JAKOB 1:25 - Ombibeli Iyapuki

²⁵ Ndelenee ou ta tale nokukonakona momhango ei ya wana yemanguluko ndele ta kala mo, ye ehe fi omupwilikini ha dimbwa, ndelenee omuwanifi shili, oye ta kala omunelao mokulonga kwaye.

JAKOB 1:25 Referans Kwoze

LUKAS 11:28

Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”

JOHANNES 13:17

Eshi ngeenge mu shi shii, onye ovanelao ngeenge tamu shi ningi.

1 PETRUS 2:16

ongaashi ovamangululwa, ndelenee hamanguluko lokulituvika nalo oulunde, ndelenee ongaashi ovapiya vaKalunga.

JAKOB 2:12

Kaleni hano hamu tongo ndele hamu longo ngaashi ovo tava ka tokolwa komhango yemanguluko.

OVAGALATI 5:1

Otwa mangululwa kuKristus tu kale memanguluko. Kaleni mwa pama, muha tulwe vali meti loupika.

1 OVAKORINTO 15:58

Onghee hano, ovamwatate ovaholike, kaleni mwa pama, muha tengauke, alushe kaleni ovaladi moilonga yOmwene, mu kale mu shi shii nokutya, oshilonga sheni kashi fi oshimha omOmwene.

1 TIMOTEUS 4:16

Lipashukila ove mwene nenongeko loye; dama mulo! Osheshi ngeenge to shi ningi, oto lixupifa ove mwene naava tave ku pwilikine.

2 OVAKORINTO 13:5

Liyelekeni nye vene, ngeenge omu li meitavelo; lipulapuleni. Ile inamu lishiiva nye vene nokutya, Jesus Kristus oku li munye? Ngeenge hasho, nye itamu dulu eyeleko?

OVAROMA 11:22

Tala hano ouwa nouladihandu waKalunga, ouladihandu waye kwaava ve mu efa, ndele ouwa waKalunga kwoove, ngee to kala mouwa waye; ngee hasho, naave yo oto kewa ko.

OMAYELETUMBULO 14:15

Omushima ta itavele ondjovo keshe, ndelenee omunamayele ta diinine eenghatu daye.

OVAROMA 8:15

Osheshi nye inamu pewa omhepo youpika mu kale vali moumbada, ndelenee omwa pewa Omhepo mwaau hatu ifana: “Abba! Tate!”

OVAGALATI 2:4

Ndele molwovamwatate ava ovanaipupulu, ve livakela mokati ketu, va hondjaunine okulava elipangelo letu tu li kwete muKristus Jesus, ve tu pike ngeno,

JOHANNES 8:36

Omona ngeenge te mu mangulula, omwa manguluka shili.

OMAPSALOME 106:3

Ovanelao ovava, va dama mouyuki, ndele tava kala alushe nokuwanifa ouyuki.

EHOLOLO 14:13

Ndele nda uda ondaka ya dja meulu, tai ti: “Shanga: Ovanelao oonakufya ovo tava file mOmwene okudja nena fiyofiyo!” Heeno, Omhepo osho tai ti: “Ovo tava ka tulumukwa koudjuu wavo, osheshi oilonga yavo otai va shikula pamwe navo.”

1 TIMOTEUS 2:15

Ndelenee ye ota ka xupifwa mokudala ounona, ngeenge ta kala meitavelo nomohole mouyapuki nokukala moukoshoki.

OVAROMA 7:12

Onghee tuu, omhango oyo iyapuki, noshipango osho oshiyapuki noshiyuki noshiwa.

OILONGA YOVAYAPOSTOLI 26:22

Ndele kekwafo olo nde li pewa kuKalunga fiyo onena eli ondi li ofika apa, ndele handi hepaululile ovanini novanene, ndele itandi popi sha shimwe shi lili, osho ashike osho ovaxunganeki naMoses ve shi popya, shi nokuwanifwa,

OILONGA YOVAYAPOSTOLI 13:43

Ndele eshi va dja mo moshinagoga nova hanauka, Ovajuda vahapu novatilikalunga ova shikula Paulus naBarnabas, ndele ava ove va longa nove va kumaida okukala monghenda yaKalunga.

OVAHEBERI 12:15

Litaleni, paha kale nande umwe te likufa mefilonghenda laKalunga, paha tutume nande omudi woululu mokati keni ndele tau eta edundakano ndele vahapu tava nyatekwa kuwo.

OILONGA YOVAYAPOSTOLI 2:42

Ndele vo ova diinina okukala melongo lovayapostoli nomekwatafano lavo, nomokupambula omungome nomokwiilikana.

JESAJA 8:20

Dameni komhango nokondobwedi! Ngeenge itava tongo ngaho, eluwa itali va tendele vali.

OMAPSALOME 119:45

Osho otai ka endifa nge mokaalanga, osheshi onda konga omalombwelo oye.

OMAPSALOME 119:32

Onda hala ndi lotoke mondjila yoipango yoye, osheshi Ove to mbwalangadjifa omutima wange.

1 SAMUEL 12:14

Nye ngeenge tamu tila Omwene aeke, ndee tamu mu longele nokupwilikina ondaka yaye, ndele ihamu anye omhango yOmwene, ndele nye vene nohamba ei tai mu pangele, tamu shikula Omwene Kalunga keni aeke.

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.

1 JOHANNES 2:24

Eshi mwe shi uda kehovelo, nashi kale shi li munye. Eshi mwe shi uda pehovelo, ngeenge tashi kala munye, opo nee ohamu kala mOmona nomuXe.

OVAKOLOSSI 1:23

ngeenge tamu kala meitavelo, mwe likanghameka mulo, mwa pamenena mo, muha tengauke meteelelo levaengeli eli mwe li uda nola udifilwa ovashitwa aveshe vokoshi yeulu, olo tuu eli ame Paulus nda ninga omuyakuli walo.

OVAROMA 2:13

osheshi ava tava pwilikine omhango, havo ovayuki koshipala shaKalunga, ndelenee ovawanifi vomhango ovo tava ka yukipalifwa.

OVAROMA 8:2

Osheshi omhango yOmhepo yomwenyo muKristus Jesus oya mangulula nge momhango youlunde noyefyo.

OVAGALATI 6:2

Yakulafaneni omitengi, osho ngaha tamu wanifa omhango yaKristus.