JEREMIA 1:6 - Ombibeli Iyapuki

⁶ Opo nee ame onda tya: “Akutu Omwene Kalunga! Tala, ame kandi shii kupopya, osheshi aame omunyasha.”

JEREMIA 1:6 Referans Kwoze

EXODUS 6:12

Ndelenee Moses okwa popya koshipala shOmwene ndele ta ti: “Ovaisraeli eshi inava pwilikina nge; Farao ota ka pwilikina nge ngahelipi, eshi ame ndi nomilungu inadi pita etanda?”

JEREMIA 32:17

Akutu Omwene, Kalunga! Tala, Ove owa shita eulu nedu neenghono doye dihapu nokwooko kwoye kwa yeluka. Ove iho nyengwa nande kusha.

EXODUS 6:30

Opo nee Moses okwa tya koshipala shOmwene: “Ame ndi nomilungu inadi pita etanda! Farao ota ka pwilikina nge ngahelipi?”

JEREMIA 14:13

Opo nee ame onda tya: Akutu Omwene, Kalunga! Tala ovaxunganeki tave va lombwele: eongamukonda itamu ke li mona nondjala itai mu hange vali ndelenee ombili ya pama ohandi i mu pe monhele ei.

EXODUS 4:1

Opo nee Moses okwa nyamukula ta ti: “Ndelenee vo ngeenge itava itavele nge ndele itava pwilikine ondaka yange, ndelenee tava ti: ‘Omwene ine ku lihololela?’ ”

JEREMIA 4:10

Opo ame onda tya: “Akutu, Omwene Kalunga, oshili Ove wa limbilika oshiwana eshi nOvajerusalem, eshi wa tile: Onye otamu ka kala mu nombili, ndele eongamukonda otali tyuula fiyo momwenyo.”

JESAJA 6:5

Opo nee ame nda tya: “Woo aame! Onda kana, osheshi aame omunhu ndi nomilungu da nyata nonda kala mokati kovanhu ve nomilungu da nyata; osheshi omesho ange okwa mona Ohamba, Omwene womatanga ovakwaita.”

HESEKIEL 4:14

Ndelenee onda tya: “Akutu Omwene Kalunga, tala, omwenyo wange inau nyatekwa nande efiku limwe nokudja kounyasha wange fiyo opaife inandi lya sha eshi she lifila ile eshi sha nyanyaulwa, nomokanya kange inamu uya nande ombelela inai yela.”

SAKARIA 2:4

Ye okwe mu lombwela, ndele ta ti: “Tondoka, lombwela omumati winya u tye: ‘Oshilando Jerusalem tashi ka kala shihe nohotekuma molwouhapu wovanhu nomolwouhapu woimuna i li musho.

JEREMIA 34:6

Ndele eendjovo odo adishe omuxunganeki Jeremia okwe di shiivifila Sedekia, ohamba yaJuda muJerusalem,