HOSEA 13:2 - Ombibeli Iyapuki

² Ndele natango otava twikile okunyona, ndele tave liningile oshitelekwafano koshisiliveli shavo, oikalunga paendunge davo, aishe oshilonga shomuhambwidi. Oyo tave i popifa: “Oyo tai tomenwa ovanhu, neenhana tave di fipi komilungu.”

HOSEA 13:2 Referans Kwoze

HOSEA 2:8

Heeno, oye ina shiiva nokutya, Ame tuu ou nde mu pele oilya nomaviinyu nomaadi, nosho yo Ame nde mu hapupalifila oisiliveli noingoldo, ei ve i yambela Baal.

JESAJA 46:6

Ovo tava pimhi mo oshingoldo mekutu, ndele tava yelekifa oshisiliveli noshiyelekifo, tava ifana omuhambwidi woshingoldo note shi hambula kalunga, tave shi twile eengolo ndele tave shi ilikana.

1 EEHAMBA 19:18

Ndele muIsrael ohandi ke lixupifila mo omayovi aheyali, aveshe ovo inava twa eengolo koshipala shaBaal, nomilungu adishe inadi xupita nayo.”

JEREMIA 10:4

vo otave u wapaleke noshisiliveli noshingoldo note u pangelifa eendungu nohamala uha tengauke po.

OVAROMA 11:4

Ndelenee enyamukulo laKalunga otali mu lombwele shike? “Ame onde lixupifila ovalumenhu omayovi aheyali ava inava twa eengolo koshipala shaBaal.”

2 TIMOTEUS 3:13

Ndelenee ovanhu vai novakengeleledi otava ka ehena komesho mowii nokupukifa nokupuka.

OVAROMA 2:5

Ndelenee melikukutiko loye nomokuhelidilulula kwomutima woye, oto lihapupalifile ehandu mefiku lehandu noleholoko liyuki laKalunga,

HOSEA 11:6

Ndele eongamukonda tali ke uya moilando yaye, ndele tali ka hanauna po oiidilifo yaye, ndele tali li omolweemhangela davo.

HOSEA 10:1

Israel okwa li omuviinyu muwa, ou tau ima. Okwa tunga omayambelo mahapu pauhapu woiimati yaye, ndele a wapeka eengudimanya daye pauwa medu laye.

HOSEA 8:6

Aishe oya dja muIsrael, omuhambwidi e i ninga ndele yo kai fi Kalunga. Ndelenee onhana yomuSamaria tai ka hanaunwa moutandu.

HOSEA 8:4

Ova nangeka eehamba, ndelenee inashi dja mwaame. Va hoolola omalenga, ndelenee Ame inandi shi shiiva. Oisiliveli noingoldo yavo oya ninga oikalunga yavo fiyo enyonauko tali va hange.

JESAJA 46:8

Akutu ovaliteeki nye! Shi dimbulukweni nye mu likanghameke. Lipuleni komitima deni.

JESAJA 45:20

“Ongaleni, nye mu uye, ndele eheneni oku amushe onye ava mwa xupila moiwana. Ovo hava djala oihongwafano yoiti itava shiiva nande sha, ndele hava ilikana kalunga ita dulu okukwafa sha.

JESAJA 30:1

Omwene ta ti: “Woo, ounona ovanandubo, ava tava pangele omhangela, ndelenee inai dja mwaame; tava hangakene, ndele inashi dja mOmhepo yange, opo va ndubile omatimba komatimba,

JESAJA 1:5

Omwa hala natango mu dengwe peni, eshi natango tamu twikile okuliteeka? Omutwe aushe otau vele, nomutima aushe u noudu.

OMAPSALOME 2:12

Xupiteni Omona komilungu, opo ehe mu handukile ndele tamu nyonauka mondjila yeni; osheshi ehandu laye kali kwete kufuluka. Ovanelao ovava aveshe have mu lineekele.

2 OMAFIMBO 33:23

Ndelenee ye ine lininipika koshipala shOmwene ngaashi xe Manasse e lininipika. Ndelenee Amon okwa hapupalifa oulunde waye.

2 OMAFIMBO 28:13

ndele tave va lombwele: “Inamu eta oku eenghwate, osheshi tamu tu velifa ombedi koshipala shOmwene. Osheshi okunyona kwetu okunene nehandu laye li li kombada yaIsrael.”

1 SAMUEL 10:1

Ndele Samuel okwa kufa oshanga yomaadi nokwe a tila komutwe waye nokwe mu fipa komilungu ndele ta ti: “Omwene e ku vaeka u ninge ohamba yovanhu vaye Ovaisraeli.

NUMERI 32:14

Ndee taleni, nye mwa fikama ponhele yooxo, oludalo nye lovalunde opo mu wede ko vali oupyuhandu wOmwene okuhandukila Israel.

JEREMIA 10:8

Ndelenee vo aveshe omalai novashima! Elongelokalunga loikalunga olongaho, oyo oiti,

HOSEA 4:17

Efraim okwe limangeleka koikalunga: Mu efa!

HOSEA 8:5

Onhana yoye oixuna, Samaria! Ehandu lange le va xwamenena. Fiyo onaini otava efiwa inava handukilwa?

HOSEA 10:5

Oonakukalamo muSamaria tava ka tila molwonhana yomuBet-Aven. Osheshi omolwonhana ovanhu vasho tava ka nyika oufiye, novapristeli vasho tava ka kakama omolwefimano lasho eli tali kufwa po.

HOSEA 14:3

Asiria itashi dulu oku tu kwafa. Fye inatu hala vali okulonda eenghambe, fye ihatu lombwele vali oilonga yomake etu: Kalunga ketu! Osheshi mwoove ofiye tai mono onghenda.”

JESAJA 44:11

Taleni, ovashikuli valo aveshe otava ka fifwa ohoni, novanongo ovo ovanhu! Nava ongale aveshe, nava holoke, nava haluke, nava fifwe ohoni mumwe

JEREMIA 8:5

Ovanhu ava, Ovajerusalem, omolwashike hano hava pilamene ko nokushuna monima alushe? Ohava dame mekonda ndele hava anye okwaaluka mo.

HOSEA 11:2

Alushe eshi va ifanwa, ova pilamena ko. Ova yambela ooBaal nova twimina oihongwafano.