JEREMIA 1:11 - Ombibeli Iyapuki

¹¹ Ondjovo yOmwene oya hanga nge vali, ndele tai ti: “Jeremia, ove u wete shike?” Ndele nda nyamukula: Ondi wete oshitai shomuti waamandel.

JEREMIA 1:11 Referans Kwoze

AMOS 7:8

Opo nee Omwene okwa lombwela nge: “Amos, ou wete shike?” Ndele ame nda nyamukula: “Oshumbu.” Opo Omwene ta ti: “Tala, Ame nda kulukifa oshumbu mokati koshiwana shange Israel. Ame ihandi ke shi koya po vali.

AMOS 8:2

Ndele Ye ta ti: “Amos ou wete shike?” Ndele ame nda nyamukula: “Oshimbale shi noiimati yopokulombo.” Opo nee Omwene okwa lombwela nge: “Exulilo loshiwana shange shaIsrael ola fika. Ame ihandi ke shi koya po vali.

SAKARIA 5:2

Ndele ye okwa tya kwaame: “Ou wete shike?” Opo nda nyamukula: “Ame ndi wete omushangwatonywa tau tuka, oule wao omaludimbo omilongo mbali nolumbubu lao omaludimbo omulongo.”

SAKARIA 4:2

Ndele ye okwa tya kwaame: “Ou wete shike?” Ame nda nyamukula: “Ndi wete oshikwatelwashela shoshingoldoelela, nokombada yasho oshiyuma shasho shomaadi neelamba dasho heyali kombada yasho nominino heyali da tondokifila mo omaadi meelamba da kala kombada yasho.

JEREMIA 24:3

Ndele Omwene okwa lombwela nge ta ti: “Jeremia, ou wete shike?” Ame onda nyamukula: “Eenghwiyu, eenghwiyu odo odiwa unene nadikwao odii unene dihe shii kuliwa.”

NUMERI 17:8

Ndele mefiku lomongula Moses eshi a ya metwali londobwedi, tala, onhaili yaAron womepata laLevi, tai tutuma. Muyo mwa holoka eembulukutu neenhemo noiimati yaamandel ya pya.

HESEKIEL 7:10

“Tala, efiku, tala, tali uya! Olufo loye le uya. Oshimwati sha mena ongala, elinenepeko la hapa.

GENESIS 30:37

Opo nee Jakob okwa kufa outi vatalala vomiti domipopel novomiamandel novomiplatani, ndele te va ningi omakonda matoka moku va yuuna oipeta.

JESAJA 55:11

osho yo ondjovo yange tai di mokanya kange: itai alukile kwaame oshimha, ndelenee otai longo osho sha wapalela nge, ndele tai wanifa eshi nde i tumina.

HESEKIEL 12:25

Osheshi Ame, Omwene, Ame ohandi ka popya. Nondjovo ei Ame handi ka popya, otai ka wanifwa, itai kala ko. Osheshi momafiku tuu eni, epata ove londubo, Ame ohandi ka popya ondjovo imwe noku i wanifa yo, Omwene Kalunga ta ti.”

HESEKIEL 12:28

Onghee hano va lombwela: Omwene Kalunga ta ti: ‘Kape na nande ondjovo imwe yange tai ka kala ko. Ondjovo Ame handi i popi otai ka wanifwa,’ Omwene Kalunga ta ti.”