JEREMIA 10:10 - Ombibeli Iyapuki

¹⁰ Ndelenee Omwene Oye Kalunga kashili, Oye Kalunga omunamwenyo, ohamba yaalushe. Edu ohali kakama kehandu laye, noiwana itai dulu oupyuhandu waye.

JEREMIA 10:10 Referans Kwoze

DEUTERONOMION 32:4

“Ye emanya; oilonga yaye oya wana ya pwa. Osheshi eendjila daye adishe do omatokolo. Oye Kalunga koudiinini, ndele ehe nowadi. Ye omuyuki nomunashili.

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

OMAPSALOME 76:7

Heeno, Oove omutilifi, olyelye ta dulu okukala koshipala shoye fiku to handuka?

NAHUM 1:6

Olyelye ta shiiva okukala ofika moipafi youpyuhandu waye? Olyelye ta kalele ehanyo lehandu laye? Exwamo lehandu laye tali ka tilwashi ngaashi omundilo, nomamanya taa topaana koshipala shaye.

OMAPSALOME 42:2

Omwenyo wange tau fi enota, otau djuulukwa Kalunga, Kalunga omunamwenyo. Onaini mbela handi fiki ko, ndi monike koshipala shaKalunga?

OMAPSALOME 100:5

Osheshi Omwene omuwa, nouwanghenda waye otau kala po fiyo alushe, noudiinini waye okoludalo noludalo.

EHOLOLO 20:11

Ndele onda mona olukalwapangelo linene litoka nomukalimutumba mulo, Oye ou edu neulu la ya onhapo oshipala shaye, ndele ina monikila vali onhele.

OMAPSALOME 31:5

Omhepo yange ohandi i yandje momake oye; Ove wa kulila nge, Omwene, Kalunga omudiinini.

OMAPSALOME 10:16

Omwene, Ove ohamba fiyo alushe; mouhamba woye ovapaani ova pwa mo.

OMAPSALOME 18:7

Opo edu la hovela okukakama nokukakamenena, nomafina eemhunda a nyenganyengifwa, ndele tadi tengaukile keembinga neembinga; osheshi Ye okwa li a uda onya.

1 JOHANNES 5:20

Ndele otu shi shii yo, Omona waKalunga okwe uya mo nokwe tu pa ondunge okushiiva Omunashili; omo tu li mOmunashili, mOmona waye Jesus Kristus. Oye Kalunga omunashili nomwenyo waalushe.

OVAHEBERI 10:31

Oixuna yongaho okuwila momake aKalunga omunamwenyo.

1 TIMOTEUS 1:17

Ndele Ohamba yomafimbo ounyuni, ei ihe nexulilo noihe wetike, oyo Kalunga omunandunge aeke, na hambelelwe, Ye na fimanekwe alushe fiyo alushe! Amen.

1 OVATESSALONIKI 1:9

Osheshi ovo vene have tu hepaulula, okuuya kwetu kunye nhumbi kwa li, nanye yo nhumbi mwa amuka koikalunga nomwe uya kuKalunga, mu longele Kalunga omunamwenyo nomunashili,

OILONGA YOVAYAPOSTOLI 14:15

tava ti: “Ovalumenhu nye, oshike tamu ningile ngaha? Nafye yo ovanhu ngaashi nye, ndele hatu mu udifile evaengeli, opo mu lidilulule, nye mu efe oikalunga ei yongaho, nye mu alukile kuKalunga omunamwenyo ou a shita eulu nedu, nefuta nakeshe eshi shi li mo.

MALAKIA 3:2

Ndelenee olyelye ta dulu okulididimika efiku leuyo laye? Ndele olyelye ta dulu okukala po, Ye eshi ta holoka? Osheshi Ye e li ngaashi omundilo womeleva lomuhambwidi nongaashi ofewa yomukoshi.

HABAKUK 3:6

Ye ota kanghama, ndele ota kakamifa edu! Ye ota tale, ndele ta kakamifa oiwana aishe! Eemhunda daalushe otadi topaana, neemhunda dikulu tadi ningine mo, noikulundudu ikulu. Eendjila daye ngaashi defimbo lonale.

MIKA 1:4

Ndele eemhunda otadi hengumuka koshi yaye nomafilu otaa tende omifya, ngaashi edi tali hekuluka komundilo, ngaashi omeva taa kunguluka komhunda ya yukilila.

OMAPSALOME 146:6

ou omushiti weulu nedu, nomeva efuta naashishe eshi shi li mo, ou omudiinini fiyo alushe,

OMAPSALOME 145:13

Ouhamba woye ou li po tau kalelele fiyo alushe nepangelo loye fiyo okomapupi aeshe.

OMAPSALOME 114:7

Edu oove, kakama koshipala shOmwene, koshipala shaKalunga kaJakob,

OMAPSALOME 104:32

Ngeenge ta konenene edu, otali kakama, ngeenge ta kumu eemhunda, do tadi twimaana omwifi.

OMAPSALOME 97:4

Omaluvadi aye otaa minikile ongonga yedu, edu otali a mono, ndele tali kakama.

OMAPSALOME 93:2

Olukalwa loye ola kala lapama nale noshito, Ove wa dja nale alushe.

OMAPSALOME 90:11

Ndelenee elipipo te lipulapula neenghono dehandu loye, e lipulaapule nonyengo yoye, opo a kale te ku tila?

OMAPSALOME 84:2

Omwenyo wange tau djuulukwa, ndele tau lilile omikala dOmwene; omutima wange nolutu lange otali nyakukilwa Kalunga omunamwenyo;

OMAPSALOME 77:18

Engungumo londaka yoye ola udika mevalelwa, nomaluvadi okwa minikila edu, olo nola kakama la tengauka.

JOB 9:6

Ye ota kakamifa edu, tali di po ponhele yalo neengudi dalo tadi dekweta.

2 OMAFIMBO 15:3

Efimbo lile Ovaisraeli va li vehe na Kalunga kashili, vehe nomupristeli ta longo, kave nomhango.

1 EEHAMBA 18:39

Ovanhu aveshe eshi ve shi mona, va wila eombe ndele tava ti: “Omwene Oye Kalunga! Omwene Oye Kalunga!”

1 SAMUEL 17:36

Omupiya woye a dipaa onghoshi nemwangha, nOmufilisti ou ina pita etanda ta ka ningwa naanaa ngaashi imwe yomwaadinya, shaashi ye a sheka omatanga ovakwaita vaKalunga.

1 SAMUEL 17:26

Opo nee David a pula ovalumenhu ava va kala ofika puye ndee ta ti: “Omulumenhu ou ta dipaa Omufilisti ou, ndee ta kombo po ohoni muIsrael, ota ka pewa shike? Osheshi Omufilisti ou ina pita etanda, omushike ngeno, eshi ta sheke omatanga ovakwaita vaKalunga omunamwenyo?”

OVATOKOLIPANGELI 5:4

Omwene, Ove eshi wa dja mo muSeir, Ove eshi wa katuka moshikandjo shaEdom, edu ola kakama neulu yo la tilashi omeva, noilemo yo ya tilashi omeva!

DEUTERONOMION 5:26

Osheshi olyelye ou womombelela aishe a uda ondaka yaKalunga omunamwenyo okupopya momundilo ngaashi fye, ndele a kala nomwenyo?

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

JOHANNES 17:3

Nomwenyo waalushe oo tuu ou, vo ve ku shiive, Oove auke Kalunga kashili, naau we mu tuma, Jesus Kristus.

MATEUS 26:63

Ndelenee Jesus okwa mwena. Opo nee omupristeli omukulunhu okwa tya kuye: “Ohandi ku anifa kuKalunga omunamwenyo, u tu lombwele, ngeenge Oove Kristus, Omona waKalunga?”

MATEUS 16:16

Ndele Simon Petrus okwa nyamukula ndele ta ti: “Oove Kristus, Omona waKalunga omunamwenyo.”

HABAKUK 3:10

Eemhunda tadi ku mono ndele tadi kakama. Odula inene tai tileshi omeva. Ondaka youle wefuta tai udika. Oule tau yelula omaoko ao pombada.

JOEL 2:11

Ndele Omwene ota ngungumifa ondaka yaye komesho yoita yaye. Osheshi oita yaye oinene unene, nosheshi omuwanifi wondjovo yaye omunaenghono. Osheshi efiku lOmwene olo linene nokutilika unene. Ndele olyelye ta dulu okukala po?

DANIEL 7:14

Ndele ye okwa pewa eenghono nefimano noshilongo. Noiwana aishe omaludi nomalaka tae mu longele. Eenghonopangelo daye odo eenghonopangelo daalushe, kadi na apa tadi xulu po. Ndele oshilongo shaye osho oshilongo itashi ka teywa po.

DANIEL 6:26

Ame nda yandja ondaka nokutya, monhele aishe yomepangelo lange ovanhu ve nokutila nokukakama koshipala shaKalunga kaDaniel. Osheshi Oye Kalunga omunamwenyo, ndele ota kala fiyo alushe. Noshilongo shaye kashi shii okuhanaunwa po, nepangelo laye kali na apa tali xulu po.”

DANIEL 4:34

“Ndele efimbo eli eshi la xula po, ame Nebukadnesar, onda yelula omesho ange keulu, ndele eendunge dange oda alukila nge, ndele nda pandula ou wOkombadambada, ndele nda hambelela nokufimaneka ou ta kala fiyo alushe, ou e nepangelo tali kala fiyo alushe, noshilongo shaye tashi kala fiyo okoludalo noludalo.

DANIEL 4:3

Omadidiliko aye aa manene ngahelipi noikumwifa yaye i neenghono di fike peni? Ouhamba waye waalushe, nepangelo laye otali kala fiyo okoludalo noludalo.

JEREMIA 23:36

Ndelenee etumbulo eli: “Omutengi wOmwene”, inamu li tumbula vali, osheshi ondjovo yakeshe umwe otai ka ninga omutengi waye mwene. Onye ohamu pilike eendjovo daKalunga omunamwenyo, dOmwene womatanga ovakwaita, Kalunga keni.

JESAJA 37:17

Akutu Omwene, ameka okutwi kwoye, Ove u ude ko; pashula omesho oye, Omwene, Ove u tale. Pwilikina eendjovo daSanheerib adishe e di tumina okusheka Kalunga omunamwenyo.

JESAJA 37:4

Pamwe Omwene Kalunga koye ta udu eendjovo daRabsake, ou a tumwa komwene waye, ohamba yaAsiria, e mu tuma okusheka Kalunga omunamwenyo, ndele te mu handukilile eendjovo odo Kalunga koye e di uda. Ndele ove yelula eindilo molwoshixupe osho shi li po natango.”

OMAPSALOME 68:11

Omwene okwa yandja ondjovo, ongudu inene yovakainhu tai twala ondaka yefindano:

GENESIS 21:33

Ndele Abraham okwa twika omuti womutamarisk muBerseba nokwa ifana edina lOmwene Kalunga kaalushe.

1 EEHAMBA 8:60

opo oiwana aishe yomounyuni i shiive nokutya, Omwene Oye Kalunga, ndele kape na kalunga ponho yaye.

OMAPSALOME 29:10

Omwene okwa li omutumba kombada yeyelumeva; heeno; Omwene ha kala omutumba kolukalwapangelo, ngaashi ohamba fiyo alushe.

OMAPSALOME 68:8

Opo nee edu ola kakama, neulu la tika omeva koshipala shaKalunga, naSinai ya kakama koshipala shaKalunga, Kalunga kaIsrael.

OMAPSALOME 90:2

Manga ino shita eemhunda nomanga ino holola po ounyuni, Ove Kalunga kaalushe oko wa li, noto ka kala alushe fiyo alushe.

JESAJA 40:15

Tala, oiwana aishe i li ngaashi eta limwe melila lehemele nongaashi okandwi moshiyelekifo. Tala, ota yelula eenhunhu aishe ngaashi okandwi.

JESAJA 65:16

Opo nee moshilongo keshe ou te linangeke noupuna, oye ote linangekele noupuna muKalunga koshili, naau ta ane moshilongo, ote lianene muKalunga koshili. Osheshi omahepeko enya onale okwa dimbuwa nokwa holekwa omesho ange.

JEREMIA 4:2

Opo nee ove to ka ana moshili nomouyuki nomouyapuki, to ti: “Oshili, ngaashi Omwene e nomwenyo!” Noiwana aishe otai linangeke noupuna muye, ndele tai lifimanekele muye.

JEREMIA 4:24

Ame onda tala keemhunda, tala, do oda kakama nokoikulundudu oya tengauka.

JEREMIA 50:46

Omolweingido: Babilon sha tewa, edu tali kakama, nekwenauko tali udika moiwana.

JEREMIA 51:29

Opo nee edu otali ka kakama ndele tali linyenge kouyehame, osheshi omadiladilo Omwene, e a diladilila Babilon taa wanifwa, Babilon opo te shi ningi ofuka, shihe novanhu.

JOSUA 3:10

Josua okwa tya vali: Opo tuu opo nye otamu ka shiiva nokutya, Kalunga omunamwenyo e li mokati keni eshi Ye ta ka taataa shilishili komesho yeni Ovakaanan nOvaheti nOvahevi nOvaperesi nOvagirgasi nOvaamori nOvajebusi.

1 OMAFIMBO 29:11

Omwene, ounene owoye, neenghonopangelo odoye, noshinge oshoye, nouyelele owoye, nepangelofimano oloye, heeno, aishe yomeulu nokombada yedu oyoye. Oshilongo oshoye Omwene, ndele Oove Omupangeli waaishe!

OMAPSALOME 9:8

Oye mwene ta ka tokola omunghulo wedu mouyuki, ota pangele oiwana pauyuki.

OMAPSALOME 74:12

Kalunga, Oove ohamba yange yonale, nghee nda dja; oshilonga shexupifo oho shi longo kombada yedu.

OMAPSALOME 76:8

Keulu taku di eshiivifo letokolo loye, opo edu la haluka la kanghwa,

OMAPSALOME 100:3

Shi dimbulukweni, nokutya Omwene Oye Kalunga. Oye tuu, e tu shita, fye ovaye, oshiwana shaye needi doufita waye.

JESAJA 40:28

Ove ku shi shii ile ino shi uda? Omwene Oye Kalunga kaalushe Omushiti wominghulo dedu? Ye iha loloka, ndele iha kenyanana, ounongo waye ohau nyenge okukonakonwa.

DANIEL 6:27

Oye ta xupifa ndele ta mangulula, Ye ta ningi omadidiliko noikumwifa meulu nokombada yedu. Oye ou a xupifa Daniel komakasha eenghoshi.

NAHUM 1:5

Eemhunda otadi kakama koshipala shaye noikulundudu tai diluka. Edu tali litumbu koshipala shaye, heeno, ounyuni noonakukalamo aveshe.