GENESIS 43:8 - Ombibeli Iyapuki

⁸ Opo nee Juda okwa tya kuxe Israel: “Omumwoye mu lekela tu ye ko naye, opo nee hatu ke lilongekidila okuya, opo tu kale tu na omwenyo tuha fye, fye novana vetu.

GENESIS 43:8 Referans Kwoze

GENESIS 42:2

Ndele ta ti: Taleni, ame onda kundana nokutya muEgipiti omu na oilya. Indeni ko hano mu ke tu landele oilya tu shiive okukala nomwenyo ndele tuha fye.”

DEUTERONOMION 33:6

Mokutonga Ruben, Moses ota ti: “Ruben na kale nomwenyo, aha fye, nomuvalu wovalumenhu vaye vaha ninge vanini.”

OMAPSALOME 118:17

Ame itandi fi, ndelenee ohandi kala nomwenyo, ame ndi udife oinenelonga yOmwene.

ESRA 8:21

Opo nee nda shiivifa efimbo lelidiliko pomulonga waAhava, opo tu lininipike koshipala shaKalunga ketu, tu mu indile tu mone elao molweendo letu fye vene novanhu vetu noinima yetu aishe.

2 EEHAMBA 7:13

Ndelenee umwe womovapiya vayo okwa nyamukula ndele ta ti: “Naku kufwe eenghambe nhano domeenghambe da xupa po, osheshi odo tadi ka kala, otadi ka fya, ngaashi yo ongudu aishe yOvaisraeli oyo ya fya nale; hano, natu di tume ko, va ka tale.”

2 EEHAMBA 7:4

Ngeenge hatu ti: “Tu yeni moshilando, moshilando omu nondjala, ohatu ka fila mo nongeenge ohatu kala omutumba apa, ohatu ka fila mo: Tu yeni hano konhanda yOvaarami. Vo ngeenge tave tu efa tu kale nomwenyo, ohatu ka kala nomwenyo. Ndelenee ngeenge tave tu dipaa, fye hatu fi.”

NUMERI 14:31

Ndelenee ovana veni ava mwa tonga: otava ka ninga oihakanwa, ohandi ke va twala mo ndele tava ka shiiva oshilongo shinya, nye mwe shi dina.

EXODUS 20:12

“Fimaneka xo nanyoko, Omwene Kalunga koye ngaashi e ku lombwela, omafiku oye opo a ninge mahapu, ndele ove u kale nelao medu olo Omwene Kalunga koye te ke li ku pa.

GENESIS 50:21

Hano inamu kala mwa tila. Ame ohandi ke mu kalela noshisho, nye noludalo leni.” Osho ngaha ye e va hekeleka nokutulumukifa omitima davo.

GENESIS 50:8

Nosho yo eumbo alishe laJosef novamwaxe neumbo alishe laxe. Ounona vavo aveke needi neengobe va fiya moshikandjo Gosen.

GENESIS 45:19

Hano ove ou na oku va lombwela to ti: ‘Kufeni omatemba moshilongo shaEgipiti mu endife mo ovana veni novalikadi veni, naxo na londe mo yo, ndele ileni.

GENESIS 44:26

Ndelenee fye twa tile: ‘Fye itatu dulu okuya ko ngeenge katu li nonghelo yetu. Osheshi itatu ka mona oshipala shomulumenhu winya, ngeenge onghelo kai po pufye.’

GENESIS 42:38

Ndelenee ye ta ti: “Omumwange ita i pamwe nanye, osheshi omumwaxe okwa fya, noye aeke a fyaala po. Nongeenge oshiponga tashi mu hange mondjila oyo tamu ende nayo, opo nee nye otamu twala eexwiki dange deenghwakutoka noluhodi moshovafi.”

GENESIS 44:20

Ndele fye otwa nyamukula omwene wetu twa tya: ‘Fye otu na tate a kulupa. Nomona omunyasha, ou a dalwa moukulupe, ndelenee mumwaina okwa fya. Ndele oye aeke a fyaala po kuina, naxe oku mu hole.’