GENESIS 49:8 - Ombibeli Iyapuki

⁸ “Juda, oove tuu! Ove oto ka hambelelwa kovamwaxo. Eke loye otali ka kala kofingo yovatondadi voye. Koshipala shoye ovana vaxo otave ke linyongamena.

GENESIS 49:8 Referans Kwoze

OVAHEBERI 7:14

Eshi sha shiivika vali okutya, Omwene wetu a dja mepata laJuda, olo Moses kwa li ine li lombwela sha kombinga youpristeli.

GENESIS 27:29

Oiwana nai ku longele, nomaludi nae ku twile eengolo. Ove kala omupangeli wavamwanyoko, novana vanyoko nave linyongamene poshi koshipala shoye. Nava fingwe ava tave ku fingi; ndele nava nangekwe noupuna ava tave ku nangeke noupuna.”

1 OMAFIMBO 5:2

ndele osheshi Juda okwa li e neenghono mokati kovamwaina, e va dule, ndele umwe womoludalo laye a ninga ohamba, oushiveli wa kala muJosef)

JOSUA 10:24

Ndele eshi va eta kuJosua eehamba odo, Josua okwa ifana ovalumenhu aveshe vaIsrael ndele ta lombwele ovakulunhu novaladi ava va ile koita pamwe naye, ndele ta ti: Eheneni oku popepi, eemhadi deni di paekeni keefingo deehamba edi. Ndele vo ova ehena ko, ndele va paeka eemhadi davo keefingo dado.

DEUTERONOMION 33:7

Mokutonga Juda, ye ota ti: “Omwene, uda ondaka yaJuda; mu eta koshiwana shavo. Ye okwe shi kondjela nomake aye; nokukondjifa ovafininiki vaye, Ove ninga ekwafo laye.”

GENESIS 29:35

Ndele ye okwa ninga vali oufimba nokwa dala okaana okamati ndele ta ti: “Paife ame ohandi ka hambelela Omwene.” Onghee hano e ka luka Juda. Ndele ye okwa ka oludalo.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 5:5

Ndelenee umwe womovakulunhu okwa lombwela nge: “Ino lila, tala, onghoshi yomepata laJuda, oshitutumine shaDavid, Oye a findana, onghee a wana okutonyununa omushangwatonywa ou nokumatula oipatifo yao iheyali.”

OVAHEBERI 10:13

nota teelele ashike ovatondadi vaye va ningwe oshilyato sheemhadi daye.

HESEKIEL 21:29

ove nande wa xunganekelwa oipupulu nowa nyanekelelwa ekengelelo, vati, u lyate pofingo nakulinyateka noyovahenakalunga, efiku lavo lokuhandukilwa le uya, osheshi ouhapu woulunde wa fika pouyadi.

JESAJA 9:7

Epangelo laye tali ningi linene, nombili itai xulu po okolukalwapangelo laDavid nomouhamba waye, opo Ye e u kanghameke noku u pameka netokolo nouyuki okefiku eli nofiyo alushe. Ouladi waKalunga, Omwene womatanga ovakwaita otau ke shi ninga.

OMAPSALOME 76:1

Kalunga okwa shiivika apeshe muJuda, edina laye linene muIsrael.

2 OMAFIMBO 30:11

Ndelenee ovalumenhu vamwe vomuAsser naManasse nomuSebulon ve lininipika ndele va ya kuJerusalem.

2 OMAFIMBO 17:2

Nokwa nangeka omatanga ovakwaita moilando aishe i neehotekuma muJuda nokwa tula eengudu dovanangeli moshilongo shaJuda nomoilando yomuEfraim, oyo ya nangalwa kuxe Asa.

2 OMAFIMBO 15:9

Opo nee ye a ongela Ovajuda aveshe nOvabenjamin, novanailongo yo vomuEfraim novomuManasse novomuSimeon, ovo va li puvo. Osheshi vahapu va dja mo muIsrael ve uya kuye eshi va mona nokutya, Omwene Kalunga okwa li pamwe naye.

2 OMAFIMBO 14:8

Ndele Asa okwa li e nomatanga ovakwaita ve noikelelifo nomaonga: ovalumenhu omayovi omafele atatu vomuJuda, novomuBenjamin omayovi omafele avali nomayovi omilongo hetatu, ava hava humbata oikelelifo nomaonga. Vo aveshe va li ovaladi.

2 SAMUEL 24:9

Ndele Joab okwa yandja kohamba omuvalu wovanhu. MuIsrael mwa li ovalumenhu va wana okulwa omayovi omafele ahetatu, ndele muJuda omayovi omafele atano aveke.

2 SAMUEL 22:41

Ndele Ove wa taataa ovatondadi vange komesho yange. Ava va tonda nge, nde va mana po.

2 SAMUEL 5:3

Osho ngaha hano ovakulunhu aveshe vaIsrael ve uya kohamba muHebron. Nohamba David ya ninga ehangano navo muHebron koshipala shOmwene. Ndele va vaeka David a ninga ehangano navo muHebron koshipala shOmwene. Ndele va vaeka David a ninga ohamba yOvaisraeli.

OVATOKOLIPANGELI 20:18

Ndele vo ova fikama ndele tava i kuBetel, ndele tava pula Kalunga. Novana vaIsrael tava ti: “Olyelye mufye e nokufikama tete a ka homone ovana vaBenjamin?” Opo nee Omwene ta ti: “Juda tete!”

NUMERI 26:22

Hano oo omapata aJuda pamuvalo waava va valwa: omayovi omilongo heyali nahamano nomafele atano.

NUMERI 10:14

Ndele tete engafifi lepandela lonhanda yovana vaJuda pamatanga avo. Mwene wengafifi olo okwa li Nashon yaAminadab.

NUMERI 1:27

ovo tuu ovo vomepata laJuda, ava va valwa, ova li omayovi omilongo heyali naane nomafele ahamano.

GENESIS 46:12

Novana ovamati vaJuda: Er naOnan naShela naPeres naSera. Ndelenee Er naOnan ova fila medu laKaanan. Novana ovamati vaPeres ova li Hesron naHamul.

GENESIS 42:6

Ndele Josef okwa li omupangeli woshilongo, ye okwa landifa oilya kovanhu aveshe vomoshilongo. Onghee ovamwaxe vaJosef ve uya koshipala shaye ndele ve linyongamena oipala yavo poshi.

NUMERI 26:20

Ovana ovamati vaJuda pamapata avo: MuShela epata lOvasela. MuPeres epata laPeres. MuSera epata lOvasargi.

1 OMAFIMBO 28:4

Ndelenee Omwene, Kalunga kaIsrael okwa hoolola nge mepata letu alishe, ndi ninge ohamba yOvaisraeli fiyo alushe. Osheshi a hoolola Juda a ninge omukulunhu ndele mepata laJuda okwa hoolola eumbo letu. Ndele movana ovalumenhu vatate okwa hokwa nge, opo a ninge nge ohamba yOvaisraeli aveshe.

JOSUA 15:20

Osho hano oshitukulwafyuululwa shepata lovana vaJuda pamaludi avo.