GENESIS 48:21 - Ombibeli Iyapuki

²¹ Ndele Israel okwa lombwela Josef ta ti: “Ame ondi li pokufya, ndelenee Kalunga ota kala pamwe nanye, ndele te mu shunifa koshilongo shooxokulu.

GENESIS 48:21 Referans Kwoze

GENESIS 50:24

Ndele Josef okwa lombwela ovamwaxe ta ti: “Ame ohandi ka fya, ndelenee Kalunga te mu diinine ndele te mu twala koshilongo eshi moshilongo shinya Ye a udanekela nokwaana Abraham naIsak naJakob.”

GENESIS 46:4

Ame ohandi ka ya pamwe naave kuEgipiti, naame mwene ohandi ke ku alula ko vali. Ndele Josef ote ke ku fifikinifa omesho oye.”

GENESIS 28:15

Ndele tala, Ame ondi li pamwe naave, ndele Ame ohandi ke ku amena apeshe apa to i, ndele Ame ohandi ke ku alulila moshilongo eshi. Osheshi Ame itandi ke ku efa, fimbo inandi wanifa eshi nde ku lombwela.”

GENESIS 26:3

Kala ngaashi omunailongo moshilongo eshi, ndele ame ohandi ka kala pamwe naave; noludalo loye ohandi ke li pa oilongo ei. Ame ohandi ka wanifa eano nde li anenene xo Abraham.

OVAHEBERI 7:3

ou ehe na nande xe ile ina ile epata, ke nexulilo lokukala kwaye ile ehovelo lomafiku aye, ndele e shii okuyelekwa nOmona waKalunga, Oye ta kala omupristeli alushelushe.

2 PETRUS 1:14

osheshi ondi shi shii, etwali eli lange ohandi li dulwa ohangelela, ngaashi yo Omwene wetu Jesus Kristus e shi shiivifila nge.

OVAHEBERI 7:8

Ndelenee apa, ovanhu ovo ve nokufya, tava tambula oshitimulongo, ndele kwinya ou ta hepaululwa oku nomwenyo.

2 TIMOTEUS 4:6

Osheshi ame ohandi tilwashi nokuli ngaashi eyambo ndele efimbo lange lokutukuka ola fika.

OILONGA YOVAYAPOSTOLI 13:36

Osheshi David eshi a longele ehalo laKalunga pefimbo laye, okwa kofa, ndele okwa ongelwa pooxekulu, ndele okwa mona eolelo.

LUKAS 2:29

“Omwene, paife oto lekele omupiya woye, a ye nombili ngaashi wa tile,

OMAPSALOME 18:46

Omwene Oye omunamwenyo! Emanya lange nali fimanekwe. Udifeni pombada ounene waKalunga omuxupifi wange!

JOSUA 23:14

Ndele taleni, ame ohandi i paife nondjila yoonakukala aveshe kombada yedu. Ndelenee nye mu nokushiiva nomutima weni aushe nomwenyo weni aushe nokutya, kape na nande ondjovo imwe yomeendjovo adishe diwa Omwene Kalunga keni e mu lombwela tai kala inai wanifwa. Adishe de mu wanifilwa, kape na nande imwe inai wanifwa.

JOSUA 3:7

Opo nee Omwene okwa lombwela Josua ndele ta ti: “Onena eli Ame ohandi ka hovela oku ku ninga omunene moipafi yOvaisraeli aveshe, vo opo va shiive nokutya, Ame ndi li pwoove ngaashi nda kala naMoses.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

JOSUA 1:5

Kape nomunhu ta dulu okulipopila koshipala shoye momafiku aeshe omokukala kwoye. Ngaashi Ame nda kala naMoses, osho Ame ohandi ka kala naave. Ame itandi ku efa ndele itandi ku fii po.

DEUTERONOMION 31:8

NOmwene ote ku tetekele. Ye ota ka kala naave. Ye ite ku efa ndele ite ku fii po. Ino tila. Ino haluka.”

GENESIS 37:1

Ndele Jakob okwa kala moshilongo shinya, xe a li mo omunailongo, medu laKaanan.

GENESIS 15:14

Ndelenee Ame ohandi ka tokola yo oshiwana eshi she va tula moupika. Nokomesho otava ka pita mo nemona linene.

GENESIS 12:5

Ndele Abram okwa kufa Sarai, omwalikadi waye naLot, omona womumwaina, nemona lavo alishe, ve li likongela, novapika ve ve likongela muHaran, ndele vo ova dja mo va ye kedu laKaanan, ndele tava fiki kedu laKaanan.

DEUTERONOMION 30:3

opo nee Omwene Kalunga koye ta ka lundulula okukala kwoye noku ku fila onghenda, ndele Ye ote ke ku ongela vali moiwana aishe omo Omwene Kalunga koye e ku halakanifila ko.

GENESIS 15:16

Ndele epupi etine otali ka alukila apa, osheshi oulunde wOvaamori inau wana natango.”

GENESIS 47:29

Omafiku okufya kwaIsrael eshi a ehena popepi, ye okwa ifana omona waye Josef ndele ta ti kuye: “Ame ngeenge nda filwa onghenda momesho oye, tula mo hano eke loye koshi yetundji lange ndele monifile nge ohole noudiinini: ino paka nge moshilongo shaEgipiti!

GENESIS 50:6

Ndele Farao okwa tya: “Inda u ka pake xo ngaashi ye e ku anifa.”