JAKOB 1:22 - Ombibeli Iyapuki

²² Kaleni hano ovawanifi veendjovo, havapwilikini vongaho nokulifufya nye vene.

JAKOB 1:22 Referans Kwoze

OVAROMA 2:13

osheshi ava tava pwilikine omhango, havo ovayuki koshipala shaKalunga, ndelenee ovawanifi vomhango ovo tava ka yukipalifwa.

JOHANNES 13:17

Eshi ngeenge mu shi shii, onye ovanelao ngeenge tamu shi ningi.

JAKOB 4:17

Hano, ou e shii okulonga ouwa, ndele ye ite shi ningi, oye e netimba.

1 JOHANNES 2:3

Ndele opo tuu opo otu shi shii nokutya, otwe mu shiiva, nge ohatu diinine oipango yaye.

LUKAS 11:28

Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”

MATEUS 12:50

Osheshi keshe tuu ou ta wanifa ehalo laTate meulu, oye omumwameme omulumenhu nomumwameme omukainhu nameme.”

OVAKOLOSSI 3:17

Nakeshe eshi tamu shi ningi neendjovo ile noilonga, shi longeni ashishe medina lOmwene Jesus nokupandula Kalunga Xe molwaye.

EHOLOLO 22:7

Ndele tala, ohandi uya diva.” Omunelao oye ou ta diinine eendjovo douxunganeki domomushangwa ou.

1 JOHANNES 3:7

Ovamwange nye, muha pukifwe nande okulyelye! Ndele ou ha longo ouyuki, oye omuyuki, ngaashi Oye omuyuki.

JAKOB 1:26

Ngeenge ope na umwe mokati keni e lishii oye omulongelikalunga ndele ita pangele elaka laye, ndele ota pukifa omutima waye, okulongela Kalunga kwaye okwongaho.

OVAGALATI 6:7

Inamu lifufya, Kalunga iha shekwa; osheshi eshi omunhu te shi kunu, osho tuu te shi teya yo.

3 JOHANNES 1:11

Omuholike, ino shikula owii, ndelenee shikula ouwa. Ou ta longo ouwa, oye womuKalunga. Ndele ou ta longo owii, oye ina mona Kalunga.

OVAGALATI 6:3

Osheshi ngeenge ope na ou e shii oye omushike, nande oye wongaho, oye ote lipukifa mwene.

1 OVAKORINTO 6:9

Mboli kamu shi shii nokutya, ava vehe fi ovayuki itava fyuulula ouhamba waKalunga? Inamu puka, ovahaeli novakaleli voikalunga, novanyoni vohombo nomashenge, novahaeli vomashenge,

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

1 JOHANNES 1:8

Ndelenee ngeenge hatu ti, katu noulunde, ohatu lipukifa fye vene noshili kai mo mufye.

OVAFILIPPI 4:8

Ndele natango, ovamwatate, ashishe osho shoshili, naasho sha fimana, naasho sha yuka, naasho sha koshoka, naasho shi holike, naasho shi netumbalo liwa, ongee onghedi iwa ile epandulo, ei aishe i diladileni.

1 OVAKORINTO 15:33

Inamu puka: “Ookaume vai otava nyono po eenghedi diwa.”

EHOLOLO 12:9

Nongadu inene ya ekelwashi, eyoka likulu, la ifanwa ondiaboli naSatana, ou ta hongaula ounyuni aushe, okwa ekelwa pedu, novaengeli vaye ova ekelwashi yo pamwe naye.

2 PETRUS 2:13

ndele tava ka pewa ondjabi youhenouyuki wavo. Ove udite ounyenye mokukala moumbwada efiku alishe, ovo omalopyolopyo ohoni nomadiko ekako; ove udite ounyenye momakoto avo eshi hava kala moivilo pamwe nanye.

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

OBADJA 1:3

Ounhwa womutima woye owe ku pukifa, ou ho kala momakololo eemhunda, ndele ho kala meenhele dopombada noto lipopile momutima woye to ti: “Olyelye ta ka ekela nge poshi?”

JESAJA 44:20

Oye ou a hokwa omute, okwa hongaulwa komutima wa pukifwa, ye ita xupifa omwenyo waye, ndele ita ti: “Meke lange lokolulyo kamu na nande oipupulu?”

1 OVAKORINTO 3:18

Inapa kala nande umwe te lipukifa ye mwene. Ngeenge mokati keni omu na umwe e shi oye omunaendunge mounyuni ou, oye na ninge elai, opo a ninge omunaendunge.

2 TIMOTEUS 3:13

Ndelenee ovanhu vai novakengeleledi otava ka ehena komesho mowii nokupukifa nokupuka.

JEREMIA 11:6

Ndele Omwene okwa lombwela nge: “Eendjovo odo adishe di udifila moilando yaJuda nomomapandavanda aJerusalem u tye: Udeni eendjovo dehangano eli nye mu di wanife!

JAKOB 4:11

Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo.