HAGGAI 1:8 - Ombibeli Iyapuki

⁸ Indeni, londeni komhunda, mu ete omiti, nye mu tunge otembeli, opo nee handi ke i hokwa nefimano lange opo li holoke mo, Omwene osho ta ti.

HAGGAI 1:8 Referans Kwoze

ESRA 3:7

Ndelenee va yandja oimaliwa kovahongi vomamanya novoipilangi. Ndele kOvasidoni nokOvatirus va yandja ko eendja noikunwa nomaadi, va kufe omiti domisederi muLibanon, ndele ve di ete kefuta kuJoppa pashipango shaKores, ohamba yaPersia, ye shi va pa.

2 OMAFIMBO 7:16

Osho ngaha ongulu ei nde i hoolola noku i yapula, edina lange opo li kale mo fiyo alushe, nomesho ange nomutima wange tau ka kala mo alushe.

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

1 EEHAMBA 9:3

NOmwene okwe mu lombwela ta ti: “Ame nda uda ko eilikano neindilo loye we li popya koshipala shange; ongulu ei we i tunga, Ame nde i yapula, edina lange li kale mo fiyo alushe. Nomesho ange nomutima wange tau ka kala mo alushe.

EXODUS 29:43

Ndele omo ohandi ka shakena novana vaIsrael, netwali tali ka yapulwa molwoshingefimano shange.

HAGGAI 2:9

Ewapalo lotembeli ei tali ka ninga linene li dule lonale, Omwene womatanga ovakwaita ota ti. Ndele monhele ei ohandi ka yandja mo ombili tai kala mo,” Omwene womatanga ovakwaita ota ti.

JESAJA 66:11

Opo nye mu shiive okunyama, nye mu kute komavele omahekeleko aye, nye mu shiive okunwa nye mu hekelekwe kouyadi woshinge shaye.

JESAJA 60:13

Oshinge shaLibanon otashi ke uya kwoove, omiti domisipresi nomiplatani nomyandi okufeweka onhele youyapuki wange; oshilyatelo sheemhadi ohandi ke shi fimanekifa.

JESAJA 60:7

Oiunda aishe yOvakedari otai ongala pwoove, eemhedi deedi daNebajot tadi londo koaltari yange tadi ningi omayambo a wapala, ndele Ame handi ka vilimifa ongulu yange yoshinge.

ESRA 6:4

momutameno wayo mu nokukala omamanya manene momikweyo nhatu, nomiti dipe omukweyo umwe. Neefuto tadi ka futwa kongulu yohamba.

1 EEHAMBA 6:1

Ndele momudo omutimafele ane nomilongo hetatu Ovaisraeli eshi va dja medu laEgipiti, nokutya momudo omutine wepangelo laSalomo okupangela Israel, mohani yaSif, oyo ohani onhivali, a tungila Omwene ongulu.

HAGGAI 1:7

Omwene womatanga ovakwaita osho ta ti: Taleni nawa nhumbi tamu ende.

1 OMAFIMBO 22:19

Hano paife, omitima deni neemwenyo deni di yukifeni okukonga Omwene Kalunga keni, ndele fikameni mu tunge otembeli yOmwene Kalunga, opo mu ete oshikefa shehangano lOmwene noinima iyapuki yaKalunga mongulu oyo tai ka tungilwa edina lOmwene.”