HAGGAI 1:6 - Ombibeli Iyapuki

⁶ Nye omwa kuna mo shihapu, ndelenee mwa teya shinini. Nye mwa lya, ndelenee inamu kuta. Mwa nwa, ndelenee inamu kumwa. Nye mwa djala, ndelenee inamu dja outalala. Naau ta longele ondjabi te i tula mokandjato ka pombauka.

HAGGAI 1:6 Referans Kwoze

HAGGAI 1:9

Onye mwa teelela shihapu, ndelenee kwa dja shinini. Ndele nye mwe shi eta mo momaumbo eni, ndelenee Ame nde shi fudila po. Omolwashike? Omwene womatanga ovakwaita osho ta ti. Omolwongulu yange, osheshi ya kala ya ngumauka, fimbo keshe umwe womunye ta lotokele eumbo laye mwene.

HOSEA 4:10

Otava li, ndelenee itava kuta. Otava haele, ndelenee itava tane, osheshi ova efa okuuda Omwene.

HAGGAI 2:16

mefimbo tuu olo ngee kwa iwa koshipale shoilya yoimbale omilongo mbali, tala otapa kala ashike omulongo. Ngee kwa iwa koshikolelo shomaviinyu okuteka mo eelata omilongo nhano, ndelenee tala, tapa kala ashike omilongo mbali.

HOSEA 8:7

Osheshi otava kunu omhepo ndelenee otava ka teya oshikungulu. Oilya itai kulu nomoilya yavo itamu di oufila. Nonande namu dje oufila, ovanailongo tave u pona po.

MALAKIA 2:2

Nye eshi itamu udu ndele itamu tambula momitima deni mu fimanekife edina lange, Omwene womatanga ovakwaita ta ti, onghee ohandi ka tuma efingo mokati keni ndele handi lundulula omanangeko noupuna eni, ndele taa ningi efingo. Heeno, Ame onde a finga nokuli, shaashi nye inamu tambula sha momitima.

JESAJA 5:10

Osheshi oshikokola shomiviinyu otashi longwa kovanhu omulongo efiku limwe otashi imi eelita hetatu, noilya ya kunwa eelita efele nomilongo hetatu otai dala ashike eelita omulongo nahetatu.

SAKARIA 8:10

Osheshi fimbo omafiku aa inaa fika, ovanhu inava mona ondjabi nosho yo oimuna yavo inai mona ondjabi. Ndele ou a pita mo naau e uya mo ina mona ombili omolwovafininiki. Osheshi Ame nda hongaifa omunhu nomunhu.

SAKARIA 5:4

Ame ohandi li efa ndele tali i meumbo lomulunga nomeumbo laau ta ane oipupulu medina lange, Omwene womatanga ovakwaita ta ti. Ndele efingo tali kala meumbo laye ndele tali li li po sheke fiyo okomiti nokomamanya alo omadikilo.”

JEREMIA 44:18

Ndelenee eshi twa efa okuxwikifa ohamba omwalikadi yomeulu omayambo noku i tilila oikunwayambo otwa hepa oinima aishe nohatu manwa po keongamukonda nokondjala.

JEREMIA 14:4

Omolwomapya a tenda omifya, osheshi edu inali lokwa, ovanamapya ova haluka ashike ndele tave lituvike koipala yavo.

OMAPSALOME 107:34

edilopya okwe li ninga edu loshimongwa, omolwoulunde wovanhu ava ve li mo.

JOB 20:28

Eliko leumbo laye tali ka iwa nalo mefiku lehandu. Oinima yaye tai ka ya okwiililwa kefundja.

JOB 20:22

Mouyadi woupuna waye ye ota ka kala e noumbada; omake aeshe ovakwanaluhepo tae mu pyaifwa.

1 EEHAMBA 17:12

Ndelenee winya ta nyamukula, ta ti: “Oshili, ngaashi Omwene Kalunga koye e nomwenyo, ame kandi nomungome, oufila eshambekela limwe alike moshiyuma nomaadi manini moshanga. Paife ohandi ongele oukuni vamwe, opo nee handi i, tu lipakele po fye nomumwange omumati, tu lye fye tu fye!”

2 SAMUEL 21:1

Ndele pomafiku aDavid eshi pa li omido nhatu dondjala, omudo nomudo, David okwa konga oshipala shOmwene. NOmwene e mu lombwela: “OmolwaSaul nomolwepata laye li netimba lohonde, ye eshi a dipaa Ovagibeon.”

LEVITIKUS 26:26

Ame ngeenge handi kufa po ekwafelo lomungome, ovalikadi tava ka teleka omungome weni moshikololo shefiya limwe noku mu alulila omungome weni pashiyelekifo. Ndele nye otamu ka lya ndelenee itamu ka kuta.

LEVITIKUS 26:20

Neenghono deni tamu di hepifa oshimha, osheshi omapya eni itaa ka eta oipalwifa yao, nomiti domoshilongo itadi imi.

NEHEMIA 5:2

ndele vamwe tava ti: “Fye tu nokuyandja ovana vetu ovamati noukadona ombabyona opo tu mone oilya tu lye tu kale nomwenyo!”

JEREMIA 12:13

Ova kuna oilya, ndele va teya eeshosholo. Vo ove lihepeka fiyo okeloloko, ndelenee inava mona sha. Kaleni mwa fifwa ohoni keteyo leni omolwoupyuhandu wOmwene.

HAGGAI 1:5

Omwene womatanga ovakwaita osho ta ti: Taleni nawa, nhumbi tamu ende:

HAGGAI 1:7

Omwene womatanga ovakwaita osho ta ti: Taleni nawa nhumbi tamu ende.

HAGGAI 1:10

Onghee hano eulu hali mu anyene omume, nedu oimeno yalo.

HAGGAI 2:17

Ame onde mu dengifa shili nonhimba nokahaudjololo neemhawe oilonga aishe yomake eni, ndelenee nande ongaha, nande umwe womunye e lialuluka nokuuya kwaame, Omwene ta ti.

DEUTERONOMION 28:17

“Oshimbale shoye noshiyaxa shoye shokulungila olumbololo lomungome tai ka kala ya tulwa omutima.

OMAYELETUMBULO 11:24

Onakuyandja ta wedelwa ko shihapu, ndelenee ou ta luvapala, ota hepa.