HOSEA 1:4 - Ombibeli Iyapuki

⁴ Ndele Omwene e mu lombwela ta ti: “Mu luka Jisreel (tashi ti: Kalunga ta halakanifa), osheshi oku na okafimbo kanini, ndele handi ka kongolola etimba laJisreel, li ye mepata laJehu, ndele handi xulifa po oshilongo sheumbo laIsrael.

HOSEA 1:4 Referans Kwoze

HOSEA 1:9

Ndele Omwene okwe mu lombwela, ta ti: “Mu luka Lo-Ammi (tashi ti: kashi fi oshiwana shange), osheshi kamu fi oshiwana shange, naame yo nghi fi weni.”

HOSEA 1:6

Opo omwalikadi a ninga vali oufimba, ndele a dala okakadona ndele Omwene okwa lombwela Hosea, ta ti: “Ka luka Lo-Ruhama (tashi ti: ina filwa onghenda), osheshi itandi ka fila vali eumbo laIsrael onghenda, ndi va dimine po.

HESEKIEL 23:31

Ove wa enda nondjila yomumwanyoko, onghee handi ku pe meke loye eholo laye.”

HESEKIEL 23:10

Vo ova holola ohoni youkainhu waye, va kufa po ovana vaye ovamati noukadona. Ndelenee ye mwene ve mu dipaa neongamukonda, opo ye a ninga oshihopaenenwa tashi londola ovakainhu vakwao, ndele vo ova wanifa omatokolo muye.

JEREMIA 23:2

Onghee hano Omwene Kalunga kaIsrael mokupopya ovafita ava, hava lifa ovanhu vange, ota ti: “Nye omwa halakanifa po eedi dange nomwe di ta po, nye inamu di diinina. Tala, paife onda hala ndi diinine moku mu handukilila oilonga yeni ii, Omwene osho ta ti.

JEREMIA 3:8

Nonda koneka, nande nda henga Israel omolwoluhaelo laye noku mu pa ombapila yehengo, omumwaina Juda, ou e liteeka nge, ina tila, ndelenee okwa ya ndele ta haelwa ngaashi winya.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 7:14

Onghee hano Omwene ote mu pe edidiliko: Tala, okakadona otaka ka ninga kafimba, ndele taka dala omona okamati, ndele te ka luku Immanuel.

2 EEHAMBA 15:29

Pomafiku enya aPeka, ohamba yaIsrael, Tiglat-Pileser, ohamba yOvaasiria, ye uya ndele tai nangala Ijon naAbel-Bet-Maaka naJanoak naKedes naHasor naGilead naGalilea, oshilongo ashishe shaNaftali. Ndele yo ye va twala moukwatwa kuAsiria.

2 EEHAMBA 10:17

Ndele ye eshi e uya muSamaria, ye okwa dipaa aveshe ovo va xupa vomepata laAhab muSamaria, fiyo e li komba po pandjovo yOmwene, e i lombwela Elia.

JOHANNES 1:42

Ye okwe mu twala kuJesus. Jesus okwe mu tala ndele ta ti: “Oove Simon omona waJohannes; oto ka ifanwa Kefas,” otali ti: Petrus.

LUKAS 1:63

Ye okwa indila okapelende, ndele ta shange mo ngaha: “Edina lako oJohannes.” Aveshe ova kumwa.

LUKAS 1:31

Ndele tala, ove to ningi omufimba ndele to dala okamati, ndele to ka luka edina lako Jesus.

LUKAS 1:13

Ndelenee omweengeli okwa tya kuye: “Sakaria, ino tila, osheshi eilikano loye ola udika, nomukainhu woye Elisabet ote ku dalele okamati, ndele to ka luku Johannes.

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

HOSEA 9:17

Kalunga kange ote ke va ekelashi, osheshi inave mu uda. Otava ka ninga ovaendaendi mokati koiwana.

HOSEA 2:22

Ndele edu tali ka uda oilya nomaviinyu nomaadi, ndele yo otai ka uda Jisreel.

HOSEA 2:13

Osho ngaha handi mu handukilile omafiku ooBaal fimbo e di twiminina omatwiminoyambo, nokwe liwapeka noulinga vomeyulu noilanda vomofingo, ndele a lambalala ovaholike vaye, ndelenee ye a dimbwa nge, Omwene osho ta ti.

2 EEHAMBA 15:8

Momudo omutimilongo nhatu nomutihetatu waAsaria, ohamba yaJuda, Sakaria yaJerobeam a ninga ohamba yaIsrael muSamaria. Nokwa pangela eehani hamano.

JEREMIA 20:3

Ndelenee mefiku la shikula Pashur okwa kufa mo Jeremia meti. Opo nee Jeremia okwe mu lombwela ta ti: Omwene ite ku ifana edina loye Pashur, ndelenee Etilohaluko-keembinga-adishe!

JOSUA 19:18

ndele oshitukulwalongo shavo sha ama kuJisreel naKesullot naSunem,

2 EEHAMBA 10:1

Ndele Ahab okwa li e novana ovamati omilongo heyali muSamaria. Opo nee Jehu a shanga onhumwafo nokwe i tumina omalenga omoshilando, ovakulunhu novatekuli vovana ovamati vaAhab muSamaria, ndele ta ti:

JESAJA 8:3

Ndele ame nda ya komwalikadi wange omuxunganeki, ndele ye okwa ninga oufimba, ndele ta dala okamati. NOmwene okwa lombwela nge, ndele ta ti: “Edina lako li luka Maher-Saalal-Has-Bas.

AMOS 9:8

Taleni, omesho Omwene Kalunga taa taalele oshilongo oshilunde, ndele Ame ohandi ke shi komba po kombada yedu. Ndelenee eumbo laJakob itandi li hanauna po sheke, Omwene ta ti.