JEREMIA 1:5 - Ombibeli Iyapuki

⁵ “Ame onde ku hoolola nokuli fimbo inandi ku shitila medimo lanyoko, nonde ku yapula, fimbo ino dja mo medimo lanyoko, ndele nde ku ninga omuxunganeki woiwana.”

JEREMIA 1:5 Referans Kwoze

OMAPSALOME 139:16

Omesho oye okwa li taa shipununa nge, fimbo nda li engwili inandi tongoka, nomembo loye omo omwa nyolelwa omafiku ange aeshe, aa nda sheyelwa, fimbo inapa holoka nande limwe lao.

JESAJA 49:1

Udei nge, onye eenhunhu ndele pwilikineni, onye ava mu li kokule. Omwene okwa ifana nge fimbo nda li moshidalelo shameme, okwa tonga edina lange mokudalwa kwange.

OVAROMA 8:29

Osheshi ava e va shii shito, okwe va nunina yo shito va fe olupe lOmona waye, opo a kale shiveli mokati kovamwaxe vahapu;

JESAJA 49:5

Ndele paife Omwene Oye tuu ou a ma nge, nda ninga omupiya waye mokudja medimo lameme, Ye ota ti: Jakob, ndi mu alulile kuye naIsrael, ndi mu ongele puye, ndele ame handi ka fimanekwa momesho Omwene, naKalunga Oye eenghono dange.

JESAJA 44:2

Omwene omushiti woye, omumi woye, fimbo wa li medimo lanyoko, Oye ou he ku kwafa, ota ti: Ino tila, omupiya wange, Jakob, oove Jesurun, nde ku hoolola!

LUKAS 1:41

Ndele opa ningwa nee, Elisabet eshi a uda ekundo laMaria, okaana oka nhuka medimo laye, ndele Elisabet okwa yadifwa Omhepo Iyapuki.

LUKAS 1:76

Ndele ove okaana, oto ka ifanwa omuxunganeki waau wOkombadambada, osheshi ove u nokutetekelela Omwene noku mu palela eendjila daye,

EXODUS 33:17

Opo nee Omwene ta ti kuMoses: “Eindilo eli yo loye Ame ohandi ke li wanifa, osheshi ove wa filwa onghenda momesho ange, ndele Ame ondi ku shii kedina loye.”

JEREMIA 1:10

Tala, nena eli ohandi ku tula po kombada yoiwana noyomauhamba oku i dikula po noku i nyona po, noku i hanauna po noku i tunga noku i twika.”

EXODUS 33:12

Opo nee Moses okwa popya nOmwene ndele ta ti: “Ove to lombwele nge: ‘Twala ko oshiwana eshi’, ndelenee ino hololela nge, olyelye to tumu naame, nande wa tonga nokutya: ‘Ame ondi ku shii kedina loye, nowa filwa onghenda momesho ange.’

LUKAS 1:15

Osheshi ye ota ningi omunene koshipala shOmwene, omaviinyu nomeva keshe haa kolwifa ite a nu, ota yadifwa Omhepo Iyapuki fimbo e li medimo laina.

OVAROMA 1:1

Paulus, omupiya waJesus Kristus, omuyapostoli omwiifanwa, a yapulilwa evaengeli laKalunga,

JEREMIA 50:34

Ndelenee Omukulili wavo Oye omunaenghono, edina laye, Omwene womatanga ovakwaita. Oye te va popile ndele ta eta ombili kombada yedu, ndelenee ta etele oonakukala muBabilon ekakamo.

OVAEFESO 1:22

ndele aishe okwe i tula koshi yeemhadi daye, ndele okwe mu pa a kale omutwe waaishe keongalo,

JOHANNES 10:36

nena otamu ti ngahelipi kwaau, Xe e mu yapula nokwe mu tuma mounyuni: to sheke, shaashi nda tya: Aame Omona waKalunga?

1 OVAKORINTO 8:3

ndelenee ou e hole Kalunga, oye a shiivika kuye.

OMAPSALOME 139:15

Oukipa vange kava li ve ku holekwa, eshi nda mewa meholeko, onda mewa moule wedu nounyakwa.

JEREMIA 1:4

Ame onda hangika kondjovo yOmwene tai ti:

JEREMIA 25:13

Ndele edu olo handi ke li wanifila eendjovo dange adishe nde di popya, odo adishe da shangelwa membo eli, Jeremia kwa li e di xunganekela oilongo ei aishe.

JEREMIA 36:2

“Kufa omushangwatonywa, u shangele mo eendjovo adishe odo nde di ku lombwela, nda popya Israel naJuda noinima aishe, okudja kefiku olo nda hovela oku ku lombwela, okomafiku aJosia fiyo onena.

JEREMIA 20:15

Na fingwe omulumenhu ou a etela tate eenghundana dehafo nokutya, ove wa dalelwa omona okamati, nokwe mu hafifa pombada.