GENESIS 43:11 - Ombibeli Iyapuki

¹¹ Opo nee Israel, xe yavo okwa tya kuvo: “Ngeenge oshi na okuningwa, nashi ningwe: longeleni momakutu eni oinima yomoshilongo eshi, nye mu i twaalele omulumenhu omilongelo, ngaashi omaadi omirha, oinima yokunyenyepekifa eendja, eendunga nomaxuku.

GENESIS 43:11 Referans Kwoze

GENESIS 37:25

Ndele tava kala omutumba tava li eendja. Ndele vo eshi va yelula omesho, ova mona divadiva osheendo shOvaismaeli tashi di kuGilead notashi yuka kuEgipiti. Eengamelo davo da li da humbata eka, nomaadi abalsam noidimba yomirha.

JEREMIA 8:22

MuGilead kamu na vali omaadi abalsam ile kamu na vali omuhakuli ta hakula? Omolwashike oipute yokakadona, oyoshiwana shange itai veluka?

HESEKIEL 27:17

Juda noshilongo shaIsrael mwa landakanifa navo. Oilya yomuMinnit noufila nomaadi eenyiki nomaadi, nomaadi abalsam okuvava vo ove ku landifila ngaashi oipindi.

OMAYELETUMBULO 18:16

Oshali tai mbwalangadjifile omunhu eenhele ndele tai mu twala mokati kovanenenhu.

1 SAMUEL 9:7

Opo nee Saul ta pula komupiya waye: “Heeno, ngeenge hatu i ko, omulumenhu ohatu mu twalele shike? Osheshi omungome wa pwa mo momakutu etu ndele katu na omulongelo tu u twale komulumenhu waKalunga. Otu na shike?”

OILONGA YOVAYAPOSTOLI 21:14

Opo nee, ye eshi ine tu itavela, otwa mwena ndele hatu ti: “Ehalo lOmwene nali longwe.”

HESEKIEL 27:15

Ovadedan mwa landakanifa navo. Oilongo ihapu yopominghulo defuta ya li mepangelo loye nomwa landakanifa navo. Mokufuta ova eta kwoove omayoo eendjaba nomuti ulaula.

EIMBILOELELA 8:14

Endelela, omuholike wange ngaashi omenye, ngaashi oholongo yonyasha keemhunda dabalsam.

EIMBILOELELA 4:14

heeno, onarde nasafran, kalmus nokaneli pamwe noixwa i lili yoitwiminifo, mirha naaloe pamwe noimeno i lili iwa yabalsam.

EIMBILOELELA 4:10

Omumwameme, nomuvalekwa wange, ohole yoye inyenye ngahelipi! Ohole yoye inyenye i dule omaviinyu. Edimba lomivavo doye liwa li dule eebalsam adishe!

OMAYELETUMBULO 21:14

Oshali yomeholeko tai lotifa ehandu, noshali yomekolo tai mweneke oupyuhandu.

OMAYELETUMBULO 19:6

Vahapu have likongele ohokwe yovanamadina, nomulumenhu ha yandje eeshali, e nookaume vahapu.

OMAYELETUMBULO 17:18

Ou ta yandje eke ndele a ninga omuponhele woifuta, ye omunhu ehe neendunge.

OMAPSALOME 76:11

Tongeni omaudaneko nye mu a wanifile Omwene, Kalunga keni! Aveshe ovo tave mu kundukile, ove nokweetela onakutilika omaano,

OMAPSALOME 72:10

Eehamba domuTarsis nodomoilongo yokomunghulo wefuta nadi i etele omilongelo. Eehamba daSheba naSeba otadi kungudwa.

OMAPSALOME 68:29

Molwotembeli yoye muJerusalem, eehamba otadi ke ku etela omilongelo.

ESTER 4:16

“Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

2 EEHAMBA 20:12

Pefimbo linya Merodak-Baladan yaBaladan, ohamba yaBabilon, ya tuma onhumwafo nomulongelo kuHiskia. Osheshi ya uda ye okwa li ta vele.

2 EEHAMBA 16:8

Ndele Ahas okwa kufa oshisiliveli noshingoldo osho sha monika mongulu yOmwene nomomalimba emona ongulu yohamba, ndele e shi tuma omulongelo kohamba yaAsiria.

2 EEHAMBA 8:8

Opo nee ohamba tai lombwele Hasael: “Kufa omulongelo meke loye, inda u ka shakeneke omulumenhu waKalunga u mu indile a pulile nge kOmwene, to ti: ‘Ame ohandi ka veluka tuu koudu?’ ”

1 EEHAMBA 15:19

“Napa kale ehangano pokati ketu naave ngaashi la li pokati kootate. Omaano aa oshisiliveli noshingoldo ooye. Paife teya po ehangano leni naBaasha, ohamba yaIsrael, opo a kufe mo omatanga ovakwaita moshitukulwa shange.”

1 EEHAMBA 10:25

Ndele keshe umwe okwa etela Salomo oshali: oinima yoisiliveli noyoshingoldo noikutu nomaadi omirha, noinyenyepeki, neenghambe nomamula. Osho sha ningwa omudo keshe.

1 EEHAMBA 10:15

ponho yaayo ye mu etelwa kovashingifi hava endaenda, nomeliko lovalandifi nokeehamba daArabia nokomalenga edu.

1 EEHAMBA 4:21

Ndele Salomo okwa pangela oilongo aishe okudja komulonga waEufrat fiyo okedu lOvafilisti nookongaba yaEgipiti. Ova eta eeshali ndele va longela Salomo, fimbo ye a kala nomwenyo.

1 SAMUEL 25:27

Ndele paife oshali ei ya etelwa omwene wange komupiya waye omukainhu, nai yandjwe kovamati ava va shikula omwene wange.

DEUTERONOMION 33:14

noiimati iwa tai imifwa ketango, noupuna tau etwa po komalunduluko ohani,

GENESIS 43:14

NaKalunga Omunaenghono adishe, ne mu monife efilonghenda komulumenhu winya, ye e mu alulile omumwaxo mukwao, e uye nanye naBenjamin. Ndelenee ame ngeenge ondi na okukufwa ovamwange, osho nashi ningwe hano!”

GENESIS 33:10

Opo nee Jakob okwa nyamukula ta ti: “Ahowe tuu! Ngeenge onda mona onghenda momesho oye, tambula omilongelo edi meke lange. Ame onda mona oshipala shoye ngaashi omunhu ta mono oshipala shaKalunga, nowa fila nge onghenda.

LEVITIKUS 20:24

Naame nde mu lombwela: Nye otamu ka tula medu lavo, edu li yadi omashini nomaadi eenyiki. Aame Omwene Kalunga keni, ou nde mu tongola moiwana imwe.

GENESIS 43:10

Heeno, ngeno okwa li inatu ongaonga, ngeno osho otwa aluka nokuli olutivali.”

GENESIS 43:15

Opo nee ovalumenhu va kufa omilongelo ndele va kufa oimaliwa noishoshela yayo naBenjamin, ndele vo ova ya kuEgipiti ndee va fikama koshipala shaJosef.

GENESIS 43:25

Ndele vo ova longekida omilongelo davo fimbo Josef ine uya komwisha, osheshi ova uda kutya ove na okulya naye.

GENESIS 43:26

Josef eshi e uya meumbo ove mu etela omilongelo davo ndele ve linyongamena kuye poshi.

HESEKIEL 27:22

Ovashingifi vomuSheba naRaama mwa landakanifa navo. Mokufuta oinima yoye ve ku etela omaadi e lili noku lili mawa unene abalsam nomamanya e lili noku lili mawa e nondilo, noshingoldo.

EXODUS 3:8

Onghee nde uya poshi, ndi va kulile mo meke lOvaegipiti, nondi va twale medu linya, medu liwa nola mbwalangadja, medu li yadi omashini nomaadi eenyiki, medu omo Ovakaanan nOvaheti nOvaamori nOvaperesi nOvahevi nOvajebusi ve li mo.