JEREMIA 1:8 - Ombibeli Iyapuki

⁸ Ino va tila, osheshi Ame ondi li pamwe naave ndele handi ku xupifa.” Omwene osho ta ti.

JEREMIA 1:8 Referans Kwoze

JOSUA 1:5

Kape nomunhu ta dulu okulipopila koshipala shoye momafiku aeshe omokukala kwoye. Ngaashi Ame nda kala naMoses, osho Ame ohandi ka kala naave. Ame itandi ku efa ndele itandi ku fii po.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

JESAJA 51:7

Pwilikineni kwaame, onye ava mwa shiiva ouyuki, oshiwana shi na omhango yange momutima washo: inamu kala mwa tila odino yovanhu, nye inamu haluka kesheko lavo.

DEUTERONOMION 31:6

Kala wa pama nokunyatipala. Ino tila. Ino va haluka. Osheshi Omwene Kalunga koye ta ende pamwe naave. Ye ite ku efa ndele ite ku fii po.”

OILONGA YOVAYAPOSTOLI 4:13

Ndele eshi va mona onyati yaPetrus naJohannes, nove va wete ovo ovanhu vongaho, inava longwa, ova kumwa, ndele ve va dimbulukwa, ova kala naJesus.

DEUTERONOMION 31:8

NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”

EXODUS 3:12

Ndele Ye ta nyamukula: “Ame ohandi ka kala pamwe naave, naashi tashi ningi edidiliko kwoove nokutya, Ame nde ku tuma ko: ove eshi wa pitifa mo oshiwana muEgipiti, vo otava ka longela Kalunga komhunda tuu ei.”

OILONGA YOVAYAPOSTOLI 18:10

osheshi Ame ndi novanhu vahapu moshilando eshi.”

JESAJA 43:2

Ngeenge to pitile momeva, Ame ondi li pwoove; ngeenge pe nomilonga domeva itadi ku yelula; ngeenge to pitile momundilo, itau ku lungwinifa, nelaka lomundilo itali ku xwike.

OILONGA YOVAYAPOSTOLI 26:17

Ame ohandi ku xupifa momake oshiwana sheni noovapaani ovo, handi ku tumu kuvo,

OILONGA YOVAYAPOSTOLI 4:29

Hano paife, Omwene, tala nhumbi tava popi nomaaneko, Ove u pe ovapiya voye okupopya nouladi aushe eendjovo doye,

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

MATEUS 10:26

“Hano inamu va tila. Osheshi kaku na osho sha tuvikilwa itashi ka tuvikululwa, ndele kaku na osho sha holekwa itashi ka shiivika.

JEREMIA 20:11

Ndelenee Omwene Oye oku li pamwe naame ngaashi omuladi omunaenghono. Onghee ovataataai vange tava ka punduka, vo itava dulu sha. Ove nokufifwa ohoni shili, osheshi inava kala neendunge. Elengaifo lavo otali kala alushe, itali dimbuwa.

JEREMIA 1:17

Ove hano limangeleka moshiya shoye, fikama u tonge kuvo adishe handi di ku lombwele. Ino va tila, opo Ame ndihe ku halukife moipafi yavo.

JESAJA 51:12

Ame, heeno, Ame mwene handi mu hekeleke; oove lyelye, eshi to tila omunhu ou e nokufya nomona womunhu ou e nokuxula po ngaashi omwiidi,

OVAEFESO 6:20

omolwalo aame omutumwa ndi li momalyenge ndi li udife nouladi ngaashi ndi nokupopya.

JEREMIA 1:19

Ndele vo otave ke ku lwifa, ndelenee itave ku dulu nande, osheshi Ame ondi li pwoove nohandi ku xupifa,” Omwene osho ta ti.

JEREMIA 30:11

Osheshi Ame ondi li pwoove, Omwene osho ta ti, nohandi ku xupifa. Osheshi oiwana aishe ei nde ku halakanifila mokati kayo, ohandi ke i mana po sheke. Ndelenee itandi ku mane po, ndelenee ohandi ku handukile nondjele, ndelenee itandi ku efa inandi ku handukila.”

JEREMIA 39:11

Ndelenee mokupopya Jeremia, Nebukadnesar, ohamba yaBabilon okwa lombwela Nebusaradan elenga lakula lovanangeli, ndele ta ti:

JEREMIA 42:11

Inamu tila ohamba yaBabilon, ngaashi mwe mu tila nale. Inamu tila, osho Omwene ta ti, osheshi Ame ohandi kala punye ndi kwafe nondi mu xupife momake aye.

DANIEL 3:17

Ngaashi Kalunga ketu ou hatu mu longele, ta dulu oku tu xupifa. Oye te ke tu xupifa mo mediko lomundilo nomomake oye, ohamba,

DANIEL 3:25

Ndele ye okwa nyamukula, ta ti: “Taleni, ame ondi wete mo ovalumenhu vane, tave linyenge momundilo, ndele vo kave na nande oshiponga, omutine okwa fa omona waKalunga.”