JAKOB 1:19 - Ombibeli Iyapuki

¹⁹ Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka;

JAKOB 1:19 Referans Kwoze

OMAYELETUMBULO 17:27

Ou ta pangele eendjovo daye, ye e neshiivo. Ndele ou e nomhepo ya pama, ye omulumenhu e neendunge.

OMAYELETUMBULO 21:23

Ou ta kelele okanya kaye nelaka laye, ota amene omwenyo waye koluhodi.

OMAYELETUMBULO 14:29

Omutalanheni ye e neendunge dihapu, ndelenee omuhandunhu te likongele oulai.

OMAYELETUMBULO 10:19

Apa pe neendjovo dihapu, etauluko itali pumbulukwa po. Ndelenee ou ta kelele omilungu daye, ye omunaendunge.

OMAYELETUMBULO 18:13

Ou ta nyamukula fimbo ina uda ko, osho oulai waye ndele tashi mu fifa ohoni.

OMAYELETUMBULO 13:3

Ou ta lungamene okanya kaye, ota amene okukalamwenyo kwaye. Ou ta makula unene omilungu daye, ota i mehanauno.

OMAYELETUMBULO 16:32

Omutalanheni e dule omuladi. Ndele ou te lipangele, e dule ou a teya oshilando.

OVAEFESO 4:26

Handukeni, ndelenee inamu nyona. Inamu efa etango li ningine mu nehandu.

OMAYELETUMBULO 15:18

Omulumenhu omuhandunhu ta pendula eemhata, ndelenee omutalanheni ta anuna eemhata.

OVAKOLOSSI 3:8

Ndelenee efeni paife ei aishe: ehandu nepiyaano nowii nesheko neendjovo dohoni tadi piti momakanya eni.

OVAEFESO 4:31

Onya keshe, ekeshuko nehandu, efulakato netukano, owii keshe nau kale kokule nanye.

OMAYELETUMBULO 18:21

Elaka li nepangelo lefyo nolomwenyo. Ava ve li hokwa, tava ka lya oiimati yalo.

OVAKOLOSSI 3:15

Nombili yaKristus nai pangele momitima deni, oyo ei mwe i ifanenwa omolutu limwe, ndele kaleni mu shii okupandula.

OMAYELETUMBULO 19:11

Eendunge domunhu tadi mu pe outalanheni, nefimano laye olo okudima po etauluko.

OMAYELETUMBULO 15:2

Elaka lovanongo tali hepaulula eshiivo loshili, ndelenee okanya kovashima taka fuluka oulai.

OMAYELETUMBULO 25:28

Omulumenhu ehe shii kulipangela, e li ngaashi oshilando sha teywa po shihe nohotekuma.

OMAYELETUMBULO 14:17

Omuhandunhu ta longo oulai. Omunambudi ota ka tondwa.

MATEUS 5:22

Ndelenee Ame ohandi mu lombwele: keshe ou ta handukile omumwaina, oye okwe lilongela ehandu letokolo, okeshe tuu ou ta handukile omumwaina ndele ta ti: ‘Oshinhu ove,’ ye okwe lilongela ehandu loshiongalele shovakulunhu; naau ta ti: ‘Elai ove,’ oye okwe lilongela omundilo woheli.

OMAYELETUMBULO 17:14

Ehovelo leshilafano olo ngaashi omeva taa panuka, onghee hano, efa eemhata fimbo oo inaa panuka.

JAKOB 1:26

Ngeenge ope na umwe mokati keni e lishii oye omulongelikalunga ndele ita pangele elaka laye, ndele ota pukifa omutima waye, okulongela Kalunga kwaye okwongaho.

1 OVATESSALONIKI 2:13

Onghee hano nafye yo ohatu pandula Kalunga tuhe nedimbuko, osheshi ondjovo yaKalunga mwe i uda kufye, mwe i tambula hangaashi ondjovo yovanhu, ndelenee ongaashi i li shili ondjovo yaKalunga, ei tai longo yo munye ava mwa itavela.

NEHEMIA 9:17

heeno, va anya okudulika noinava dimbulukwa oikumwifalonga yoye, oyo we i va longela mokati kavo. Ndelenee va kukutika eefingo davo ndele moku ku twila ondubo ve lihoololela omukulunhu va shune moupika muEgipiti. Ndelenee Ove Kalunga ho dimi po omatimba, u nonghenda nolune, u nonheni ndele Oove omunene mouwanghenda: Ove wa li ino va ekelashi.

OILONGA YOVAYAPOSTOLI 17:11

Ndele Ovajuda ava ova li ovanaendunge ve dule venya vokuTessalonika, ova tambula nohokwe eendjovo daKalunga, ndele tava konakona momishangwa omafiku aeshe, va tale, ei ve i lombwelwa, ngeenge oyoshili tuu.

LUKAS 19:48

ndele va nyengwa nhumbi ve mu ninge, osheshi ovanhu aveshe ve mu hokwa ndele ove mu pwilikina.

MARKUS 2:2

ovanhu vahapu ova ongalela ko diva, noposhivelo kapa li vali onhele. Oye okwe va udifila ondjovo.

OMAYELETUMBULO 19:19

Omuhandunhu ota ka humbata ehandukilo. Osheshi ngeenge wa hala oku mu yakula, oto mu xwameke ashike unene.

OILONGA YOVAYAPOSTOLI 10:33

Opo nee onda endelela oku ku tumina elaka, ndele ove owa ninga nawa, eshi we uya po, nopaife ofyeni atusheni otu li apa koshipala shaKalunga, fye tu ude ko adishe odo we di lombwelwa kOmwene.”

OILONGA YOVAYAPOSTOLI 2:42

Ndele vo ova diinina okukala melongo lovayapostoli nomekwatafano lavo, nomokupambula omungome nomokwiilikana.

LUKAS 15:1

Ndele ovafutifi aveshe novalunde va li have uya kuye oku mu uda.

NEHEMIA 9:3

Ndele va kala ofika peenhele davo ndele va leshelwa membo lomhango yOmwene Kalunga kavo mokafimbo okatine komefiku, ndele va hepaulula omatimba nokwiilikana Omwene Kalunga kavo mokafimbo okatine komefiku.

1 JOHANNES 2:21

Ndele ame inandi mu shangela, ngaashi ovo inava shiiva oshili, ndelenee onde mu shangela, osheshi omu i shii, naashi kutya, kape na nande oipupulu tai di moshili.

OILONGA YOVAYAPOSTOLI 13:48

Ndele ovapaani eshi ve shi uda, ova hafa nova fimaneka eendjovo daKalunga, nova ninga ovaitaveli, aveshe ava va nuninwa okuya momwenyo waalushe.

MARKUS 12:37

David ye mwene ote mu ifana ngaha Omwene, openi nee hano omona waye?” Ndele ovanhu vahapu ova kala ve mu pwilikina nehafo.

NEHEMIA 8:18

Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

NUMERI 22:27

Ondongi eshi ya mona omweengeli, yo oya nangala fimbo Bileam e li kuyo. Onghee hano Bileam okwa handuka unene nokwa denga ondongi noshiti.

OMAYELETUMBULO 29:20

Wa mona ko tuu omulumenhu u endelele okupopya? Okuteelela eendunge delai ku dule winya.

OILONGA YOVAYAPOSTOLI 1:15

Ndele momafiku enya ovanhu ve fike pefele limwe nomilongo ivali eshi va li va ongala, Petrus okwa fikama mokati kavo ndele ta ti:

JAKOB 1:2

Ovamwatate, hafeni shili, ngeenge tamu hangika komahongaulo opahapu,

JAKOB 1:16

Ovamwatate ovaholike, inamu puka.

JAKOB 2:1

Ovamwatate, eshi mu na eitavelo kOmwene wetu Jesus Kristus, Omwene wefimano, inamu kala nokutala olupe lomunhu.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JAKOB 3:10

Mokanya tuu aka kamwe otamu piti enangeko noupuna nefingo. Ovamwatate, itashi dulika shi kale ngaha.

JAKOB 4:11

Ovamwatate, inamu ambafana. Ou ta ambe mukwao ile ta tokola mukwao, ota ambe omhango ndele ta tokola omhango; ndelenee ngeenge to tokola omhango, opo nee ove ku fi omuwanifi womhango, ndelenee omutokoli wayo.

JAKOB 5:12

Ndelenee komesho yaaishe, ovamwatate, inamu ana, nge keulu ile kedu, nosho yo eano keshe; “heeno” yeni nai kale “heeno,” na “ahowe” yeni nai kale “ahowe,” opo muha wile metokolo.

JAKOB 5:19

Ovamwatate, ngeenge ope na umwe mokati keni a puka moshili, ndele umwe te mu alula,

JOB 32:16

Ame ndi teelele vali, vo eshi itava popi, vo eshi hava kala ofika itava nyamukula vali.