JEREMIA 1:7 - Ombibeli Iyapuki

⁷ Ndelenee Omwene okwa lombwela nge, ta ti: “Ino tya: ‘Aame omunyasha,’ osheshi keshe apa handi ku tumu ou nokuya po, nakeshe eshi handi shi ku lombwele ou noku shi popya.

JEREMIA 1:7 Referans Kwoze

NUMERI 22:20

Ndele Kalunga e uya kuBileam oufiku ndee ta ti kuye: “Ovalumenhu eshi ve uya oku ku ifana, fikama hano, inda navo. Ndelenee u nokuninga ashike eshi Ame handi ku lombwele.”

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

HESEKIEL 3:27

Ndelenee Ame ngeenge handi popi naave, Ame ohandi ka makula okanya koye, ndele ove u noku va lombwela: Osho Omwene Kalunga ta popi. Ou ta udu, na ude ko, naau iha udu, na kale iha udu, shaashi vo epata ihali dulika.

2 OMAFIMBO 18:13

Ndelenee Mikaia ta ti: “Oshili, ngaashi Omwene e nomwenyo, oshili, osho Kalunga te shi lombwele nge, osho handi ka popya!”

1 EEHAMBA 22:14

Ndelenee Mikaia ta ti: “Oshili, ngaashi Omwene e nomwenyo, oshili, osho Omwene te shi lombwele nge, osho handi ka popya.”

NUMERI 22:38

Ndele Bileam okwa nyamukula Balak, ndee ta ti: “Heeno, ame nde uya kwoove paife. Ndelenee ame ndi nepangelo mbela okupopya sha? Ondjovo ei aike Kalunga te i tula mokanya kange ohandi ke i popya.”

OILONGA YOVAYAPOSTOLI 20:27

Osheshi ame inandi fiya po sha, ndelenee onde mu udifila omhangela aishe yexupifo laKalunga.

1 EEHAMBA 3:7

Hano paife, Omwene Kalunga kange, owa ninga omupiya woye ohamba ponhele yatate David. Ndelenee aame omunyasha, inandi shiiva okupita mo ile okuuya mo.

JEREMIA 7:27

Ove nge to va lombwele eendjovo odo adishe, vo itave ke ku uda. Ndele ove nge to va ifana mokule, ndelenee itava itavele;

HESEKIEL 2:7

Ndelenee ove u noku va udifila eendjovo dange, ngeenge tava udu ile itava udu ko, osheshi ovo ovatangalali.

AMOS 7:15

Ndelenee Omwene okwa kufa nge koufita, ndele Omwene okwa lombwela nge: Inda ko u ka xunganekele oshiwana shaIsrael.

EXODUS 6:29

Omwene okwa popifa Moses neendjovo edi: “Aame Omwene. Lombwela Farao, ohamba yaEgipiti, ashishe eshi handi shi popi naave.”

JEREMIA 26:2

“Omwene ota ti ngaha: Inda u ka kale ofika moluumbo lotembeli yOmwene, ove u popye nokupa oilando aishe yomuJuda oushima; ovo tave uya motembeli yOmwene okulinyongamena, va lombwela eendjovo adishe nde di ku lombwela u di tonge kuvo. Ino efa po nande ondjovo imwe.

JEREMIA 43:1

Ndelenee Jeremia eshi a mana okulombwela ovanhu aveshe eendjovo adishe dOmwene Kalunga kavo, ngaashi Omwene Kalunga kavo e mu tuma nado kuvo, nokutya eendjovo adishe odo,

JONA 3:2

“Fikama, u ye kuNinive, oshilando shinene, ove u udife ko eudifo eli handi li ku lombwele.”