HOSEA 12:3 - Ombibeli Iyapuki

³ Omwene ota tu eemhata naJuda, ndele ta handukilile Jakob eendjila daye, ndele te mu pe pailonga yaye. Medimo laina okwa kwata oshififinwa shomumwaina, ndele mefimbo leenghono daye okwa kondja naKalunga.

HOSEA 12:3 Referans Kwoze

GENESIS 25:26

Nomumwaina eshi e mu shikula, eke laye la kwata oshififinwa shaEsau. Onghee ove mu luka Jakob. Nomido daIsak oda li di fike pomilongo hamano vo eshi va dalwa.

OVAROMA 9:11

fimbo ounona inava dalwa, noinava longa ouwa ile owii—opo omhangela yaKalunga yopahoololo i kalelele, hamolwoilonga ndele omolwomwiifani,

2 EEHAMBA 17:18

Onghee hano Omwene okwa handukila shili Ovaisraeli, ndele e va ekelashi koshipala shaye. Inapa fyaala nande osha, epata laJuda olo alike.

2 EEHAMBA 17:20

Onghee hano Omwene okwa ekelashi oludalo alishe laIsrael, ndele ye e va ninipika nokwe va yandja momake ovanyeki fiyo e va ekelashi koshipala shaye.

2 EEHAMBA 17:23

fiyo Omwene okwa ekelashi Ovaisraeli koshipala shaye, ngaashi a popya nomakanya ovapiya vaye aveshe ovaxunganeki. NOvaisraeli va kufwa moshilongo shavo, va twalwa moukwatwa kOvaasiria fiyo onena eli.

JEREMIA 2:9

Onghee hano natango nda hala oku mu hokololifa, Omwene osho ta ti, ndele handi ka hokolola noludalo lovatekulu veni.

HESEKIEL 7:3

Paife exulilo tali uya kombada yoye, ndele Ame ohandi ke ku tumina ehandu lange ndele handi ku tokola pakweenda kwoye, nohandi efa oixuna aishe i ku hange.

HESEKIEL 7:8

Paife, konima yokafimbo, ohandi ka tilashi ehanyeno lange kombada yoye, ndele handi wanifa ehandu lange mwoove ndele handi ku tokola pakweenda kwoye, ndele handi efa, oixuna yoye aishe i ku hange.

HOSEA 4:1

Udeni ondjovo yOmwene, akutu, nye ovana vaIsrael! Osheshi Omwene oku na oihokolola noonakukalamo moshilongo, osheshi moshilongo kamu noudiinini nokamu nohole nokamu nokushiiva Kalunga.

HOSEA 4:9

Onghee omupristeli ota ka ningwa ngaashi oshiwana: Ame ohandi mu handukilile eendjila daye ndele ohandi mu tokolele oilonga yaye.

AMOS 2:4

Omwene osho ta ti: “Omolwomatauluko atatu, naane aJuda, Ame ihandi ka alula ehandukilo. Osheshi vo ohava ekeleshi omhango yOmwene, ndele inava diinina eenghedimhango daye. Ndele oikalunga yavo yoipupulu oye va pukifa, oyo ya shikulwa kooxekulu.

MIKA 6:2

Udeni oihokolola yOmwene, eemhunda, onye omakanghameno edu a pama akushe. Osheshi Omwene oku na oihokolola noshiwana shaye, ndele ta ka hokololifa Israel.