JEREMIA 10:16 - Ombibeli Iyapuki

¹⁶ Ndele oshipewa shaJakob inashi fa oyo, osheshi Oye Omushiti wakeshe shimwe, naIsrael oye epata lefyuululo laye, edina laye Omwene womatanga ovakwaita.

JEREMIA 10:16 Referans Kwoze

DEUTERONOMION 32:9

Osheshi oshitukulwa shOmwene, osho oshiwana shaye, heeno, Jakob, oye oshitukulwafyuululwa shaye.

JEREMIA 32:18

Ove oho file omayovi onghenda, nomanyonauno ootatekulu oto a shuna momakolo ovatekulu vavo, ve va shikula. Oove omunene nomunaenghono, Kalunga Omwene womatanga ovakwaita, olo edina loye,

JEREMIA 31:35

Omwene osho ta ti, Oye tuu ou a tula po etango li minikile omutenya, nokwa tula po ohani neenyofi pamhangela yado okuminikila oufiku, Oye ou ta tukulukifa efuta nomakufikufi alo otaa ndunduma, Omwene womatanga ovakwaita olo edina laye.

JEREMIA 51:19

Ndelenee oshitukulwa shaJakob inashi fa ei. Osheshi Omwene Oye Omushiti waaishe, naIsrael oye epata lefyuululifwa laye, Omwene womatanga ovakwaita olo edina laye.

JEREMIA 10:12

Oye tuu ou a shita edu neenghono daye mwene, nounyuni e u pameka nounongo waye. Neulu okwe li valela komayele aye.

OMAPSALOME 119:57

Omwene Oye oshitukulwa shange; ame ohandi diinine eendjovo doye.

OMAPSALOME 74:2

Dimbulukwa eongalo loye, eli we liongelela nalenale, nowe li likulilila, li kale epata loyelela. Dimbulukwa omhunda yaSion, ei ho kala kombada yayo.

OMAIMBILOKEMO 3:24

Omwenyo wange tau ti: “Omwene Oye oshitukulwa shange, onghee ame ohandi ka tula muye elineekelo lange.”

OMAPSALOME 135:4

Osheshi Omwene okwe lihoololela Jakob, naIsrael, shi kale emona laye.

JEREMIA 50:34

Ndelenee Omukulili wavo Oye omunaenghono, edina laye, Omwene womatanga ovakwaita. Oye te va popile ndele ta eta ombili kombada yedu, ndelenee ta etele oonakukala muBabilon ekakamo.

JESAJA 45:7

ou handi ningi ouyelele, ndele handi shiti omilaulu, handi eta po elao, ndele handi shiti omupya; Ame Omwene handi longo aishe ei.

OMAPSALOME 73:26

Olutu lange nomutima wange nande nai pwinine po, Kalunga Oove emanya lomutima wange nokuli noshitukulwa shange.

EXODUS 19:5

Hano paife nye ngeenge tamu pwilikine ondaka yange ndele tamu diinine ehangano lange, nye mokati koiwana aishe, mu nokukala oshiwana shange mwene, osheshi edu alishe olange.

JESAJA 54:5

Osheshi Omumi woye, omulumenhu woye, Omwene, Omwene womatanga ovakwaita, olo edina laye, Omukulili woye Omuyapuki waIsrael. Oye ta ka ifanwa Kalunga kedu alishe.

JESAJA 51:15

Ndelenee Aame Omwene Kalunga koye, handi tukulukifa efuta, opo omakufikufi alo a ngungume. Edina laye olo Omwene Kalunga komatanga ovakwaita.

JESAJA 47:6

Ame onda handukila ovanhu vange, nda fifa ohoni efyuululo lange, nonde va yandja momake oye, ove ino va fila onghenda, ndele wa twika omushamane ondjoko yoye idjuu unene;

JESAJA 47:4

Edina lOmukulili wetu olo Omwene womatanga ovakwaita, Omuyapuki waIsrael.

OMAYELETUMBULO 16:4

Oinima aishe Omwene e i lilongelela, nosho yo omuhenakalunga okwe mu shitila efiku lomupya.

OMAPSALOME 142:5

Omwene, Oove, handi lalekida, ohandi ti: Oove eningino lange, Oove onhele yange moshilongo shovanamwenyo.

JEREMIA 10:6

Kape na ou e ku fa, Omwene, Oove omunene, edina loye linene, li neenghono.

JEREMIA 33:2

Omwene, naku shi wanifa, osho ta popi, Omwene ou te shi longekida noku shi pameka, edina laye Omwene.

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

SAKARIA 2:12

Ndele Omwene ota ka fyuulula Juda monhele iyapuki nokuhoololulula Jerusalem.

EXODUS 34:9

ndele ta ti: “Omwene, ngeenge nda filwa onghenda koshipala shoye, Omwene na ende pamwe nafye, osheshi ovanhu ava ve neefingo da kukuta. Ndelenee dima po omanyonauno etu nomatimba etu, ndele tu tambula ngaashi oshifyuululwa shoye.”

OMAPSALOME 33:6

Eulu ola shitifwa ondjovo yOmwene, neengudi dalo adishe okomhepo yokanya kaye.

JESAJA 19:25

osheshi Omwene womatanga ovakwaita ote va nangeke noupuna ndele ta ti: “Nangekwa noupuna oove oshiwana shange Egipiti, noshilonga shomake ange Asiria, nefyuululo lange Israel.”

JEREMIA 46:18

Oshili, ngaashi ndi nomwenyo, ohamba tai ti, edina layo Omwene womatanga ovakwaita: ngaashi omhunda Tabor nongaashi Karmel pefuta osho ye te uya.