjila yOmwene neyukifo laKalunga kavo.

JONA 2:8

Ovo tava fimaneke oikalunga yongaho, otava ekeleshi ou te va filonghenda.