JAKOB 4:6 - Ombibeli Iyapuki

⁶ Ndelenee ye ota yandje efilonghenda linene unene. Onghee tapa tiwa: “Kalunga oku tonde ovalinenepeki, ndelenee ovalininipiki te va file onghenda.”

JAKOB 4:6 Referans Kwoze

MATEUS 23:12

Ndele ou te linenepeke, oye ta ninipikwa, naau te lininipike, ye ota nenepekwa.”

OMAYELETUMBULO 3:34

Ava hava sheke, Kalunga yo te va sheke. Ndelenee ovalininipiki tava filwa onghenda kuye.

1 PETRUS 5:5

Osho ngaha nye, ovanyasha, dulikeni kovakulunhu, naamushe mokukalafana kweni djaleni elininipiko, osheshi: “Kalunga oha tondo ovalinenepeki, ndele ovalininipiki te va file onghenda.”

OMAYELETUMBULO 18:12

Omutima womulumenhu tau linenepeke komesho yehanauno laye. Ndelenee elininipiko tali tetekele efimano.

OMAPSALOME 138:6

osheshi Omwene Oye a tumbala, ndele ta yavelele omudinwa, ndelenee ovalituliko ohe va dimbulukile kokule.

OMAYELETUMBULO 29:23

Elinenepeko lomunhu tali mu xutula, ndelenee ou e nomhepo i nelininipiko, ota ka fimanekwa.

OMAYELETUMBULO 22:4

Ondjabi yelininipiko noyokutila Omwene oyo oupuna nefimano nomwenyo.

LUKAS 14:11

Osheshi keshe ou te linenepeke ota ninipikwa, naau te lininipike ota ka nenepekwa.”

JESAJA 2:17

Opo nee okulitumba kwovanhu otaku dengwa poshi, nelinenepeko lovalumenhu otali xutulwa, nOmwene Oye aeke ta ka kala munene mefiku olo.

JOB 22:29

Ondjila ngee tai filukile to ti: ‘Okulonda!’ Nomulininipiki ote mu kwafa.

LUKAS 18:14

Ohandi mu lombwele: ou a shuna keumbo omuyuki, e dule winya, osheshi ou te linenepeke ota ninipikwa, ndele ou te lininipike ota nenepekwa.”

DANIEL 4:37

Aame Nebukadnesar, paife ohandi hambelele ndele handi tumbaleke ndele handi fimaneke Ohamba yomeulu! Oilonga yaye aishe oyo yoshili, neendjila daye oda yuka. Oye ta dulu okuxutula ava hava ende melinenepeko.”

JESAJA 57:15

Osheshi Omwene nOmufimanekwa ou ha kala moukwaalushe, nedina laye Omuyapuki, Ye ota ti: Ame ohandi kala pokule mokombadambada nomouyapuki nomwaava ve na omhepo ya nyanyaulwa noye lininipika, opo ndi hekeleke omhepo yovalininipiki nondi tululule omwenyo momutima waava va nyanyaulwa.

LUKAS 1:52

Ovapangeli okwe va undula ko komalukalwa ndele okwa nenepekifa ovaxupi.

OMAYELETUMBULO 15:33

Okutila Omwene okwo outekuduliko tau eta ounongo; nelininipiko tali tetekele efimano.

2 OMAFIMBO 33:12

Ndelenee moudjuu waye okwa konga onghenda koshipala shOmwene Kalunga kaye nokwe lininipika shili koshipala shaKalunga kooxe,

1 SAMUEL 2:3

Inamu kala nokulitanga unene alushe. Inamu pitifa mo mokanya keni eendjovo doukolokoshi. Osheshi Omwene Oye Kalunga omushiivi waaishe. Ye ota yeleke oilonga.

2 OMAFIMBO 34:27

omutima woye eshi wa pupala ndele ove we lininipika koshipala shaKalunga, eshi wa uda eendjovo daye te di popile onhele ei noonakukala muyo, ndele we lininipika koshipala shange, ndele wa pombaula oikutu yoye ndele wa lila koshipala shange, onghee hano nde ku uda, Omwene ta ti.

2 OMAFIMBO 32:26

Ndelenee melinenepeko laye Hiskia okwe lininipika nomutima aushe, ye mwene noonakukala muJerusalem, onghee hano ehandu lOmwene inali uya kombada yavo pomafiku aa aHiskia.

MATEUS 13:12

Osheshi ou e na, oye ta pewa, ndele ta kala a wanenena, ndele ou ehe na, oye ta kufwa naashi e shi kwete.

2 OMAFIMBO 33:23

Ndelenee ye ine lininipika koshipala shOmwene ngaashi xe Manasse e lininipika. Ndelenee Amon okwa hapupalifa oulunde waye.

EXODUS 18:11

Paife ondi shi shii nokutya, Omwene omunene e dule oikalunga aishe. Eshi Ovaegipiti ve linenepeka.”

JESAJA 54:7

Ame onde ku efa okafimbo kaxupi, ndelenee nefilonghenda linene, ohandi ke ku kombelela.

OMAPSALOME 9:12

Osheshi ou omunanghonehonde, he va dimbulukwa, nonghuwo yomapongo ihe i dimbwa.

2 OMAFIMBO 33:19

Neindilo laye nanhumbi la udika, nomatimba aye aeshe neliteeko laye neenhele oko a tunga oikulundu yokuyambela nokwa dikila omiti omalupwelele aAsera noihongwafano, fimbo ine lininipika, tala, oyo oya shangwa mehepaululo laHosea.

JAKOB 4:10

Lininipikeni koshipala shOmwene, ndele Ye ote mu nenepeke.