GENESIS 6:6 - Ombibeli Iyapuki

⁶ onghee Omwene okwe lialuluka eshi a ninga omunhu kombada yedu, ndele Ye ta yehama momutima waye.

GENESIS 6:6 Referans Kwoze

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.

OVAEFESO 4:30

Ndele Omhepo Iyapuki yaKalunga inamu mu nyikifa oluhodi, osheshi Oye e mu tulwa oshilimbo fiyo okefiku lekulilo.

OVAHEBERI 3:10

Onghee hano onda handukila epupi olo ndele nda tile: ‘Alushe momitima davo otava puka, ndelenee vo inava shiiva eendjila dange,’

1 SAMUEL 15:29

Nefimano lOvaisraeli, ita fufya ndele ite lialuluka. Osheshi ke fi omunhu Ye e lialuluke ngeno”

2 SAMUEL 24:16

Ndelenee omweengeli eshi a nana eke laye kuJerusalem e shi tokeke, Omwene okwe lialuluka omupya, ndele a lombwela omweengeli ou a hanauna po ovanhu ndele ta ti: “Sha wana! Alula eke loye!” Nomweengeli wOmwene okwa li pefimbo olo poshipale shaArauna, Omujebusi.

NUMERI 23:19

Kalunga ke fi pomunhu a fufye ngeno. Ile omona womunhu ye e lialuluke. Ye a tonga sha ngeno, ndelenee ite shi ningi mbela? Ile ta popi sha, ite shi wanifa hamba?

JONA 3:10

Ndele Kalunga okwa mona oilonga yavo, nokutya vo ova aluka kondjila yavo ii. Opo nee Kalunga e lialuluka komupya ou Ye e u tile e u va ningile, ndele Ye ine shi ninga.

JOEL 2:13

Pombauleni omitima deni, haoikutu yeni, nye mu alukile kOmwene Kalunga keni. Osheshi Ye omunefilonghenda nomunanghenda nomunanheni nomunene mouwanghenda, ndele iha kalele okuhandukuluka.”

EXODUS 32:14

Opo nee Omwene okwe lialuluka kehandu eli a tongele te li ningile ovanhu vaye.

HESEKIEL 33:11

Tya kuvo: Oshili, ngaashi Ame ndi nomwenyo, Omwene Kalunga ta ti, oshilielela, Ame ndihe nohokwe nefyo lomuhenakalunga, ndelenee omuhenakalunga ne lialuluke mondjila yaye opo a kale nomwenyo. Lialulukeni! Lialulukeni keendjila deni dii! Molwashike wa hala okufya, oove, eumbo laIsrael.

JEREMIA 26:19

Hiskia, ohamba yaJuda, nOvajuda aveshe ove mu dipaa vati? Vo inava tila Omwene nove mu handukulukifa, opo Omwene okwe lialuluka komupya winya a li e u va handukilila, manga fye tu li po twa hala tu litwike keemwenyo detu omupya u fike apa.

1 OMAFIMBO 21:15

Ndele Kalunga okwa tuma omweengeli kuJerusalem oku shi hanauna po. Ndele fimbo te shi hanauna po, Omwene e shi wete, nokwe lialuluka omolwomupya, nokwa lombwela omweengeli, ou ta hanauna: “Sha wana! Alula eke loye!” Nomweengeli wOmwene okwa kala ofika poshipale shOmujebusi Ornan.

JESAJA 48:18

Akutu, ngeno ove wa li wa diinina oipango yange, ngeno ombili yoye oya kala ngaashi omulonga tau tondoka, nouyuki woye ngaashi omakufikufi omefuta;

OMAPSALOME 106:45

nokwe va dilakanena ehangano laye navo, nokwe va kenukila pauwanghenda waye munene,

1 SAMUEL 15:35

Ndele Samuel ina mona vali Saul fiyo efiku lefyo laye, osheshi Samuel a nyika oluhodi omolwaSaul. NOmwene okwe livela ombedi molwaSaul, eshi e mu ninga ohamba yOvaisraeli.

DEUTERONOMION 32:36

Osheshi Omwene ota ka yukifa oshiwana shaye, ndele ta ka kenukila ovapiya vaye, Ye eshi ta mono nokutya, eenghono davo da pwa, ndele inapa fyaala sha.

DEUTERONOMION 32:29

Vo ngeno ovanaendunge, ngeno ve shi shiiva, vo va diladile exulilo lavo.

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

JAKOB 1:17

Keshe oshipewa shiwa, nokeshe oshali sha wanenena, ohashi di kombada, okuXe yomauyelele, kwaau puhe nomalundululo ile omapilauko ouyelele nomulaulu.

OVAHEBERI 3:17

Oolyelye ava e va uditile ehandu omido omilongo ine? Havaava va nyona, noimhu yavo ya nyonaukila mombuwa?

MALAKIA 3:6

Osheshi Ame Omwene ihandi lunduluka. Ndele nye ovana vaJakob inamu xula po.

HOSEA 11:8

Ondi ku efe ngahelipi, Efraim, nondi ku ekeleshi ngahelipi, Israel? Ondi ku efe ngahelipi ngaashi Adma, nondi ku ninge ngahelipi ngaashi Seboim? Omutima wange we lidilulula nolukeno lange lwa penduka.

OMAPSALOME 119:158

Ngeenge handi mono ovanhu ve neteke, otava nyonyodolifa nge, shaashi ihava yavala omhango yoye.

OMAPSALOME 110:4

Omwene okwa ana, ndele ite shi lundulula: “Oove omupristeli fiyo alushe opanghedi yaMelkisedek.”

OMAPSALOME 95:10

Omido omilongo ine onda li nda tondifwa kepupi olo, opo nda tya: ‘Oshiwana eshi shi nomitima da puka; ndele vo inava hala okushiiva eendjila dange.’

OMAPSALOME 81:13

Akutu oshiwana shange, ngeno u ude nge, naIsrael, ngeno na alukile meendjila dange.

OMAPSALOME 78:40

Omapa e fike peni, aa va twa ondubo naye mombuwa, naa ve mu lilifa mofuka!

OVAROMA 11:29

Osheshi eeshalinghenda neifano laye Kalunga ihe li lundulula.

GENESIS 6:7

Ndele Omwene okwa tya: “Ovanhu ava nda shita onda hala oku va komba po kombada yedu, heeno, ovanhu noimuna yo, noialangati needila dokeulu. Osheshi otashi yehameke nge, eshi nde va ninga.”

JEREMIA 18:7

Ohaluka ohandi popi nehandu nda hala okududa mo nokuteya po nokuhanauna po oshiwana noshilongo.