HOSEA 1:5 - Ombibeli Iyapuki

⁵ Heeno, mefiku tuu linya Ame ohandi ka teya po outa waIsrael mefilu laJisreel.”

HOSEA 1:5 Referans Kwoze

OVATOKOLIPANGELI 6:33

Opo nee Ovamidian aveshe nOvaamaleki novanhu vokoushilo va ongala kumwe ndele va tauluka omulonga waJordan ndele va onga onhanda mepumbu laJisreel.

JOSUA 17:16

Ndelenee ovana vaJosef tava ti: “Eemhunda itadi ke tu wanena, nOvakaanan aveshe ava hava kala medu la lalakana ve nomatemba oivela, vo ava hava kala muBetshan nomikunda dasho naava hava kala mefilu laJisreel.”

HOSEA 2:18

Ndele mefiku olo ohandi ningi ehangano omolwavo noifitukuti yomofuka needila dokeulu noinamwenyo yopedu ei tai alangata; heeno, outa neongamukonda noita ohandi i kukifa moshilongo, ndele Ame handi va tulumukifa va kale nombili.

JEREMIA 51:56

Osheshi omuhanauni ote shi totele, ota totele Babilon. Novaladi vasho otava ningi eenghwate, omauta avo otaa teyaulwa po, osheshi Omwene Oye Kalunga kehandu. Heeno oshili, Oye ota ka handuka nokuhandukilila.

OMAPSALOME 46:9

Ou ta xulifa po oita fiyo okeengaba dedu, ndele ta teyaula omauta nomaonga, nomatemba oita te a xwike po nomundilo.

OMAPSALOME 37:15

Omikonda davo otadi va pilukile, di va twe momitima davo vene, nomauta otaa teyaulwa po.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

HESEKIEL 39:3

Ndelenee Ame ohandi ka denga outa woye meke loye lokolumosho, noikuti yoye yomeke loye lokolulyo ohandi i wilifa poshi.