JAKOB 1:26 - Ombibeli Iyapuki

²⁶ Ngeenge ope na umwe mokati keni e lishii oye omulongelikalunga ndele ita pangele elaka laye, ndele ota pukifa omutima waye, okulongela Kalunga kwaye okwongaho.

JAKOB 1:26 Referans Kwoze

OVAEFESO 4:29

Momakanya eni muha pite nande ondjovo ya nyata, ndelenee odedi diwa dokutungafana, da wapala okupwilikina.

OMAPSALOME 141:3

Omwene, kokanya kange paka ko omukeleli, nomunangeli koshivelo shomilungu dange!

1 PETRUS 3:10

Osheshi: “Ou a hala okuhafela okukalamwenyo nokumona omafiku mawa, oye na kelele elaka laye kowii nomilungu daye keendjovo doipupulu;

OVAEFESO 5:4

neendjovo defifohoni nomashendjo oulai inali udika mo, ndelenee edi domapandulo.

OMAYELETUMBULO 19:1

Omukwanaluhepo ta ende ehe noshipo e dule ou e nomilungu inadi yuka ndele natango ye elai.

OMAPSALOME 34:13

Hano kelela elaka loye, liha popye owii, nomilungu doye diha popye oipupulu.

OMAYELETUMBULO 10:31

Okanya komuyuki taka tutuma ounongo, ndelenee elaka loipupulu tali ka kombwa po.

OMAYELETUMBULO 10:19

Apa pe neendjovo dihapu, etauluko itali pumbulukwa po. Ndelenee ou ta kelele omilungu daye, ye omunaendunge.

OVAKOLOSSI 4:6

Eendjovo deni nadi kale alushe donghenda, da fingala omongwa, nye mu kale mu shi shii nhumbi mu nokunyamukula keshe umwe.

JAKOB 1:22

Kaleni hano ovawanifi veendjovo, havapwilikini vongaho nokulifufya nye vene.

JAKOB 1:19

Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka;

OMAYELETUMBULO 16:25

Ope nondjila tai talwa komunhu oya yuka ndelenee exulilo layo eendjila defyo.

LUKAS 8:18

Taleni hano nhumbi tamu udu, osheshi ou e kwete, ye ota pewa, ndele ou ehe na, ye ota kufwa naasho e shii e shi kwete.”

OVAGALATI 6:3

Osheshi ngeenge ope na ou e shii oye omushike, nande oye wongaho, oye ote lipukifa mwene.

OMAYELETUMBULO 14:12

Oku nondjila ya yuka momesho omunhu, ndelenee exulilo layo oleendjila defyo.

DEUTERONOMION 11:16

Lungameni, omitima deni diha pukifwe, mu liteeke nokufimaneka oikalunga imwe noku i longela noku i linyongamena,

OVAGALATI 2:6

Ndelenee ovanamadina venya, nonhumbi va li nale, kashi fi shange; Kalunga iha tale oshipa shomunhu, venya va fimana inava fininikila nge nande oshinima shimwe.

MARKUS 7:7

Ndelenee ohava fimaneke nge hamungaho nokulonga omalongo oipango yovanhu.’

JESAJA 44:20

Oye ou a hokwa omute, okwa hongaulwa komutima wa pukifwa, ye ita xupifa omwenyo waye, ndele ita ti: “Meke lange lokolulyo kamu na nande oipupulu?”

OMAYELETUMBULO 21:26

efiku alishe ha kala nokahalu neenghono; ndelenee omuyuki ota yandje ita luvapala.

1 OVAKORINTO 15:2

olo tuu olo tamu xupifilwa yo mulo, ngeenge tamu li diinine li kale ngaashi nde li mu udifila, ngeenge inamu li itavela oshimha.

MATEUS 15:9

ndelenee otava fimaneke nge ongaho nokulonga ovanhu omalongo oipango yovanhu.’ ”

MALAKIA 3:14

Nye mwa tile: Okulongela Kalunga itaku kwafa sha, notwa mona shike mokudiinina kwetu onghedimhango yaye nokweenda twa djala oikutu yeefya koshipala shOmwene womatanga ovakwaita?

JESAJA 1:13

Inamu eta vali eendjayambo dongaho; omatwimino oo, oixuna yongaho kwaame. Eehani dipe nomashabata nomaifano oiongalele, okwa tondwa komwenyo wange, oulunde pamwe noivilo inene.

1 OVAKORINTO 15:15

Nafye ohatu monika yo, ofye ovahepaululi vaKalunga ovanaipupulu, shaashi twa hepaulula, hatu kondjifa Kalunga kutya, Oye a nyumuna Kristus, ou ine mu nyumuna, ngeenge ovafi itava nyumunwa.

OMAYELETUMBULO 16:10

Etokolo leendjovo li li komilungu dohamba. Moihokolola okanya kayo itaka popi oipupulu.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAPSALOME 32:9

Inamu fa eenghambe nomamula, aa ehe na eendunge, haa tulwa oitomo momakanya noikeshele, i deule ava vapwidi, va ehene kwoove.

JAKOB 2:20

Ndelenee munhu ove wongaho, owa hala tuu u shiive kutya, eitavelo lihe noilonga, olongaho?

OVAGALATI 3:4

Oshike mwe litwika oudjuu u fike apa epwanga? Ngeenge epwanga shili.

OVAGALATI 2:9

ndele eshi va koneka onghenda nde i pewa, Jakob naKefas naJohannes, ava va talwa eengudi, ove tu pa omake edidiliko leudafano loshilonga, fye naBarnabas, opo fye tu ye kovapaani, navo okovapiti vetanda.

1 OVAKORINTO 3:18

Inapa kala nande umwe te lipukifa ye mwene. Ngeenge mokati keni omu na umwe e shi oye omunaendunge mounyuni ou, oye na ninge elai, opo a ninge omunaendunge.

JOB 15:13

nehandu loye to li yukifile Kalunga ndele to pitifa mo mokanya koye eendjovo da tya ngaha?

JOB 30:11

Osheshi Kalunga a yululula ofipa youta wange nokwa ninipika nge, omiya doshitomo ve di efela nge koshipala shange.