GENESIS 49:1 - Ombibeli Iyapuki

¹ Opo nee Jakob okwa ifana ovana vaye ovamati ndele ta ti: “Ileni, liongeleni, opo ndi shiive oku mu shiivifila eshi tashi mu hange pexulilo lomafiku:

GENESIS 49:1 Referans Kwoze

NUMERI 24:14

Ndele paife, tala, ame ohandi shuna kovanhu vange. Ila, ame ohandi ku hololele oshiwana eshi otashi ka ninga ngahelipi koshiwana shoye pexulilo lomafiku.”

DANIEL 10:14

Ame onde uya ndi ku shiivifile oshiwana shoye eshi tashi ka ningwa momafiku axuuninwa, osheshi emoniko yo eli tali xunganeke efimbo li li komesho kokule.”

JEREMIA 23:20

Ehandu lOmwene itali ka pola, manga Ye ina ninga, Ye ina wanifa omadiladilo okomutima waye. Pomafiku axuuninwa nye otamu ke shi shiiva shili.

DEUTERONOMION 4:30

Nye ngeenge mu li momafininiko noinima aishe ei tai mu hange pexulilo lomafiku, nye otamu ka alukila Omwene Kalunga keni nokupwilikina ondaka yaye.

EHOLOLO 4:1

Konima yoinima ei onda mona, tala, oshivelo sha yeuluka meulu, nondaka inya yotete, nde i udile tai popifa nge ngaashi ondaka yenghuma, oya tya: “Ila oku pombada, ndele handi ku ulikile osho shi nokuningwa komesho.”

JESAJA 2:2

Pomaxulilo omafiku omhunda yongulu yOmwene otai ka kala ya pamenena, koxulo yeemhunda adishe, ndele otaku tondokele oiwana aishe.

OMAPSALOME 105:15

ndele ta ti: “Inamu kuma nande ovavaekwa vange, nye inamu hepeka ovaxunganeki vange.”

OMAPSALOME 25:14

Eendafano lOmwene oli li naava have mu tila; ndele te va shiivifa ehangano laye.

DEUTERONOMION 31:12

Ongela oshiwana, ovalumenhu novakainhu nounona nomunailongo woye, ou e li peenhu doye, opo va shiive okuuda nokulongwa okutila Omwene Kalunga keni nokudiinina shili eendjovo adishe domhango ei.

OVAHEBERI 1:2

paife momafiku tuu aa opexulilo okwe tu popifa mOmona ou e mu tula omufyuululi waaishe, Oye tuu ou e mu shitifa yo omaunyuni, noinima aishe pexulilo otai ka ninga yaye.

2 TIMOTEUS 3:1

Ndelenee kala u shi shii, momafiku axuuninwa otape ke uya omafimbo madjuu,

1 TIMOTEUS 4:1

Ndelenee Omhepo otai popi eendjovo di uditike nawa nokutya, momafiku axuuninwa vamwe otave liteeka po eitavelo, ndele tava ka shikula eemhepo dipukifi nomalongo eendemoni,

OILONGA YOVAYAPOSTOLI 2:17

‘Omomafiku axuuninwa otaku ningwa, Kalunga osho ta ti: Ame ohandi tilile kombada yombelela aishe Omhepo yange, novana veni ovamati novana veni oukadona otava xunganeke, novanyasha veni tava ka mona omamoniko, novaxungu veni otava ka twa eendjodi.

LUKAS 2:26

Ndele okwa hololelwa kOmhepo Iyapuki kutya, ye ita mono efyo fimbo ina mona Kristus Omwene.

MIKA 4:1

Ndele pexulilo lomafiku, omhunda yotembeli yOmwene otai ka kala ya pamenena koxulo yeemhunda, ndele tai lepala i dule oikulundudu aishe. Ndele oko taku ka tondokela oiwana.

AMOS 3:7

Osheshi Omwene Kalunga ita ningi sha fimbo ina hololela ovapiya vaye ovaxunganeki omhangela yaye.

DANIEL 10:1

Momudo omutitatu waKores, ohamba yaPersia, Daniel, ou a lukwa Beltesasar, okwa hololelwa ondjovo. Nondjovo ei oyo oshili ndele otai popi omahepeko manene. Ndele ye okwa uda ondjovo ndele a shiiva emoniko olo.

DANIEL 2:47

Ohamba oya nyamukula Daniel ndele tai ti: “Oshili, Kalunga keni Oye Kalunga koikalunga, ndele Oye Omwene weehamba nOmuhololi woiholekwa, onghee ove ino nyengwa okuholola oshiholekwa eshi.”

JESAJA 53:1

Olyelye a itavela eudifo letu, nokwooko kwOmwene okwa hololelwa lyelye?

JESAJA 39:6

Tala, omafiku otae uya, keshe eshi shi li mouhamba woye nooxokulu ve shi tuvikila fiyo onena eli, otashi ka twalwa kuBabilon; itapa ka fyaala nande osha; Omwene osho ta ti.

JESAJA 22:14

Ndelenee Omwene womatanga ovakwaita okwa hololela omatwi ange, ndele ta ti: “Oshili, etimba eli itali mu diminwa po nande fiyo efyo leni, Omwene Kalunga komatanga ovakwaita osho ta ti.”

OVAHEBERI 13:1

Kaleni mu hole ovamwaxo.

JESAJA 48:14

Ongaleni nye amushe, nye mu pwilikine! Olyelye ou mokati keni ta hepaulula ei? Ou e holike kOmwene, ta ka wanifa ehalo laye muBabilon neenghono daye mOvakaldea.