HOSEA 1:2 - Ombibeli Iyapuki

² Omwene eshi a hovela okupopifa Hosea, Omwene okwa lombwela Hosea, ta ti: “Inda u likongele omwalikadi ombwada, ove u dale ounona nombwada, osheshi oshilongo osha teya nokuteyelela ohombo nokweefa Omwene.”

HOSEA 1:2 Referans Kwoze

HOSEA 3:1

Ndele Omwene okwa lombwela nge ta ti: “Inda vali u ka hole omwalikadi e holike komulumenhu waye, ndele ou ta teya ohombo, ngaashi Omwene e hole yo ovana vaIsrael, ndele vo otava pungulukile koikalunga imwe, ndele ve hole oikuki yeeviinyu.”

DEUTERONOMION 31:16

Opo nee Omwene okwa lombwela Moses, ndele ta ti: “Tala, ove to ka nangala pooxo, novanhu ava tava ka fikama, ndele tava ka shikula oikalunga imwe yomoshilongo omo tava i, ndele tave ke liteeka nge nokuteya po ehangano Ame nde li ninga navo.

JEREMIA 3:9

Noshilongo okwe shi nyatekifa kokuhaelwa kwaye itaku kwafa sha, a haelwa nokemanya nokoshiti.

OMAPSALOME 106:39

Osho ve linyateka noilonga yavo nova kala moukwaipala.

EHOLOLO 17:5

Ndele moshipala shaye omwa li mwa shangwa edina eli, oshiholekwa: “Babilon shinene, ina yeembwada noyoixuna aishe yedu.”

2 PETRUS 2:14

Omesho avo e yadi ohole yoipala, vo itava kuta oulunde; hava hongaula eemwenyo dovatengauki, ve nomutima wa deukila olwisho; ovo ovana vefingo.

HESEKIEL 6:9

Opo ava vomuvo tava xupu po, otava dimbulukwa nge moiwana omo va twalwa eenghwate, shaashi handi tatula omitima davo dokahalu, edi de liteeka nge, nomesho avo a shikula oikalunga yavo mokuhola oluhaelo. Ndele vo tave ke linyonyodola voovene molwoilonga ii ve i ninga omolwoixuna yavo aishe.

HOSEA 5:3

Efraim, ondi mu shii, naIsrael ina holekwa koshipala shange. Osheshi ove, Efraim owa teya ohombo paife. Israel okwe linyateka.

MARKUS 1:1

Ehovelo levaengeli laJesus Kristus, Omona waKalunga.

JEREMIA 2:13

Osheshi ovanhu vange ova nyona pavali: Ove liteeka nge nande Aame ofifiya yomeva omwenyo, ndele vo ve lixupila omifima da tenda omifya, dihe shii okukala omeva.

OMAPSALOME 73:27

Osheshi osho oshili: ou te likalele ehe li mwoove, ota nyonauka po; keshe tuu ou, ta amuka kwoove, oto mu kombo po sheke.

2 OMAFIMBO 21:13

ndelenee wa twala Ovajuda noonakukala muJerusalem mondjila yeehamba daIsrael nomoluhaelo ngaashi epata laAhab le va twala moluhaelo, ndele wa dipaa ovamwaxo, ovo va li vawa ve ku dule;

JEREMIA 2:20

Osheshi ove owa teya ondjoko yoye mefimbo lonale, ndele wa tokola eestropa doye. Ndele wa tya: ‘Ame inandi hala okuyakula.’ Osheshi ngaashi ombwada ove wa nangala koikulundudu aishe ile nokoshi yoshixwa keshe shitalala.

JEREMIA 2:23

Ove oto dulu ngahelipi okupopya to ti: ‘Ame inandi linyateka, nosho inandi shikula Baal?’ Litala eenghedi doye nhumbi wa kala mefilu, lipulapula nomwenyo woye, oilonga yoye, ove ongamelo yonghadi i nonhapo ihapu, nai tondauke nokutelaana.

HOSEA 2:7

Ndele ye ota ka lambalala ovaholike vaye, ndelenee ye ite va hange ko. Ndele ye ote va kongo, ndele ite va mono. Opo nee ye ota ka tya: “Ame nda hala okwaalukila komulumenhu wange wonale, osheshi okukala kwange kwomafiku enya kwa li ku dule kwopaife.”