HOSEA 3:4 - Ombibeli Iyapuki

⁴ Osheshi ovana vaIsrael otava ka kala efimbo lile, vehe nohamba, vehe nomukulunhu, vehe netomenoyambo, vehe nongudi yemanya, vehe noshikutu shelongelokalunga novehe noikalunga yomomaumbo.

HOSEA 3:4 Referans Kwoze

OVATOKOLIPANGELI 17:5

Omulumenhu winya Mika okwa li e nongulu yaKalunga nokwa ninga oshikutu shokomapepe noikalunga yomeumbo nokwa tula po omona waye umwe omulumenhu a kale omupristeli waye.

2 OMAFIMBO 15:2

nokwa fikama a ka shakeneke Asa ndele ta ti kuye: “Pwilikinei nge, Asa nOvajuda nOvabenjamin aveshe! Omwene ota kala pamwe nanye, ngeenge tamu kala pamwe naye, ndele ngeenge tamu mu kongo, otamu ke mu mona. Ndelenee ngeenge tamu mu efa, naye yo ote ke mu efa.

GENESIS 31:19

Fimbo Laban a ya a ka kulule eedi daye, Rakel okwa vaka mo oiketi yaxe.

OVAHEBERI 10:26

Osheshi ngeenge hatu nyono owina nande twa shiiva oshili, itapa kala vali eyambo molwomatimba,

DANIEL 12:11

Okudja kefimbo tuu olo eyambo lomafiku aeshe tali kukifwa, noixuna yehanauno tai dikilwa ko, otapa kala omafiku eyovi nomafele avali nomilongo omugoi.

DANIEL 9:27

Ndele ye ota ka ninga eudafano la pama navahapu, li kale oule woshivike shimwe, ndele pokati koshivike ye ota ka xulifa etomenoyambo neendjayambo. Ndele omuhanauni ote ke uya nomavava oixuna. Eshi itashi xulu po fimbo etokolo la nunwa tali tililwa kombada yomuhanauni.”

1 SAMUEL 23:9

David eshi a kundana nokutya, Saul te mu diladilile owii, okwa lombwela omupristeli Abjatar ta ti: “Eta oku oshikutu shokomapepe.”

OVATOKOLIPANGELI 8:27

Ndele Gideon okwa ninga nayo oshikutu shokomapepe, ndele e shi dika moshilando shaye Ofra. NOvaisraeli aveshe ove shi shikula mokuhaela. Ndele eshi sha ninga omwiyo kuGideon neumbo laye.

EXODUS 28:4

Noikutu ei vo ve noku i hondja oyei: Okapapa koponhulo, oshikutu shokomapepe, oshikutu shokombada, ombaikifa ya hondjelwa oulenga, embale nomwiya woshiyata. Osho ngaha hano ve nokuningila Aron, mumwanyoko, novana vaye ovamati oikutu iyapuki, opo vo va shiive okulongela nge moshilonga shoupristeli.

JOHANNES 19:15

Opo nee vo ova ingida: “Na dje po, na dje po, mu valela komushiyakano!” Pilatus okwa tya kuvo: “Nandi valele ohamba yeni komushiyakano?” Ovapristeli ovakulunhu ova nyamukula: “Fye katu na ohamba imwe, omukesari aeke.”

LUKAS 21:24

ndele vo ove nokufya keememo deongamukonda, notava twalwa moupika koiwana aishe, ndele Jerusalem tashi ka lyataulwa kovapaani fiyo omafimbo ovapaani taa wana.

SAKARIA 13:2

Ndele mefiku tuu olo Omwene womatanga ovakwaita ta ti: Ohandi ka dima mo moshilongo omadina oikalunga, opo itai ka dimbulukiwa vali novaxunganeki yo neemhepo da nyata ohandi ke di ta mo moshilongo.

HOSEA 13:11

Mehandu lange ohandi ku pe ohamba, nomoupyuhandu wange handi i kufa po.

HOSEA 2:11

Ndele Ame handi xulifa ehafo laye keshe: oivilo yaye, noivilo yaye yohani ipe nomashabata aye, heeno, nomafiku aye aeshe manene.

DANIEL 11:31

Ndele omatanga ovakwaita otaa ka shivwa kuye, taa ka fikama nokuyapululula otembeli nohotengulu, ndele vo otava ka xulifa eyambo lomafiku aeshe, ndele tava dikile po oixuna yehanauno.

HESEKIEL 21:21

Osheshi ohamba yaBabilon otai kala ofika pomatukaukilo eendjila, pehovelo leendjila mbali, opo yo i pule keemhule, tai tukumuna oikuti, tai pula oikalunga, tai tale exuli.

HESEKIEL 20:32

Ndele osho she uya momhepo yeni, oshili, itashi ka ningwa, osho eshi tamu ti: fye otwa hala tu kale ngaashi oiwana, ngaashi omaludi makwao, tu fimaneke oshiti nemanya.

2 EEHAMBA 23:24

Josia okwa komba po ovaifani veemhepo dovafi novamonikokule noihongwakalunga yomeumbo noikalunga noififahoni aishe oyo ya li moshilongo shaJuda nomuJerusalem, opo a pameke eendjovo domhango, odo da shangelwa membo, omupristeli Hilkia e li mona mongulu yOmwene.

2 SAMUEL 6:14

Ndele David okwa tanha nokunhuka neenghono moipafi yOmwene. Ndele David okwa li a djala oshikutu sholiina shokomapepe.

1 SAMUEL 30:7

Ndele David ta ti komupristeli Abjatar yaAhimelek: “Etele nge oshikutu shokomapepe.” Opo nee Abjatar a etela David oshikutu shokomapepe.

1 SAMUEL 23:6

Abjatar yaAhimelek eshi a ya onhapo kuDavid, e uya kuKeila e noshikutu shokomapepe.

1 SAMUEL 22:18

Opo nee ohamba tai ti kuDoeg: “Ehena oku, ove u dipae ovapristeli.” Opo nee Doeg, Omuedom, a ehena po ndee ta dipaa ovapristeli. Ndele mefiku tuu olo ye okwa dipaa ovalumenhu omilongo hetatu navatano ava va djala oikutu yoliina yokomapepe.

1 SAMUEL 21:9

Opo nee omupristeli ta ti: Eongamukonda laGoliat, Omufilisti ou we mu dipaa mefilu laEla, opo li li, la tonyenwa moshikutu shokombada kwinya konima yoshikutu shokomapepe. Ngeenge owa hala oku li kufa po, li kufa po hano, osheshi ponho yalo kape na oiti imwe apa. Opo nee David ta ti: “Kape na limwe li dule olo, li pe nge hano.”

1 SAMUEL 14:3

Ndele Ahia yaAhitub, omumwaina waIkabod yaPinehas yaEli, omupristeli womuSilo, okwa li a djala oshikutu shokomapepe. Ndelenee ovakwaita inava shiiva nokutya, Jonatan okwa dja po.

1 SAMUEL 2:18

Ndelenee okamati Samuel ka yakula moilonga koshipala shOmwene, ndele ka li ka djala oshikutu shokomapepe sholiina.

LEVITIKUS 8:7

Opo nee okwe mu dika oshikutu shokoshi, nokwe mu mangifa omwiya woshiyata nokwe mu dika oshikutu shokombada. Ye okwe mu dika yo oshikutu shokomapepe ndele okwe mu mangifa ongodi yoshikutu shokomapepe noyo a mangifa oshikutu shokomapepe.

GENESIS 49:10

Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

GENESIS 31:34

Ndelenee Rakel okwa li a kufa po oiketi nokwe i holeka momutumba wongamelo ndele ta kala omutumba kuwo. NaLaban okwa hadahada ofaila aishe, ndelenee ina mona mo sha.

OVATOKOLIPANGELI 18:14

Opo nee ovalumenhu venya vatano ava va ile okulava oshilongo shaLais, va hovela okulombwela vakwao: “Mu shii tuu kutya meumbo eli omu noshikutu shokomapepe noikalunga yomeumbo noshihongwafano noshitelekwafano? Shiiveni hano paife osho mu nokuninga!”

1 SAMUEL 15:23

Osheshi okuhadulika okwo etimba ngaashi enyanekelo, nokwaanya oko owii nokufimaneka oikalunga. Ove eshi wa ekelashi ondjovo yOmwene, naye e ku ekelashi yo, uha kale vali ohamba.”

OMAIMBILOKEMO 2:9

Oivelo yasho ya ningina medu, omakumba asho Ye e a tatula po nokwa teyaula po. Ohamba yasho novakulunhu vasho ve li mokati kovapaani. Kape nomalombwelo vali, novaxunganeki vasho ihava tambula vali omamoniko kOmwene.

HOSEA 13:10

Hano ohamba yoye oi li peni, opo i ku kwafe moilando yoye aishe? Novatokoli voye ovo va tongwa kwoove: Pe nge ohamba nomalenga, ove li peni?

SAKARIA 10:2

Osheshi oiketi hai popi eendjovo doipupulu, novanongo hava mono oipupulu, ndele hava udifa eendjodi dongaho nomahekeleko avo ongaho. Onghee va ya ngaashi oufita weedi, hava fi oluhepo, osheshi vehe nomufita.

EXODUS 28:6

“Ndele vo ve nokuninga oshikutu shokomapepe noshingoldo neengodi domavala nodopurpuri noditilyana da fa ohonde noliina iwa ya tungwa neengodi da poshelwa kumwe, ngaashi oshilonga shounongo.

HESEKIEL 19:14

Ndele omundilo wa dja moshitai shi yadi outai, oo wa lungwinifa po oiimati yao, ndele kape na vali oshitai shi hongwe epangelodibo li pangele. Osho eimbilokemo, nosha ninga eimbilokemo.

HESEKIEL 21:31

Ndele Ame ohandi ka tilashi ehandu lange kombada yoye. Ndele Ame ohandi ke ku pepela nomundilo woupyuhandu wange, ndele handi ku efele momake ovanhu vakukutu, ovanhu ve nomaoko okunyonauna.