GENESIS 8:1 - Ombibeli Iyapuki

¹ Ndele Kalunga okwa dimbulukwa Noa noifitukuti aishe noimuna aishe ei ya li pamwe naye mongulu yomomeva. Ndele Kalunga okwa pepifa omhepo kombada yedu opo omeva a oholoke,

GENESIS 8:1 Referans Kwoze

GENESIS 30:22

Ndelenee Kalunga okwa dimbulukwa yo Rakel, e mu uda ndele e mu pa oludalo.

GENESIS 19:29

Ndele eshi Kalunga a hanauna po oilando yomefilu laJordan, okwa dimbulukwa Abraham, ndele a pitifa mo Lot mehanauno, eshi Ye a hanauna po oilando omo mwa li Lot.

EXODUS 2:24

Ndele Kalunga okwa uda ekemo lavo, naKalunga okwa dimbulukwa ehangano laye naAbraham naIsak naJakob.

OMAPSALOME 136:23

Oye tuu ou, e tu dimbulukwa mediniko letu, osheshi alushe ouwanghenda waye tau kala po.

1 SAMUEL 1:19

Vo eshi ve liungaana ongula inene ndele va ilikana koshipala shOmwene, vo ova shuna ndele tave uya meumbo lavo muRama. Elkana a nangala nomwalikadi waye Hanna, nOmwene okwe mu dimbulukwa.

EXODUS 14:21

Opo nee Moses okwa yelula eke laye kombada yefuta, nOmwene okwa pepifa omhepo idjuu yokoushilo oufiku aushe nokwa pwiininika efuta. Efuta la ninga edu likukutu nomeva e litukuka.

OMAPSALOME 106:4

Omwene, dimbulukwe nge molwefilonghenda eli ho ningile oshiwana shoye. Talele nge po nekwafo loye.

AMOS 8:7

Omwene okwa anenena oshinge shaJakob: “Oshili, Ame ihandi ka dimbwa oilonga yavo fiyo alushe.

HABAKUK 3:2

Omwene, onda uda ondaka yoye ndele nda tila! Omwene, oshilonga shoye shi tula omwenyo pokati komido, ndele shi holola pokati komido. Mehandu dimbulukwa efilonghenda.

OMAPSALOME 137:7

Omwene, efiku lomupya waJerusalem, kala we li xweenenena ovana vaEdom, eshi va ingidile tava ti: “Shi ngumauneni po, shi ngumauneni po, nashi xulifwe po sheke!”

OMAPSALOME 132:1

Akutu, Omwene, dimbulukila David omalipyakuduko aye aeshe,

NEHEMIA 13:31

nosho yo omafiku oo ve na okutyava oikuni nooshipe yo. Kalunga kange, dimbulukwe nge ndi mone ouwa!

NEHEMIA 13:22

Ame nda lombwela vali Ovalevi, nokutya ve nokuliyelifa nokuuya va nangele oivelo opo efiku lEshabata li yapulwe. Dimbulukwe nge molwoshinima eshi yo, Kalunga kange, u file nge onghenda omolwouwanghenda woye uhapu.

NEHEMIA 13:29

Kalunga kange, va dimbulukwa, osheshi vo ova nyateka oupristeli nehangano lovapristeli nolOvalevi.

NEHEMIA 13:14

Omolwaashi, dimbulukwe nge, Kalunga kange, ndele ino dima po oilonga yange iwa, oyo nde i ningila ongulu yaKalunga kange noilonga yayo.

EHOLOLO 18:5

Osheshi oulunde washo owa fika meulu, nouhenouyuki washo, Kalunga okwe u dimbulukwa.

EHOLOLO 16:19

Noshilando shinene osho osha tukulwa oitukulwa itatu, noilando yoiwana oya ngumauka po, Babilon shinene sha dimbulukiwa kuKalunga shi pewe eholo lomaviinyu ehandu laye linene.

OMAYELETUMBULO 25:23

Omhepo yokoumbangalanhu tai eta odula, nomalundilo omeholeko taa eta po oshipala shehandu.

JOB 14:13

Akutu, ngeno u holeke nge moshovafi, heeno, u holeke nge fiyo ehandu loye la lota, u pangelele nge efimbo opo nee u dimbulukwe nge vali.

NUMERI 22:32

Nomweengeli wOmwene okwa pula kuye: “Omolwashike wa denga nokuli lutatu ondongi yoye? Tala, Ame mwene nda fikama nde uya oku ku kelela, osheshi ondjila ei yoye oi noiponga momesho ange.

JONA 4:11

Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?

OMAPSALOME 36:6

Ouyuki woye owa pama ngaashi eemhunda daKalunga, omatokolo oye oku li ngaashi oule womeva efuta; Omwene, Ove to kwafa omunhu noshinamwenyo.

EXODUS 15:10

Omufudo woye we u fudila mo, efuta le va tuvika. Ngaashi oshumbu vo ova ningina mo momeva manene.

NUMERI 10:9

“Ndele nye medu leni ngeenge tamu hangika koita ndee tamu i mu ka lwife ovatondadi ava ve mu tondokela, nye mu nokushika omanghuma okukuwa onghuwo, opo nee tamu dimbulukiwa koshipala shOmwene, Kalunga keni, ndee tamu ka xupifwa kovatondadi veni.

JOB 12:15

Tala, Ye ota kelele omeva ndele taa pwiinine. Ye ote a efa a kungulukile po, ndele taa tuvike edu.

OMAPSALOME 29:10

Omwene okwa li omutumba kombada yeyelumeva; heeno; Omwene ha kala omutumba kolukalwapangelo, ngaashi ohamba fiyo alushe.

OMAPSALOME 105:42

osheshi ye a dilakana ondjovo yaye iyapuki, okwa dimbulukwa Abraham, omupiya waye.

JESAJA 44:27

Aame ou, handi lombwele oule womeni: ‘Pwinina, nomilonga doye ohandi ke di pwininika.’

NAHUM 1:4

Ye ota hanyene efuta note li pwiininike nomilonga adishe ote di kukutike. Basan naKarmel otai tene, nokuhapa kwaLibanon taku fi omutenya.

GENESIS 9:10

noinamwenyo aishe ei i li punye; needila noimuna noifitukuti aishe yokombada yedu i li punye, heeno, naaishe ei ya dja mongulu yomomeva nokutya, oinamwenyo aishe yokombada yedu.

OMAPSALOME 115:12

Omwene okwe shi tu dimbulukila: ote ya oku tu punika, ota punike eumbo laIsrael, ota punike eumbo laAron,

JEREMIA 50:38

Oluteni, totela omeva avo aeshe a pwinine po! Osheshi oshilongo shavo oshoihongwakalunga yongaho. Ndele have lineekele oihongwa yavo ngaashi ovayananghwengu.

SAKARIA 10:11

Ndele otava ka tauluka noudjuu, ndele Omwene ta denge omakufikufi efuta, noule aushe womulonga Nil otau ka kukuta. Elinenepeko laAsiria tali natwa po nodibopangelo yaEgipiti tai di po.