GENESIS 6:3 - Ombibeli Iyapuki

³ Opo nee Omwene ta ti: “Omhepo yange itai ka pangela meni lomunhu fiyo alushe, osheshi ye ombelela. Ndelenee efimbo laye nali ninge omido efele limwe nomilongo mbali.”

GENESIS 6:3 Referans Kwoze

NEHEMIA 9:30

Nomido dihapu wa li u nolukeno navo ndele we va londola nOmhepo yoye nomakanya ovaxunganeki. Ndelenee vo va li inava hala okuuda. Onghee hano we va yandja momake oiwana yoilongo.

JEREMIA 11:11

Onghee hano Omwene ota ti ngaha: ‘Tala, Ame ohandi va etele oshiponga tashi va nyenge okulixupifa mo. Nongeenge tava ifana nge, itandi va udu.

JESAJA 63:10

Ndelenee vo ove mu twila ondubo ndele va nyikifa Omhepo yaye Iyapuki oufiye, onghee Ye okwe lishitula omunaita navo, ndele Ye mwene okwe va lwifa.

OMAPSALOME 78:39

osheshi Ye e va dimbulukwa, ovo ombelela, okaulapepo aka taka pepe po ndele itaka aluka vali.

OILONGA YOVAYAPOSTOLI 7:51

“Ovakwandudi nye, ava mokupitetanda inamu li pita komitima nokomatwi, alushe nye mwa twa ondubo nOmhepo Iyapuki, ngaashi ooxo, osho nanye yo.

NUMERI 11:17

Opo nee Ame ohandi ka kolokela ko nokupopya naave. Ndele omhepo ei i li kombada yoye, Ame ohandi ke i tukula noku i tula kombada yavo. Ndele vo otave ke ku kwafa nokuhumbata oudjuu woshiwana, opo oove auke iho pumbwa oku u humbata.

1 OVATESSALONIKI 5:19

Omhepo inamu i dima po,

JOHANNES 3:6

Eshi sha dalwa kombelela, osho ombelela, naashi sha dalwa kOmhepo, osho omhepo.

JESAJA 5:4

Onda li ndi nokulonga ngahelipi hano oshikokola shange, oshike inandi shi longela? Osha imina hano shike eeviinyu domofuka, fimbo nda teelela shi ime eeviinyu dinyenye?

JEREMIA 11:7

Osheshi onda pukulula shili ooxokulu, eshi nde va tembula medu laEgipiti, nofiyo onena onde va pukulula nonda tya: Pwilikineni ondaka yange.

GENESIS 6:2

ovana ovamati vaKalunga va mona ovana oukadona vovanhu vawa, ndele vo ove likufila ovakainhu aveshe ava va hala.

JESAJA 57:16

Osheshi Ame itandi tanguna fiyo alushe ndele inandi hala okuhanduka alushe, opo omhepo iha notelwe koshipala shange, neemwenyo edi nde di shita mwene.

OMAPSALOME 90:10

Okukala po kwetu kombada yedu oku fike pomido omilongo heyali, ngeenge okuhapu, shapu omilongo hetatu, nouwa wako: oudjuu auke netutuko; osheshi oko otaku pitilile po diva, fye ohatu vilola po.