JAKOB 5:5 - Ombibeli Iyapuki

⁵ Mwa kala mounyenye weni kombada yedu nomwa wanifa omauhalu eni; omitima deni omwe di ondolela efiku lokutomwa.

JAKOB 5:5 Referans Kwoze

1 TIMOTEUS 5:6

Ndelenee omuliefeli mouhalu oye okwa fya, nande oku nomwenyo.

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 16:19

“Ndele okwa li ku nomulumenhu oshipuna a djala oikutu itilyana naai itoka iwa, ndele okwa nyakukwa omafiku aeshe mewano loinima yaye.

AMOS 6:1

Woo, ovatulumukwi muSion naava vehe noshisho keemhunda daSamaria, ovafimanekwa komesho moiwana, ovo kuvo eumbo laIsrael tali uya!

JEREMIA 12:3

Ndelenee Omwene u shi nge, Ove u wete nge noto konakona omutima wange koshipala shoye. Va nakula po ngaashi eedi tadi twalwa koshidipaelo, Ove u va yapulile efiku ledipao.

EHOLOLO 18:7

Ngaashi she lifimanekifa mokukala mouyadipuna, osho tuu shi peni oudjuu noluhodi pashiyelekifo osho, osheshi otashi lipopile momwenyo washo tashi ti: ‘Ame ondi li apa omutumba ndihambakainhu, ndele nghi fi omufiyekadi noitandi ka hangika koluhodi;’

JEREMIA 25:34

Akutu, lileni onye ovafita, liameneni kombada nye mu lidedaule momute, onye ovanaenghono voshiwana! Osheshi efimbo leni ola fika, mu dipawe; ndelenee tamu hanauka ndele tamu ke lidenga poshi ngaashi oshitoo sha wapala shi nondilo.

JESAJA 22:13

Ndelenee tala, omu na ehafo nenyakuko, omatomo eehove nomadipao eedi, okulya ombelela nokunwa omaviinyu, tava ti: “Tu lyeni, fye tu nweni, osheshi mongula ohatu fi.”

1 SAMUEL 25:36

Abigail eshi e uya kuNabal, a hanga ye a teleka oitendele meumbo laye ngaashi oitendele yohamba. Nomutima waNabal wa hafa nokwa li a kolwa unene. Onghee hano Abigail ine mu lombwela sha shinini ile shakula fiyo ongula kwa sha.

JUDAS 1:12

Moivilo yeni yohole ovo omalopyolopyo ohoni vehe na ouxwenge mokulya nanye nokuxwaka. Ovo va fa oilemo ihe nomeva tai tewatewa komhepo, ovo va fa omiti dopokufu da yaumuka, dihe noiimati, ya fya luvali, va dudwa mo nomidi.

2 PETRUS 2:13

ndele tava ka pewa ondjabi youhenouyuki wavo. Ove udite ounyenye mokukala moumbwada efiku alishe, ovo omalopyolopyo ohoni nomadiko ekako; ove udite ounyenye momakoto avo eshi hava kala moivilo pamwe nanye.

2 TIMOTEUS 3:4

ovakengeleledi, ovahayavala, ovafulalali, ohole yavo yokuhola ouhalu mwii i dule ei yokuhola Kalunga;

OVAROMA 13:13

Tu endeni paenghedi ngaashi momutenya, hamoufukulume woivilo nomoukolwe, hamomahaelo nomoihole, hamokukondjifafana nomefupa.

HESEKIEL 39:17

Ndele oove, kaana komunhu, Omwene Kalunga ta ti ngaha: “Lombwela eedila noikwamavava i lili nai lili noilyani aishe yomomufitu: Ongaleni, ileni oku, ongaleni keembinga adishe, ileni ketomenoyambo lange, nde li mu longekidila, etomenoyambo linene keemhunda daIsrael! Lyeni ombelela! Nweni ohonde!

JESAJA 56:12

Otava ti: “Ileni, ohandi mu etele omaviinyu, tu kale nokufinyuna, efiku lomongula li kale ngaashi eli lonena, li kale la wapala unene.”

JESAJA 47:8

Hano paife pwilikina, ove ou u hole mouwa, wa kala omutumba kolukalwapangelo, uhe na oshisho wa diladila komutima woye: aame andike, kape na vali umwe. Ame itandi ka ninga omufiyekadi ile ndi kale ongadji.

JESAJA 3:16

Omwene okwa popya ndele ta ti: “Osheshi ovana oukadona vaSion otava shishimana, hava ende neefingo da endekwa ndele tava keuka nomesho avo, hava ende tava ngungula, ndele tava kwelengedjifa eengodo dokomaulu avo,

OMUUDIFI 11:9

Omunyasha ove, kala wa nyakukwa mounyasha woye, nomutima woye nau ku hafife momafiku omounyasha woye. Ndele enda neendjila domwenyo woye, ndelenee kala u shi shii nokutya, Kalunga ote ku tokolifa molwaashishe eshi.

OMAYELETUMBULO 17:1

Oshipambu shomungome mukukutu pamwe nombili, shi dule ongudu yomayambo i yadi oililo pamwe neemhata.

OMAYELETUMBULO 7:14

“Ame ndi nokuyamba omapanduloyambo, nena eli ame nda wanifa omaudaneko ange,

OMAPSALOME 17:14

neke loye kovanhu, heeno Omwene, kovanhu vounyuni ou, ve noshitukulwa shavo shi li mokukalamwenyo omu, omadimo avo ho a yadifa noipewa yoye, ovana ovamati vavo tava kuta, ndele tava fiile oludalo lavo oupuna wavo.

1 SAMUEL 25:6

Ndele mu nokulombwela omulinawa ngaha: Ombili nai kale naave, nombili nai kale neumbo laye, nombili nai kale naashishe e shi kwete.

OMAPSALOME 73:7

Omesho avo okwa tumhaanifwa mo komaondo avo, nomadiladilo omitima davo otaa lundakana.

HESEKIEL 16:49

Tala, oulunde womumwanyoko omukainhu Sodom owo: ye novana vaye oukadona va kala melinenepeko nomeloolo leendja nometulumuko lihe na oshisho, ndelenee ye ina pameka okwooko kwohepele nokwomukwanaluhepo.