JAKOB 1:17 - Ombibeli Iyapuki

¹⁷ Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu.

JAKOB 1:17 Referans Kwoze

JOHANNES 3:27

Johannes okwe va nyamukula ta ti: “Omunhu ita dulu okulikufila sha, ngeenge ite shi pewa tashi di meulu.

MATEUS 7:11

Hano onye ava muvai, ngeenge mu shii okupa ovana veni oipewa iwa, unene tuu Xo yeni meulu ota yandje ouwa kwaava, tave mu indile!

OVAHEBERI 13:8

Jesus Kristus Oye tuu ou onghela nonena nofiyo alushe.

JOHANNES 8:12

Ndele Jesus okwe va lombwela vali, ta ti: “Aame ouyelele wounyuni; ou ta shikula nge, ita ende momulaulu, ndele ota kala e nouyelele womwenyo.”

NUMERI 23:19

Kalunga ke fi pomunhu a fufye ngeno. Ile omona womunhu ye e lialuluke. Ye a tonga sha ngeno, ndelenee ite shi ningi mbela? Ile ta popi sha, ite shi wanifa hamba?

1 JOHANNES 1:5

Hano ondaka twe i uda kuye ndele hatu i mu udifile oyo ei: Kalunga Oye ouyelele, omulaulu kau mo muye.

OMAYELETUMBULO 2:6

Osheshi Omwene ta yandje ounongo, mokanya kaye tamu di eshiivo neendunge,

OMAPSALOME 84:11

Osheshi Kalunga Omwene, Oye etango noshikelelifo; Omwene oha yandje ouwanghenda nefimano; ava tava ende moshili, ite va kelele nande osha shiwa.

JAKOB 3:17

Ndelenee ounongo ou hau di kombada, tete owa yela nopo nee u nombili nou nolukeno nowiitaveleli nou yadi onghenda noiimati iwa; kau nomalimbililo ile oihelele.

MALAKIA 3:6

Osheshi Ame Omwene ihandi lunduluka. Ndele nye ovana vaJakob inamu xula po.

OVAEFESO 2:8

Osheshi mwa xupifwa konghenda omolweitavelo, lo inali dja munye vene, olo oshali yaKalunga,

LUKAS 11:13

Hano nye ava muvai, ngeenge omu shii okupa ovana veni oipewa iwa, unene tuu Xo yeni yomeulu ota yandje Omhepo Iyapuki kwaava tave mu indile.”

1 OVAKORINTO 4:7

Osheshi olyelye te ku tula komesho? Noshikwashike eshi u shi kwete, ino shi pewa? Ndele ngeenge owe shi pewa, oshike to litange wa fa ino shi pewa?

1 JOHANNES 4:10

Opo tuu opo ope nohole, fye eshi twa kala tu hole Kalunga, ndelenee Oye a kala e tu hole nokwa tuma Omona waye a ninge ekulilo lomatimba etu.

OVAEFESO 1:18

Ye a minikile omesho eni omomutima, opo mu shiive eteelelo olo mwe li ifanenwa, noupuna wefimano lefyuululo laye apa u fike movayapuki vaye,

JOHANNES 1:9

Ouyelele ou washili, hau minikile omunhu keshe, wa hangika tau uya mounyuni.

EHOLOLO 21:23

Noshilando eshi inashi pumbwa etango ile ohani oku shi minikila, osheshi oshinge shaKalunga otashi shi minikile, onyika yasho oyo Odjona.

1 OMAFIMBO 22:12

Omwene ne ku pe omayele neendunge, ne ku ninge omupangeli wOvaisraeli u diinine omhango yOmwene Kalunga koye.

2 OVAKORINTO 4:6

osheshi Kalunga ou a tile: “Ouyelele nau minikile momulaulu, Oye tuu ou a minikila momitima detu,” opo okushiiva kwoshinge shaKalunga ku tandavelife ouyelele, nokutya oshinge tuu osho tashi taima moshipala shaKristus.

JESAJA 60:19

Etango itali kala vali ouyelele woye omutenya nokutoka kwohani itaku ku minikile vali, ndelenee Omwene ota ka kala ouyelele woye waalushe, naKalunga koye ota ka kala evilimo loye.

1 SAMUEL 15:29

Nefimano lOvaisraeli, ita fufya ndele ite lialuluka. Osheshi ke fi omunhu Ye e lialuluke ngeno”

GENESIS 41:16

Ndele Josef okwa nyamukula Farao ndele ta ti: “Haame; oKalunga ha yandje efatululo liwa kuFarao.”

EHOLOLO 22:5

Ndele itamu kala oufiku, ngaashi itava pumbwa ouyelele wolamba ile wetango, osheshi Omwene Kalunga ote va minikile; ndele otava ka pangela ngaashi eehamba alushe fiyo alushe.

JAKOB 1:5

Ndele ngeenge umwe womunye okwa hepa ounongo, ne u indile kuKalunga ou e hole okuyandjela aveshe nokuhe nokungongota, opo nee ote u pewa.

OVAROMA 6:23

Osheshi ondjabi youlunde oyo efyo, ndelenee oshalinghenda yaKalunga oyo omwenyo waalushe muKristus Jesus, Omwene wetu.

1 OMAFIMBO 29:19

ndele pa omumwange Salomo omutima umwe a diinine oipango yoye neendobwedi doye neenghedimhango doye, opo a ninge ashishe nokutunga ouhamba oo nde u longekida.”

NUMERI 11:17

Opo nee Ame ohandi ka kolokela ko nokupopya naave. Ndele omhepo ei i li kombada yoye, Ame ohandi ke i tukula noku i tula kombada yavo. Ndele vo otave ke ku kwafa nokuhumbata oudjuu woshiwana, opo oove auke iho pumbwa oku u humbata.

JAKOB 3:15

Ounongo wa tya ngaha hayou hau di kombada, ndelenee owopaunyuni nowopanhu nowopandemoni.

JESAJA 45:7

ou handi ningi ouyelele, ndele handi shiti omilaulu, handi eta po elao, ndele handi shiti omupya; Ame Omwene handi longo aishe ei.

OVAFILIPPI 1:29

Osheshi onye omwa pewa hakwiitavela akuke Kristus, ndelenee oku mu hepekelwa yo,

OILONGA YOVAYAPOSTOLI 11:18

Ndele vo eshi ve shi uda, ove limwenenena, tava hambelele Kalunga tava ti: “Osho ngaha Kalunga okwa yandja nokovapaani yo elidilululo lokumona omwenyo.”

OILONGA YOVAYAPOSTOLI 5:31

Oye ou Kalunga e mu nenepekifa neke laye lokolulyo, a ninga Omwene, e mu lenge mouyehame Omukulili okupa Ovaisraeli elidilululo nedimepo lomanyonauno.

JESAJA 46:10

Ame ou nda holola kehovelo inya tai ke uya, oikulu ei yonale fimbo inai ningwa; Ame ou handi ti: Omhangela yange otai ka kala po, nakeshe eshi nda hala ohandi shi wanifa.

JESAJA 28:26

Ndele Kalunga kaye okwe mu ulikila nhumbi hashi ningwa, Ye ote mu longo.

OMAPSALOME 122:6

Haleleni Jerusalem ombili! “Ava ve ku hole, nava kale nepunapalo.

DEUTERONOMION 4:19

Ove uha yelule omesho oye keulu, ove ngeenge to mono etango nohani neenyofi, eengudu adishe dokeulu, uha pukifwe u linyongamene kudo noku di longela, oinima Omwene Kalunga koye okwe i tukulila oiwana aishe koshi yeulu alishe.

NUMERI 11:25

Opo nee Omwene okwa kolokela ko moshilemo ndee ta popi naye. Ndele Ye okwa tukula mo mOmhepo ei ya li kombada yaye ndele Ye e i tula kombada yovakulunhu omilongo heyali. Ndele fimbo omhepo ya kala kombada yavo, vo ova xunganeka. Ndelenee hakomesho vali.

OMAPSALOME 85:12

Osho vali Omwene ote ke tu pa ouwa, nedu letu tali tu menifile oshishipo.

OMAPSALOME 102:27

Ndelenee Ove to kala ngaho, ngaashi u li, omido doye ihadi xulu po nande.

OMAPSALOME 136:7

Ou omushiti womaminikilo manene, osheshi alushe ouwanghenda waye tau kala po.

JOHANNES 3:3

Jesus okwa nyamukula ndele ta ti kuye: “Oshilishili handi ku lombwele: omunhu ngeenge ina dalululwa, ita dulu okumona ouhamba waKalunga.”

1 TIMOTEUS 6:16

ou aeke ita fi noha kala mouyelelelela omu itamu shiiva okwiiwa, Oye ina monika nande okomunhu, Ye ita dulu okutalwa. Efimano olaye neenghono daalushe odaye. Amen.