GENESIS 49:10 - Ombibeli Iyapuki

¹⁰ Epangelodibo itali ka kufwa kuJuda nodibo youhamba itai di po peemhadi daye. Fiyo ou e na okuuya te uya, noiwana tai ka dulika kuye.

GENESIS 49:10 Referans Kwoze

NUMERI 24:17

Ame ohandi mu mono, ndelenee hapaife; ohandi mu tale, ndelenee hapopepi: onyofi tai ka holoka muJakob, nepangelodibo tali yeluka muIsrael. Ndele Ye ta ka teyaula eembadu domomutwe waMoab ndele ta kombo po oludalo alishe laShet.

JESAJA 9:6

Osheshi okaana ke tu dalelwa, Omona omumati e tu yandjelwa, nepangelo oli li komapepe aye, ndele ta ifanwa: Omukumwifa-Omupukululi, Kalunga Omunaenghono, Tate yaalushe, Ohamba yombili.

JESAJA 42:1

Tala, omupiya wange, ou handi mu yambidida, omuhoololwa wange, ou omwenyo wange we mu hokwa. Ame onda tula Omhepo yange muye, oye ta ka tandavelifa ouyuki moiwana.

OMAPSALOME 60:7

Gilead oshange, naManasse oshange, naEfraim oshange oshikelelifombale shokomutwe wange, naJuda odibo yepangelo lange.

JESAJA 33:22

Osheshi Omwene Oye omutokoli wetu, Omwene Oye omukwateli komesho wetu, Omwene Oye ohamba yetu, Oye te ke tu xupifa.

OVAHEBERI 7:14

Eshi sha shiivika vali okutya, Omwene wetu a dja mepata laJuda, olo Moses kwa li ine li lombwela sha kombinga youpristeli.

SAKARIA 10:11

Ndele otava ka tauluka noudjuu, ndele Omwene ta denge omakufikufi efuta, noule aushe womulonga Nil otau ka kukuta. Elinenepeko laAsiria tali natwa po nodibopangelo yaEgipiti tai di po.

HESEKIEL 21:27

Oikulukuma, oikulukuma, oikulukuma, Ame ohandi shi teya. Ndele itashi ka kala po fiyo ou te uya, a wana ndele Ame ohandi ke shi mu pa.

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

OVAROMA 15:12

Navali Jesaja ota ti: “Otaku di oshitutumine shaIsai, naau ta fikama a pangele oiwana yovapaani, ndele omuye oiwana yovapaani tai tula mo eteelelo lavo.”

JOHANNES 12:32

Naame ngeenge handi yelulwa po pedu, aveshe ohandi va shilile kwaame.

SAKARIA 2:11

Mefiku tuu olo oiwana ihapu tai ke liameka kOmwene, ndele tava ka ninga ovanhu vaye, ndele ame ohandi ka kala muvo, opo nee ove to ka shiiva, nokutya Omwene womatanga ovakwaita a tuma nge kwoove.

JEREMIA 30:21

Muye mwene otamu di omupangelinghono nomuvo vene otamu holoka ovapangeli. Ndele Ame ohandi ke mu itavelela okuuya mwaame, opo ye a shiive okweehena kwaame. Osheshi olyelye ngeno e shii okweehena kwaame, ye a yandje omwenyo waye, Omwene osho ta ti?

JESAJA 11:10

Ndelenee mefiku tuu olo oiwana otai ka pula oshitutumine shomomudi waIsai, sha dikilwa oiwana aishe ngaashi epandela, monhele yetulumuko laye otai ka kala i yadi oshinge.

JOHANNES 19:15

Opo nee vo ova ingida: “Na dje po, na dje po, mu valela komushiyakano!” Pilatus okwa tya kuvo: “Nandi valele ohamba yeni komushiyakano?” Ovapristeli ovakulunhu ova nyamukula: “Fye katu na ohamba imwe, omukesari aeke.”

MATEUS 1:21

Ndele ye ota ka dala okamati, ndele to ke mu luka Jesus, osheshi Oye ta ka xupifa oshiwana shaye momatimba asho.”

JESAJA 62:11

Tala, Omwene ota udifile kominghulo dedu: “Lombweleni omona okakadona Sion: ‘Tala, exupifo tali uya. Tala, ondjabi oku i kwete neliko e li likola tali ende, le mu kwatela komesho.’ ”

JESAJA 60:1

Fikama, yela, osheshi ouyelele woye tau uya noshinge shOmwene tashi ku tendele.

JESAJA 2:2

Pomaxulilo omafiku omhunda yongulu yOmwene otai ka kala ya pamenena, koxulo yeemhunda adishe, ndele otaku tondokele oiwana aishe.

OMAPSALOME 108:8

Gilead oshange naManasse oshange naEfraim oshikelelifo shokomutwe wange, naJuda odibopangelo yange.

NUMERI 21:18

Omufima wa xupwa keehamba, novakomesho vomoshiwana ve u pandifa omapangelodibo avo, neenhaili davo!” Ndele mokudja mombuwa vo ve uya kuMattana.

MATEUS 25:32

Noiwana aishe otai ongelwa koshipala shaye, ndele ta yoolola ovanhu moovakwao, ngaashi omufita ta yoolola eedi moikombo.

MATEUS 21:9

Ndele eengudu dovanhu, ovo va kwatela komesho naavo ve mu shikula, ova ingida mokule tava ti: “Hosianna Omona waDavid! Na nangekwe noupuna, ou te uya medina lOmwene. Hosianna omokombada!”

MATEUS 17:5

Hano fimbo a li ta popi, tala, oshilemo shiyela oshe va tuvikila; ndele tala, ondaka ya dja moshilemo, ndele tai ti: “Ou Omona wange omuholike, onde mu hokwa; mu udeni.”

HAGGAI 2:7

Ohandi ka kakamifa yo oiwana aishe, opo omamona oiwana aishe tae ke uya ndele Ame ohandi ka yadifa otembeli ei noshinge, Omwene womatanga ovakwaita ota ti.

DANIEL 9:25

Hano paife, kala u shi shii, ove u ude: kokudja kondaka oyo, kutya Jerusalem oshi nokuwapekwa nokutungululwa, fiyo okOmwene Omuvaekwa oku na oivike iheyali. Ndele oivike omilongo hamano naivali ngeenge ya pita, otashi ka wapekwa nokutungululwa neendabo dasho nohotekuma yasho, ndelenee omomafimbo madjuu.

HESEKIEL 19:14

Ndele omundilo wa dja moshitai shi yadi outai, oo wa lungwinifa po oiimati yao, ndele kape na vali oshitai shi hongwe epangelodibo li pangele. Osho eimbilokemo, nosha ninga eimbilokemo.

2 OVAKORINTO 5:10

Osheshi ofyeni atusheni tu nokuholoka kolukalwatokolo laKristus, opo keshe tuu ou a pewe osho e shi longa molutu, ngeenge ouwa ile owii.

JOHANNES 19:12

Onghee hano Pilatus okwa kendabala oku mu efa. Ndele Ovajuda ova ingida tava ti: “Ou ngeenge oto mu efa, ku fi vali kaume komukesari; keshe tuu ou te liningi ohamba, oku na ondubo nomukesari.”

JOHANNES 18:31

Opo Pilatus ta ti kuvo: “Nye mu kufeni po hano, mu mu tokole pamhango yeni vene.” Ovajuda va tya kuye: “Fye otwa dilikwa okudipaa omunhu?”

HESEKIEL 19:11

Ndele oo wa mona oitai ya pama ya wana okuhongwa epangelodibo leehamba; noxulo yao ya ya pombada mokati koitai ya hapa, ndele wa monikila kokule oule wao mouhapu woitai.

JOHANNES 9:7

Ndele ta ti kuye: “Inda u ke likoshe metale laSiloa” (otali ti: Omutumwa). Ndele ye okwa ya ko, ndele te likosho, ndele a aluka e wete ko.

DEUTERONOMION 28:57

ye ite va efele nande oshitungu tashi di moshidalelo shaye, nouhanana ava e noku va dala. Osheshi moluhepo laye alishe ye ote i li po meholeko mokufitikininwa nomoudjuu omo omutondadi waye e mu fininikila mo peenhu doilando yoye aishe.

JEREMIA 33:26

ngeno osho ohandi ka ekelashi yo oludalo laJakob nolaDavid, omupiya wange, ndiha hoolole mo moludalo laye ohamba, tai kala nokupangela oludalo laAbraham nolaIsak nolaJakob. Osheshi osho she va hanga ohandi ke shi lundulula nohandi va file onghenda.

NUMERI 24:19

MuJakob tamu di omupangeli. Ye ota ka hanauna po oilando ei ya fyaala po.”

2 SAMUEL 7:13

Ye ota ka tungila edina lange ongulu ndele Ame ohandi ka pameka olukalwapangelo louhamba waye fiyo alushe.

2 SAMUEL 7:16

Nepata loye nouhamba woye otau ka kala po koshipala shoye fiyo alushe. Olukalwapangelo loye tali ka kala la pama fiyo alushe.

1 OMAFIMBO 12:24

Ovana vaJuda, ava va humbata oshikelelifo neonga, va dilililwa oita, ova li omayovi ahamano nomafele ahetatu;

1 OMAFIMBO 12:39

Ndele va kala pamwe naDavid okulya nokunwa omafiku atatu, osheshi ovakwanepata vavo ve va pa onghuta.

OMAPSALOME 60:9

Olyelye ta twala nge mbela koshilando sha pama? Olyelye wokufindikila nge kuEdom?

OMAPSALOME 78:68

ndele okwe lihoololela epata laJuda, omhunda yaSion e i hokwa po;

JESAJA 55:3

Pwilikineni, nye mu ehene kwaame, pwilikineni, nomitima deni opo di kale di nomwenyo. Ame onda hala ndi ninge ehangano laalushe nanye; omafilonghenda a pama, nde a fila David.

HESEKIEL 21:32

Nye otamu ka ninga eendja domundilo. Ohonde yeni tai ka kala meni loshilongo; ove ito dimbulukiwa vali.’ ” Osheshi Ame Omwene nde shi tya.

MIKA 5:1

Ovanhu vaJerusalem, ongeleni omatanga eni. Otwa kondekwa! Otava ponhokele omwiiliki waIsrael.