JAKOB 2:8 - Ombibeli Iyapuki

⁸ Ngeenge tamu wanifa omhango onghwahamba pamishangwa nokutya: “Hola omukweni ngaashi u lihole ove mwene, opo nee tamu ningi nawa;”

JAKOB 2:8 Referans Kwoze

LEVITIKUS 19:18

Ovanhu vomoshiwana shoye ino va kwatela onghone noino va tonda, ndelenee hola omukweni ngaashi u lihole mwene. Aame Omwene.

OVAGALATI 5:14

Osheshi omhango aishe oya wanifilwa mondjovo ei imwe: “Hola mukweni ngaashi u lihole mwene.”

JAKOB 2:12

Kaleni hano hamu tongo ndele hamu longo ngaashi ovo tava ka tokolwa komhango yemanguluko.

MATEUS 22:39

Noshitivali shi fike pusho, osheshi, ‘Hola mukweni ngaashi ove u lihole mwene.’

OVAGALATI 6:2

Yakulafaneni omitengi, osho ngaha tamu wanifa omhango yaKristus.

LEVITIKUS 19:34

Omunailongo ou ta kala punye, na talwe kunye, oye ngaashi omudalelwa mo womoshilongo, ou e li mokati keni. Ndele mu noku mu hola ngaashi mu lihole nye vene, osheshi nanye yo mwa li ovanailongo medu laEgipiti. Aame Omwene Kalunga keni.

1 PETRUS 2:9

Ndelenee nye epata la hoololwa nongudu youpristeli pauhamba noshiwana shiyapuki novana vaye mwene, mu hepaulule oilonga ya fimana yaau e mu ifana mo momulaulu, mu ye mouyelele waye tau kumwifa.

JAKOB 1:25

Ndelenee ou ta tale nokukonakona momhango ei ya wana yemanguluko ndele ta kala mo, ye ehe fi omupwilikini ha dimbwa, ndelenee omuwanifi shili, oye ta kala omunelao mokulonga kwaye.

JONA 4:4

Opo Omwene ta ti: “Ou shii okuhanduka kwoye okwa yuka?”

2 EEHAMBA 7:9

Opo nee va lombwelafana: “Inatu ninga osho sha yuka. Efiku eli olo efiku londaka iwa, ndele fye twa mwena! Fye ngeenge hatu ongaonga fiyo etango tali piti, ohatu ka pewa oushima. Tu yeni hano, tu ka shiivifileni eumbo lohamba.”

1 OVATESSALONIKI 4:9

Ohole yokuholafana, ovamwatate, ihamu pumbwa oku i shangelwa, osheshi onye vene mwa longwa kuKalunga okuholafana,

OVAFILIPPI 4:14

Nande ngaha nye mwa ninga nawa, eshi mwa kwafa nge moudjuu wange.

MATEUS 25:23

Omwene waye okwa tya kuye: ‘Iyaloo, omupiya ove muwa nomudiinini. Ove wa li omudiinini mwaai inini, ohandi ku pe okupangela ihapu. Inda mehafo lOmwene woye.’

JONA 4:9

Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.”

1 EEHAMBA 8:18

Omwene okwa lombwela tate David: ‘Ove eshi wa diladila okutungila edina lange ongulu, ove wa ninga nawa, sho eshi sha kala momutima woye.

JAKOB 2:19

Ove ho itavele kutya, Kalunga umwe, owa ninga nawa; eendemoni yo ode shi itavela ndele hadi kakama.

MATEUS 25:21

Ndele omwene waye okwa tya kuye: ‘Iyaloo, omupiya ove muwa nomudiinini; ove wa li omudiinini mwaai inini, ohandi ku pe okupangela ihapu. Inda mehafo lOmwene woye.’

MATEUS 7:12

“Onghee hano, keshe eshi mwa hala ovanhu ve mu ningile, osho va ningileni yo: osheshi omhango novaxunganeki oyo tuu oyo.

OVAROMA 13:10

Ohole itai ningile mukwao owii nande washa, osheshi ohole oyo ewanifo lomhango.

JAKOB 4:11

Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo.