GENESIS 42:21 - Ombibeli Iyapuki

²¹ Opo nee vo ova tongafana tava ti: “Oshilishili, paife eshi ohatu alulilwa eshi twa ningila omumwatate, osheshi fye otwa tala oudjuu womwenyo waye, ye eshi e tu ilikana, ndele fye inatu mu pwilikina, onghee oudjuu otau tu hange.”

GENESIS 42:21 Referans Kwoze

HOSEA 5:15

Opo nee handi shuna konhele yange fiyo ova shiiva okunyona kwavo, ndele tava kongo oshipala shange. Moudjuu wavo tava ka konga nge.

1 JOHANNES 1:9

Ndele ngeenge hatu hepaulula omatimba etu, Ye omudiinini nomuyuki opo te tu kufile po omatimba ndele te tu kosho ouhenouyuki aushe.

JAKOB 2:13

Osheshi etokolo kali nonghenda naau ehe nonghenda, nonghenda otai litange kombada yetokolo.

OILONGA YOVAYAPOSTOLI 19:18

Ndele vahapu vomuvo va ninga ovaitaveli, nove uya okuhepaulula nokuholola oilonga yavo.

LUKAS 16:28

osheshi ondi na ovamwameme ovalumenhu vatano, e va hepaululile, navo yo vaha ye monhele ei yomayehamo.’

MARKUS 9:48

omo einyo lamo ihali fi nomundilo wamo ihau dimi.

MATEUS 7:2

osheshi etokolo eli tamu li tokolifa, nanye yo otamu li tokolifwa; noshiyelekifo eshi tamu shi yelekifa, nanye yo otamu ke shi yelekifwa.

JEREMIA 34:17

Onghee hano Omwene ota ti ngaha: Nye omwa kala inamu uda nge ndele inamu ingidila keshe umwe komumwaina nokomukwao emangululo. Tala, ohandi mu ingidile emanguluko. Omwene osho ta ti, mu yandjelwe eongamukonda noudu wolutapo nondjala, nohandi mu ningi oshitilifa shomoilongo aishe yokombada yedu.

JEREMIA 2:19

Owii woye mwene otau ku denge, nokuliteeka kwoye kudjuu otaku ku handukile. Hano, kala u shi shii nokumona oululu woshiponga shoye apa u fike, eshi wa efa Omwene Kalunga koye, ndele ino kala nokutila nge. Omwene osho ta ti, Omwene womatanga ovakwaita.

JEREMIA 2:17

Haave mwene we shi likongela, eshi wa efa Omwene Kalunga koye, omafiku enya eshi e ku endifa nondjila yaye?

OMAYELETUMBULO 28:17

Omunhu ou ta fininikwa ketimba lohonde yomunhu e nokuhondama fiyo okefyo laye. Kape na nande umwe ou te mu amene.

OMAYELETUMBULO 21:13

Ou ta fitikile onghuwo yohepele okutwi kwaye, oye mwene yo ota ka kuwa onghuwo, ndele ita ka mona epopilo.

1 EEHAMBA 17:18

Opo nee ye ta ti kuElia: “Ondi na shike naave, oove omulumenhu waKalunga! Ove we uya kwaame, opo oulunde wange u dimbulukuwe nomumwange opo a fye!”

2 SAMUEL 12:13

Ndele David ta ti kuNatan: “Ame nda nyona kOmwene!” Ndele Natan ta ti kuDavid: “Onghee hano Omwene e ku dimina po etimba loye. Ito ka fya.

OVATOKOLIPANGELI 1:7

Opo nee Adoni-Besek ta ti: Eehamba omilongo heyali odo da tetwa ominwe dokomake nominwe dokeemhadi, oda toola oundjaumukile koshi yoshitaafula shange shoshililo. Ngaashi ame nda ningile, osho Kalunga a ningila nge. Ndele ve mu twala kuJerusalem, noko a fila.

NUMERI 32:23

Ndelenee ngeenge itamu shi ningi, taleni, opo nee tamu nyono kOmwene, ndele kaleni mu shi shii, omanyonauno eni tae ke mu hanga.

GENESIS 41:9

Opo nee omukulunhu wovapindi okwa popya naFarao ndele ta ti: “Onena eli ame ohandi dimbulukwa omanyono ange.

JEREMIA 4:18

Ondjila yoye neenghedilonga doye, oyo ye ku etela ei aishe, oulunde ou woye ulula, ndele tau hange fiyo okomutima woye.

GENESIS 45:3

Ndele Josef okwa lombwela ovamwaxe, ndele ta ti: “Aame Josef! Tate oku na omwenyo natango?” Ndelenee ovamwaxe va nyengwa oku mu nyamukula, osheshi ova haluka unene moipafi yaye.

GENESIS 50:15

Ovamwaxe vaJosef eshi va mona xe a fya vo otava ti: “Kashiimba Josef ota hovele oku tu handukila noku tu shunifa owii molwowii aushe twe mu ningila!”

GENESIS 44:16

Ndele Juda okwa pula ta ti: “Fye ohatu dulu okupopya shike komwene wetu? Ohatu ti shike? Onashike hatu dulu okulipopila? Kalunga okwa holola okunyona kwovapiya voye. Tala, fye ovapika vomwene wetu, fye naau a hangwa neholo.”