JAKOB 1:21 - Ombibeli Iyapuki

²¹ Onghee hano liduleni eenyata adishe nowii aushe, nye mu tambule nomwenyo wa ngungumana eendjovo da twikwa munye odo di na eenghono okuxupifa eemwenyo deni.

JAKOB 1:21 Referans Kwoze

OVAEFESO 4:22

nokutya, mu nokulidula omunhu mukulu, ou mwe mu shikula nale, ndele ohe linyono po mokushikula ouhalu u nekonda.

OVAEFESO 1:13

Nanye yo eshi mwa uda muye ondjovo yoshili, evaengeli lexupifo leni, eshi mwa itavela yo, omwa didilikwa muye noshilimbo shOmhepo Iyapuki, ou a udanekwa,

1 PETRUS 2:11

Ovaholike, ohandi mu kumaida ngaashi ovaenda novanailongo, mu lidilike okahalu kombelela haka lwifa omwenyo,

JOHANNES 6:63

Omhepo oyo tuu tai yandje omwenyo; ombelela kai na eshi tai kwafa. Eendjovo edi nde di mu lombwela, odo omhepo nomwenyo.

OMAPSALOME 25:9

Ovalininipiki ote ke va endifa payuki, novalininipiki ote va longo ondjila yaye.

1 PETRUS 2:1

Hano liduleni owii aushe noipupulu aishe noihelele nefupa nomalwaambo,

OVAHEBERI 12:1

Onghee hano, eshi tu noshilemo shi fike apa sheendobwedi she tu dingilila, nafye yo tu liduleni keshe eshi tashi tu findile poshi, noulunde uhe kwete oku tu dingatela, fye tu lotoke nokudiinina mefiyafan o li li komesho yetu,

JAKOB 4:8

Eheneni kuKalunga, opo nee Ye ta ehene kunye. Yelifeni omake eni, nye ovalunde, yelifeni omitima deni, nye ovanamitimambali.

TITUS 2:11

Osheshi efilonghenda laKalunga ola holoka li etele ovanhu aveshe exupifo,

OVAROMA 1:16

Osheshi ame ihandi fi ohoni evaengeli, osheshi olo eenghono daKalunga okuxupifa keshe tuu ou ta itavele, tete Omujuda nOmugreka yo.

OVAHEBERI 4:2

Osheshi eendjovo diwa otwe di udifilwa yo ngaashi venya, ndelenee eendjovo deudifo inadi va kwafa, osheshi inadi kwatafana meitavelo noonaku di uda.

OVAHEBERI 2:3

hano fye ohatu i ngahelipi onhapo, ngeenge hatu dini exupifo linene li fike apa, la udifwa tete kOmwene ndele la pamekwa kwaava ve li uda, ndele tave li fikifa kufye,

1 OVAKORINTO 15:2

olo tuu olo tamu xupifilwa yo mulo, ngeenge tamu li diinine li kale ngaashi nde li mu udifila, ngeenge inamu li itavela oshimha.

OVAROMA 6:17

Ndelenee Kalunga na pandulwe, shaashi nye ava mwa li ovapiya voulunde, omwa dulika momitima deni okolupe lelongo eli mwa twalwa mulo,

JESAJA 29:19

Ndele ovalininipiki otava ka pewa alushe nehafo lipe mOmwene neehepelelela domovanhu tadi ka nyakukwa mOmuyapuki waIsrael.

JOHANNES 6:68

Ndele Simon Petrus okwe mu nyamukula ta ti: “Omwene, otu ye kulyelye ngeno? Oove u neendjovo domwenyo waalushe;

1 OVATESSALONIKI 2:13

Onghee hano nafye yo ohatu pandula Kalunga tuhe nedimbuko, osheshi ondjovo yaKalunga mwe i uda kufye, mwe i tambula hangaashi ondjovo yovanhu, ndelenee ongaashi i li shili ondjovo yaKalunga, ei tai longo yo munye ava mwa itavela.

2 OVAKORINTO 7:1

Eshi tu na hano omaudaneko e fike apa, ovaholike, tu likosheni kedilo keshe naali lombelela naali lomhepo, fye tu wanifeni eyapulo mokutila Kalunga.

JESAJA 30:22

Opo nee otamu ka mona nokutya, oihongwafano yeni ya vaekwa noshisiliveli noshingoldo, oya nyatekwa, ndele ove to ke i nyonyodola noku i ekelashi, ove to ke i lombwela: “Djeni po, indeni!”

JESAJA 2:20

Mefiku tuu olo omunhu ota ekeleshi oikalunga yaye yoshisiliveli noyoshingoldo, e i hambula e linyongamene kuyo, ndele te i pe eemhuku nomalimalima,

OILONGA YOVAYAPOSTOLI 13:26

“Ovalumenhu nye ovamwatate, onye ovana vomoludalo laAbraham, nanye ava vamwe hamu tila Kalunga, fye otwa tuminwa ondjovo yexupifo eli.

JESAJA 61:1

Omhepo yOmwene, Omwene oi li kombada yange, osheshi Ye okwa vaeka nge ndi udifile omapongo ondaka yehafo, okwa tuma nge ndi mange ava ve na omutima wa nyanyaulwa, okwiingidila eenghwate emangululo naava ve li meemango, eyeuluko leedolongo;

1 PETRUS 1:9

fiku tamu ka hanga efikilo leitavelo leni, exupifo leemwenyo deni.

OVAROMA 11:17

Ndele ngeenge oitai imwe oya tetwa ko, naave, ove olumono lomofuka, wa twikwa mokati koitai, ou wa pewa oshitukulwa shoye komidi nokomeva olumono liwa,

OILONGA YOVAYAPOSTOLI 10:33

Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”

MATEUS 5:5

“Ovanelao ovananheni, osheshi ovo tava ka fyuulula edu.

SEFANIA 2:3

Kongeni Omwene, nye amushe ovalininipiki vomoshilongo, onye ava hamu diinine omayukifo aye. Kongeni ouyuki! Kaleni nokukonga elininipiko. Kashiimba tamu ka amenwa mefiku lehandu lOmwene.

HESEKIEL 36:25

Opo nee handi ka tila kombada yeni omeva a yela, opo mu yele. Ame ohandi ke mu yapula eenyata deni adishe noikalunga yeni aishe.

HESEKIEL 18:31

Ekeleishi omatauluko eni aeshe aa mwa tauluka, ndele liningileni omutima mupe nomhepo ipe. Osheshi omolwashike mwa hala okufya, onye eumbo laIsrael?

1 OVATESSALONIKI 1:5

Osheshi evaengeli letu ola fika kunye haneendjovo adike, ndelenee omeenghono yo nomOmhepo Iyapuki nomeyelelo la pama, ngaashi mu shi shii, nhumbi twa li mokati keni omolweni.

OVAEFESO 5:4

neendjovo defifohoni nomashendjo oulai inali udika mo, ndelenee edi domapandulo.

OVAEFESO 4:25

Onghee hano efeni oipupulu, popyeni oshili keshe tuu namukwao, osheshi mokukalafana ofye oinhimbu yaKristus.

JAKOB 5:20

kaleni mu shi shii kutya, ou ta alula omulunde mondjila yaye yepuko, ota xupifa omwenyo mefyo ndele ta fufile onduba yomatimba mahapu.

1 PETRUS 1:22

Mokudulika koshili eshi mwa yelifa eemwenyo deni kOmhepo okokuhola ovamwatate nohole ihe noihelele, mu nokuholafana nohole ya xwama komutima wa yela,