HOSEA 1:1 - Ombibeli Iyapuki

¹ Ondjovo yOmwene oye uya kuHosea, omona waBeeri, momafiku eehamba daJuda Ussia, Jotam, Ahas naHiskia nomomafiku aJerobeam yaJoas, ohamba yaIsrael.

HOSEA 1:1 Referans Kwoze

OVAROMA 9:25

ngaashi a tonga muHosea: “Oshiwana sha li shihe fi shange, ohandi ke shi luka ‘oshiwana shange,’ naau ehe fi omuholike wange, ‘omuholike’,

MIKA 1:1

Ondjovo yOmwene oyo ya hanga Mika Omumoreset, pomafiku eehamba daJuda Jotam, Ahas naHiskia, ei okwe i monenene Samaria naJerusalem.

JESAJA 1:1

Emoniko laJesaja yaAmos, ye e li hololelelwa tali tongo Juda naJerusalem, opomafiku aUssia naJotam naAhas naHiskia, eehamba daJuda.

AMOS 1:1

Eendjovo daAmos, umwe womovafita veedi vomuTekoa, e di uda, tadi popi Israel momafiku aUssia, ohamba yaJuda nomomafiku aJerobeam yaJoas, ohamba yaIsrael, omido mbali, ekakamo ledu fimbo inali fika.

2 EEHAMBA 15:32

Momudo omutivali waPeka yaRemalja, ohamba yaIsrael, Jotam yaUssia, ohamba yaJuda, okwa ninga ohamba.

2 EEHAMBA 14:16

Ndele Joas okwa ka nangala pooxe nokwa pakwa muSamaria peehamba daIsrael. Nomona waye omumati Jerobeam a ninga ohamba ponhele yaye.

2 PETRUS 1:21

osheshi inapa etwa nande ouxunganeki kehalo lomunhu, ndelenee ovanhu ovayapuki ova popya odo ve di pewa kuKalunga nokuwilikwa kOmhepo Iyapuki.

JOHANNES 10:35

Oye ngeenge ta ifana venya va pewa eendjovo daKalunga, ookalunga, nomishangwa itadi dulu okudimwa po,

SAKARIA 1:1

Momudo omutivali waDarius mohani onhihetatu ondjovo yOmwene ya hanga omuxunganeki Sakaria yaBerekia yaIddo, ndele tai ti:

JONA 1:1

Ondjovo yOmwene ya hanga Jona yaAmittai, tai ti:

JOEL 1:1

Ondjovo yOmwene ye uya kuJoel yaPetuel ei:

HESEKIEL 1:3

ondjovo yOmwene ye uya komupristeli Hesekiel, omona waBusi, medu lOvakaldea pomulonga waKebar. Neke lOmwene la kala kombada yaye.

JEREMIA 1:4

Ame onda hangika kondjovo yOmwene tai ti:

JEREMIA 1:2

ou a hangika kondjovo yOmwene momafiku aJosia yaAmon, ohamba yaJuda momudo omutimulongo nomutitatu wepangelo laye,

2 EEHAMBA 13:13

Ndele Joas a ka nangala pooxe, ndele Jerobeam okwa kala omutumba kolukalwapangelo laye. Ndele Joas okwa pakwa muSamaria peehamba dOvaisraeli.

2 EEHAMBA 14:23

Momudo omutimulongo nomutitano waAmasia yaJoas, ohamba yaJuda, Jerobeam yaJoas, ohamba yaIsrael, a ninga ohamba muSamaria. Nokwa pangela omido omilongo nhee naimwe.

2 EEHAMBA 15:5

NOmwene okwa denga ohamba, onghee yo ya li omunashilundu fiyo okefiku lefyo layo. Yo ya kala mongulu ye likalela, fimbo Jotam, omona wohamba a pangela eumbo lohamba ndele a tokola eendjovo dovanhu vomoshilongo.

2 EEHAMBA 15:7

Ndele Asaria okwa ka nangala pooxe nokwa pakwa pooxe moshilando shaDavid. Nomona waye Jotam okwa ninga ohamba ponhele yaye.

2 OMAFIMBO 27:1

Omido daJotam da li omilongo mbali nanhano, ye eshi a ninga ohamba, nokwa pangela muJerusalem omido omulongo nahamano. Nedina laina la li Jerusa, omona waSadok.

2 OMAFIMBO 28:1

Omido daAhas da li omilongo mbali ye eshi a ninga ohamba, nokwa pangela muJerusalem omido omulongo nanhano ndele ina ninga osho sha yuka momesho Omwene ngaashi xe David a ninga.

2 OMAFIMBO 29:33

Neeshali diyapuki oda li: eengobe deemhedi omafele ahamano needi omayovi atatu.

JESAJA 7:1

Ndele momafiku aAhas yaJotam yaUssia, ohamba yaJuda, Resin, ohamba yaAram naPeka yaRemalja, ohamba yaIsrael, oda shingila oita kuJerusalem, ndele ova tewa.