GENESIS 9:15 - Ombibeli Iyapuki

¹⁵ opo nee Ame ohandi ka dimbulukwa ehangano lange eli li li pokati ketu nanye noinamwenyo aishe yomombelela aishe. Omeva itaa ka ninga vali eyelu a nyonaune po ombelela aishe.

GENESIS 9:15 Referans Kwoze

DEUTERONOMION 7:9

Kala u shi shii hano nokutya, Omwene Kalunga, Oye Kalunga koye, Kalunga omudiinini, ou ta diinine ehangano laye nouwanghenda kwaava ve mu hole ndele tava diinine oipango yaye, komaludalo eyovi.

HESEKIEL 16:60

Nande ngaha Ame ohandi ka dimbulukwa ehangano letu naave lomomafiku enya ounyasha woye, ndele Ame ohandi ka dika naave ehangano laalushe.

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

1 EEHAMBA 8:23

ndele ta ti: “Omwene Kalunga kaIsrael, meulu nokombada yedu alishe kakuna ou e ku fa, ou to diinine ehangano nouwanghenda kovapiya voye ovo hava ende koshipala shoye nomutima wavo aushe,

EXODUS 28:12

ndele u nokutula oumanya ava aveshe vavali komapepe omoshikutu shokomapepe ngaashi omadimbulukifomanya Ovaisraeli. Aron e nokuhumbata komapepe aye avali omadina avo koshipala shOmwene, opo va dimbulukwe.

LUKAS 1:72

a monifile ootate olukeno, Ye a dimbulukwe ehangano laye liyapuki,

JEREMIA 14:21

Ino tu ekelashi omolwedina loye! Ino fifa olukalwapangelo loshinge shoye ohoni. Dimbulukwa, ino teya ehangano loye nafye.

NEHEMIA 9:32

“Hano paife Kalunga ketu, munene, omunamapangelo, Kalunga onakutilika, ou ho diinine ehangano loye nouwanghenda woye: oupyakadi oo aushe, uhe u tale oo unini, we tu hanga ko neehamba detu novakulunhu vetu novapristeli vetu novaxunganeki vetu, ootate novanhu voye aveshe, okudja komafimbo eehamba daAsiria fiyo okefiku eli.

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

GENESIS 9:11

Ndele Ame ohandi ningi ehangano nanye nokutya, ombelela aishe itai ka nyonwa po vali komeva eyelu, ndele itapa ka kala vali eyelu lokunyonauna po kombada yedu.”

GENESIS 9:14

Ame ngeenge handi eta oilemo kombada yedu nouta ou tau monika moilemo,

GENESIS 9:10

noinamwenyo aishe ei i li punye; needila noimuna noifitukuti aishe yokombada yedu i li punye, heeno, naaishe ei ya dja mongulu yomomeva nokutya, oinamwenyo aishe yokombada yedu.