GENESIS 42:6 - Ombibeli Iyapuki

⁶ Ndele Josef okwa li omupangeli woshilongo, ye okwa landifa oilya kovanhu aveshe vomoshilongo. Onghee ovamwaxe vaJosef ve uya koshipala shaye ndele ve linyongamena oipala yavo poshi.

GENESIS 42:6 Referans Kwoze

EHOLOLO 3:9

Tala, ohandi ku pe vamwe vomongudu yaSatana, ovo have liti, ovo Ovajuda, ndele havo, ohava fufya ashike. Tala, ohandi ke va ninga, ve ke uye kwoove, ndele tave linyongamene keemhadi doye, ndele tava ka shiiva, nokutya, ondi ku hole.

OILONGA YOVAYAPOSTOLI 7:10

nokwe mu xupifa moudjuu waye aushe, ndele okwe mu pa onghenda nounongo koshipala shaFarao, ohamba yaEgipiti neumbo laye alishe.

GENESIS 45:26

Vo eshi ve mu hepaululila tava ti: “Josef oku na omwenyo natango! Oye omupangeli woshilongo ashishe shaEgipiti,” omutima waye owa kukuta, osheshi ye ine va itavela.

GENESIS 45:8

Hanye mwa tuma nge oku, ndelenee oKalunga. Ndele Ye okwa lenga nge omupukululi waFarao nelenga leumbo laye alishe nomupangeli woshilongo ashishe shaEgipiti.

GENESIS 44:14

Ndele Juda okwe uya pamwe novamwaxe meumbo laJosef, fimbo natango ye a kala mo, ndele vo ova wila eombe koshipala shaye.

GENESIS 19:1

Ndele ovaengeli venya vavali ove uya kuSodom onguloshi, fimbo Lot a li omutumba poshivelo shaSodom. Ndele Lot eshi e va mona, okwa fikama ndele te ke va shakeneka ndele te lifidimike pedu,

GENESIS 18:2

Ye eshi a yelula omesho, okwa mona ovalumenhu vatatu ve li ofika komesho yaye. Ndele ye eshi e va mona okwa dja po poshivelo shetwali ta endelele e ke va shakeneke ndele te linyongamene poshi,

GENESIS 33:3

Ndelenee ye mwene okwe va tetekela nokwe linyongamena poshi luheyali kuye, fiyo ye e uya popepi a fika kumumwaina.

GENESIS 41:43

Ndele ye okwe mu endififa metemba etivali loulenga womatemba, la shikula eli laye mwene, nokwa tetekelwa kovakuwilili tava ti: “Tweni eengolo!” Osho ngaha okwe mu lenga omupangeli womuEgipiti alishe.

GENESIS 48:12

Opo nee Josef okwe va kufa ko komatundji aye, nokwa twa eengolo koshipala shaye nokwe linyongamena poshi.

1 SAMUEL 20:41

Fimbo omupiya ta i keumbo, David okwa kala ofika langhele kombinga yonhumba yomamanya ndee ta wile poshi ta tu oshipala shaye pedu ndele te linyongamene lutatu. Opo va fipafana komilungu ndele va lila aveshe. David okwa lila nokulililila.

OMAYELETUMBULO 11:26

Ou ta luvapalele oilya, ta tulwa omutima kovanhu. Ndelenee enangeko noupuna tali kala komutwe waau ta landifa oilya.

JESAJA 60:14

Ndele ovana ovamati vovahepeki voye, otave ke uya kwoove tava ende va petama, naaveshe ava ve ku dina otava wile eombe keemhadi doye, ndele tave ku ifana: “Sion, oshilando shOmwene shOmuyapuki waIsrael!”

GENESIS 41:54

nomido heyali dondjala oda hovela, ngaashi Josef a tile. Ndele moilongo aishe omwa li ondjala, ndelenee moshilongo ashishe shaEgipiti omwa li eendja.

GENESIS 41:57

Nounyuni aushe owe uya kuJosef muEgipiti, u lande oilya, osheshi ondjala oya handuka mongonga aishe yedu.