GENESIS 47:9 - Ombibeli Iyapuki

⁹ Ndele Jakob okwa nyamukula Farao ndele ta ti: “Efimbo lounailongo wange omido efele nomilongo nhatu. Omuvalu womafiku okukala kwange omanini noku yadi oluhodi, olo inali hanga omuvalu wootatekulu va li ve u na mounailongo wavo.”

GENESIS 47:9 Referans Kwoze

OMAPSALOME 39:12

Omwene, pwilikina eindilo lange, Ove uda ekwenauko lange! Omahodi ange ino a tala wa mwena ngaho! Osheshi ame pwoove omweendanandjila ashike nomunailongo ngaashi ootate aveshe.

GENESIS 35:28

Nomafiku aIsak a li e fike pomido efele nomilongo hetatu.

OMAPSALOME 39:5

Omafiku ange owe a yeleka, e fike poule wominwe, nefimbo lokukala po kwange, olo okatata kongaho kwoove; heeno, omunhu keshe mokweenda a fa ashike omufudo. Sela

JOB 14:1

“Omunhu a dalwa komwalikadi, ta kala po omafiku manini ndele ta kuta oupyakadi,

JOSUA 24:29

Ndele konima yoinima ei Josua yaNun, omupiya wOmwene, okwa fya, e nomido efele nomulongo.

DEUTERONOMION 34:7

Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala.

EXODUS 7:7

Ndele omido daMoses da li omilongo hetatu, nomido daAron omilongo hetatu nomido nhatu eshi va li va popya naFarao.

EXODUS 6:4

Nda ninga yo ehangano letu navo, ndi va pe edu laKaanan, edu lounailongo wavo, omu va kala;

GENESIS 50:26

Ndele Josef okwa fya e nomido efele nomulongo. Ndele ve mu vaeka nomuvavo wabalsam, ndele ve mu tula moshikefa muEgipiti.

1 PETRUS 2:11

Ovaholike, ohandi mu kumaida ngaashi ovaenda novanailongo, mu lidilike okahalu kombelela haka lwifa omwenyo,

JAKOB 4:14

nye ava muhe nowino waashi tashi ningwa komongula; osheshi okukala kweni okwa tya ngahelipi? Oko omwifi, ou hau monika okafimbo kanini ndele tau lihane po.

OMAPSALOME 119:54

Eenghedimhango doye odo omaimbilo ehambelelo lange, fimbo ndi li monduda youpongo wange.

OMAPSALOME 119:19

Ame ondi li ngaho epongo kombada yedu, Ove ino holeka nge oipango yoye.

GENESIS 47:28

Ndele Jakob okwa kala e na omwenyo muEgipiti omido omulongo naheyali. Nomafiku aJakob omido daye kwa li e na omwenyo oda li omido efele limwe nomilongo nhee naheyali.

GENESIS 11:11

Ndele Sem eshi a dala Arpaksad, okwa kala e na omwenyo natango omido omafele atano. Ndele ye okwa dala ovana ovamati noukadona.

OVAHEBERI 13:14

osheshi apa katu na oshilando tashi kalelele, ndelenee ohatu kongo shinya tashi uya.

1 OMAFIMBO 29:15

Osheshi fye ovanailongo nomapongo koshipala shoye ngaashi ootate. Omafiku etu okombada yedu e li ngaashi omudidimbe, ndele pehe na sha, tu tule mo elineekelo letu.

GENESIS 5:27

Osho hano omido adishe daMetusala da li omafele omugoi nomilongo hamano nomugoi, eshi a fya.

2 OVAKORINTO 5:6

Onghee otu neyombamo alushe ndele otu shi shii, fimbo tu li mombuletu, molutu eli letu, katu li mOmwene,

GENESIS 47:8

Opo nee Farao okwa tya kuJakob: “Omido dokukala kwoye odi fike peni?”

OMAPSALOME 39:13

Efa okutongolola nge, opo ndi hafifwe, fimbo inandi dja po noitandi kala po vali.