GENESIS 6:5 - Ombibeli Iyapuki

⁵ Omwene eshi a mona owii wovanhu kombada yedu wa li uhapu, nomauko omadiladilo omitima davo okwa li mai efimbo alishe,

GENESIS 6:5 Referans Kwoze

MATEUS 15:19

Osheshi momutima omo hamu di omadiladilo mai, omadipao, omanyonohombo, oluhaelo, oulunga, omalundilafano, omasheko.

JEREMIA 4:14

Feta po owii wokomutima woye, ove u yele, Jerusalem, opo u shiive okuxupifwa. Fiyo onaini omadiladilo oulunde taa hondama monhulo yoye?

JEREMIA 17:9

Omutima woovene ou nomakoto u dule ashishe nowa nyonauka. Olyelye ta dulu oku u shiiva?

OMUUDIFI 9:3

Mwaaishe tai ningwa koshi yetango omu noshinima inashi yuka nokutya, oshipewa shimwe ashike tashi hange aveshe, nomutima yo wovana vovanhu u yadi owii, noulai hau kala momitima davo mokukalamwenyo kwavo. Ndele konima yaashi otaku iwa koonakufya!

OMUUDIFI 7:29

Tala, eshi ashike nde shi mona nokutya, Kalunga okwa ninga omunhu a kale a yuka, ndelenee voovene ohave likongele eemhangela dihapu dii.

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

OMAPSALOME 53:2

Kalunga meulu ota vandamene poshi, ta tale oludalo lovanhu, a mone, ngeenge pe na omunandunge, ou ta kongo Kalunga.

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

HESEKIEL 8:9

Opo Ye okwa lombwela nge: “Inda mo, u tale oixuna inene oyo tave i ningi apa.”

GENESIS 13:13

Ndelenee ovanhu vomuSodom ova li vai unene novanyonauni koshipala shOmwene.

HESEKIEL 8:12

Opo nee Ye okwa lombwela nge: “Oove kaana komunhu, u wete tuu eshi ovakulunhu veumbo laIsrael hava ningi momilaulu, keshe umwe monduda yaye yoihongwafano? Osheshi ohava diladila nokutya, ‘Omwene ke tu wete. Omwene okwa efa edu eli.’ ”

OMAYELETUMBULO 6:18

omutima tau diladila omauko mai, eemhadi tadi endelele okuninga owii,

DEUTERONOMION 29:19

Ndele umwe ngeenge ta udu eendjovo deano eli, nge te litangele ounelao momutima waye, ndele ta ti: ‘Ame ohandi ka mona ouwa nande ohandi ende moukukutu womwenyo wange.’ Osho ngaha tamu dudwa po eshi sha tuta naashi shikukutu!

JOB 15:16

ngahelipi hano omunhu omunyonyodolwa nomunyonwa, ou ta nu owii ngaashi ta nu omeva?

MATEUS 24:37

Ndele ngaashi sha li pomafiku aNoa, osho tuu taku ka kala pokuuya kwOmona wOmunhu.

LUKAS 17:26

Ndele ngaashi pa ningilwe pomafiku aNoa, osho tapa ka ningwa pomafiku Omona wOmunhu,

1 PETRUS 3:20

ovo tuu ovo va li inava dulika, onhalanheni yaKalunga eshi ye va teelela pomafiku enya aNoa, ongulu yomomeva eshi ya pangelwa, omo mwa xupifilwa vamwe aveke, nokutya ovanhu vahetatu, va xupifwa komeva.

JOB 22:15

Wa hala okweenda nelila laalushe olo la endwa kovakolokoshi,