JAKOB 1:12 - Ombibeli Iyapuki

¹² Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JAKOB 1:12 Referans Kwoze

1 PETRUS 5:10

Ndele Kalunga kefilonghenda alishe, ou e mu ifanena oshinge shaye shaalushe muKristus Jesus, eshi mwe lididimika okafimbo, Oye ote mu longekida, te mu yambidida, te mu pameke note mu kanghameke.

EHOLOLO 2:10

Ino tila oyo tai ke ku hepeka. Tala, ondiaboli otai idilile vamwe vomunye modolongo, mu yelekwe, ndele otamu ka monifwa oudjuu omafiku omulongo. Diinina fiyo okefyo, Ame nohandi ku pe oshishani shomwenyo.

JAKOB 5:11

Taleni, ovo ve lididimika, ohatu va tale ovanelao. Elididimiko laJob olo mwe li uda, nomwa mona exulilo e li pewa kOmwene, osheshi Omwene Oye omunalukeno nomunamutimanghenda.

OVAROMA 8:28

Ndele otu shi shii, ava ve hole Kalunga, oinima aishe kumwe otave i longelwa ouwa, ava va ifanwa pamhangela yaye.

MATEUS 10:22

Ndele edina lange otamu ke li tondelwa kwaaveshe; ndele ou te lididimike fiyo okexulilo, oye ta xupifwa.

1 OVAKORINTO 9:25

Ndele omuningi wefiyafano keshe ohe lidilike oinima aishe, ndele vo otave shi ningi va pewe oshishani tashi lembe, ndele fye ohatu pewa osho itashi lembe.

1 PETRUS 3:14

Ndele nande omu hepekelwe ouyuki, onye ovanelao. Inamu tila etilifo lavo, nye inamu haluka,

2 TIMOTEUS 4:8

Opo nee nda tuvikililwa oshishani shouyuki handi ke shi pewa mefiku linya kOmwene, omutokoli omuyuki, ndelenee haame andike, naaveshe ava ve hole eholoko laye.

JAKOB 2:5

Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

1 PETRUS 5:4

Omufita omukulunhu eshi ta ka holoka, onye notamu ka pewa oshishani shefimano itashi lembe.

1 OVAKORINTO 2:9

ndelenee ngaashi pa shangwa: “Osho eisho inali shi mona, nokutwi inaku shi uda, sho inashi ya momutima womunhu, Kalunga okwe shi longekidila ava ve mu hole.”

DEUTERONOMION 8:2

Ndele ove u nokudimbulukwa ondjila aishe oyo Omwene Kalunga koye e ku endifa mombuwa efimbo li fike pomido omilongo nhee e ku ninipike noku ku tala, opo a shiive eshi shi li mo momutima woye, ove ngeenge to ka diinina tuu oipango yaye ile ahowe.

OMAYELETUMBULO 17:3

Onhelekelo koshingoldo, nediko koshisiliveli, ndelenee Omwene ta yelifa omitima.

SAKARIA 13:9

Opo oshitukulwa oshititatu Ame ohandi ke shi twala momundilo ndele handi va hemuna ngaashi oshisiliveli hashi hemunwa, ndele handi va yeleke ngaashi oshingoldo hashi yelekwa. Vo otava ka ifana edina lange, ndele Ame ohandi ke va uda. Ame handi ti: Eshi oshiwana shange! Ndele ohava ti: Omwene, Kalunga ketu!

EHOLOLO 3:21

Ou ta findi, ohandi mu kaleke omutumba pamwe naame kolukalwapangelo lange, ngaashi Ame nda finda ndele ndi li omutumba pamwe naTate okolukalwapangelo laye.

1 PETRUS 4:13

ndelenee nyakukweni nehafo li fike poshipewa sheni shomahepeko aKristus, opo mu shiive okuhafa yo nokushambukwa peholoko loshinge shaye.

1 OVAKORINTO 8:3

ndelenee ou e hole Kalunga, oye a shiivika kuye.

EHOLOLO 3:19

Aveshe ava ndi va hole, ohandi va handukile ndele handi va tekula nedengo. Kala hano nouladi ove u lidilulule.

DEUTERONOMION 13:3

opo nee ino pwilikina eendjovo domuxunganeki ile domulumenhu ou, ta tu ondjodi, osheshi Omwene Kalunga keni ote mu tale, opo a shiive ngeenge omu hole tuu shili Omwene Kalunga keni nomutima aushe nonomwenyo aushe.

OVAHEBERI 10:32

Ndelenee dimbulukweni omafiku enya onale, eshi mwa li mwa minikilwa, omwe lididimikila momahepeko madjuu,

OMAPSALOME 119:71

Onawa nee, eshi nda ninipikwa, opo ndi lilonge eenghedimhango doye.

DEUTERONOMION 7:9

Kala u shi shii hano nokutya, Omwene Kalunga, Oye Kalunga koye, Kalunga omudiinini, ou ta diinine ehangano laye nouwanghenda kwaava ve mu hole ndele tava diinine oipango yaye, komaludalo eyovi.

OVAHEBERI 6:15

Ndele Abraham, eshi a teelela nokulididimika, a mona osho sha udanekwa.

MATEUS 25:34

Opo nee ohamba otai lombwele ovo vokolulyo layo: ‘Onye ovanangekwa noupuna vaTate, ileni, mu ka fyuulule ouhamba ou mwe u longekidilwa, keshito lounyuni.

OMAPSALOME 119:67

Fimbo nda li inandi ninipikwa, onda puka; ndele paife ohandi diinine ondaka yoye.

NEHEMIA 1:5

ndele handi ti: “Akutu Omwene Kalunga komeulu, Oove Kalunga munene u nokutilika, ou ho diinine ehangano nonghenda kwaava ve ku hole ndele hava diinine oipango yoye,

OVAHEBERI 11:17

Meitavelo Abraham okwa yandja Isak eyambo eshi a yelekwa kuKalunga. Abraham tuu ou a pewa omaudaneko kuKalunga; nande ongaho okwa yandja ewifa laye Isak eyambo.

OMAPSALOME 119:75

Ondi shi shii, Omwene, nokutya omatokolo oye okwa yuka, naashi wa ninipika nge, omolwoudiinini woye.

1 JOHANNES 4:19

Ofye otu mu hole, osheshi Oye a kala e tu hole tete.

JESAJA 64:4

Okoshito nale inapa udika ile inapa shiivika, ile eisho ngeno la tala Kalunga umwe ehe fi Ove auke, ou ha longo ya tya ngaha kwaava have mu teelele.

OMAPSALOME 5:11

Opo nee aveshe ava ve ku lineekela, nave ku hafele; alushe nava kuwilile, molwaashi to va amene, notave ku tanhele ava ve hole edina loye.

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

OVAHEBERI 12:5

Ndele nye omwa dimbwa naanaa filu ekumaido tali popi kunye ngaashi ounona tali ti: “Omumwange, ino dina ehandutekulo lOmwene, ndele ino loloka ngee to hanyenwa kuye;

JOB 5:17

“Tala, omunelao omulumenhu ou ta handukilwa kuKalunga. Ino dina hano outekuhandu waau wOmunaenghono adishe.

OMAPSALOME 94:12

Omulumenhu omunelao ou ta pukululwa kwoove, Omwene, noto mu longo eendunge momhango yoye,

GENESIS 22:1

Konima yoinima ei Kalunga okwa yeleka Abraham ndele te mu lombwele: “Abraham!” Ndele ye okwa nyamukula ta ti: “Aame ou!”

JOB 2:10

Ndelenee ye te mu nyamukula: “Ove to popi ngaashi elai tali popi! Fye ohatu tambula ouwa kuKalunga, nowii ngeno tuhe u tambule?” Pwaaishe oyo Job ina nyona sha nomilungu daye.

OMAPSALOME 11:5

Omwene ota konakona ovayuki novahenakalunga, naau e hole owii, omwenyo waye otau mu tondo.

LUKAS 6:22

“Ovanelao nye ovanhu ngeenge tave mu tondo molwedina lOmona wOmunhu ndele have mu kondo mo nohave mu sheke, nedina leni have li dini la fa lii.

OVAROMA 5:4

nelididimiko oudiinini, noudiinini eteelelo;

2 TIMOTEUS 2:15

Diinina, u monike kuKalunga oove omufindani momayeleko, omulongi ita fi ohoni oshilonga shaye, e shii okutukula nawa ondjovo yoshili.

1 PETRUS 4:14

Onye ngeenge tamu shekelwa edina laKristus, onye ovanelao, osheshi Omhepo yoshinge noyaKalunga otai kala kombada yeni.