GENESIS 4:4 - Ombibeli Iyapuki

⁴ Ndele Abel yo okwa eta eshi sha dalwa tete shomoimuna yaye nokutya, omaadi ayo. Ndele Omwene okwa tala nokuhokwa Abel noiyandjiwa yaye,

GENESIS 4:4 Referans Kwoze

OVAHEBERI 11:4

Meitavelo Abel okwa yambela Kalunga eyambo liwa li dule eli laKain, nomolwalo a pewa ehepaululo nokutya, oye omuyuki, Kalunga eshi a hepaulula omayambo aye; nomeitavelo tuu olo ota popi natango nande a fya.

OMAYELETUMBULO 3:9

Omwene mu fimaneka neliko loye noshipe shoye shomukeshe to shi likola,

EXODUS 13:12

opo nee ove u nokuyandja kOmwene, keshe eshi tashi yeulula oshidalelo shaina. Noshiveli keshe yo shoshindume shomoimuna yoye, oshOmwene.

NUMERI 18:17

Ndelenee ino kulilifa oiveli yongobe ile oiveli yodi ile oiveli yoshikombo. Oyo oiyapuki. Ohonde yayo u noku i tila koaltari nokuxwika po omakaadi ayo omundiloyambo wedimba liwa kOmwene.

OVAHEBERI 9:22

Ndele hanga aishe tai yapulwa nohonde pamhango, nokape nekufilepo lomatimba pehe netiko lohonde.

OMAPSALOME 20:3

Na dimbulukwe eendjayambo doye adishe, na tale nohokwe omaxwikiloyambo oye. Sela

2 OMAFIMBO 7:1

Ndele Salomo eshi a xulifa eilikano laye, omundilo wokeulu wa wila poshi, ndele wa lungwinifa exwikiloyambo nomatomenoyambo. Noshinge shOmwene osha yada otembeli;

1 OMAFIMBO 21:26

Ndele David okwa tungila ko Omwene oaltari ndele te mu yambele omaxwikiloyambo nomapanduloyambo. Fimbo ye ta ifana Omwene. Ye okwe mu nyamukula nomundilo wokeulu tau wile koaltari yexwikiloyambo.

1 EEHAMBA 18:38

Opo nee omundilo wOmwene wa wila poshi ndele tau xwike po exwikiloyambo noikuni nomamanya, nedu, heeno, tau lafa omeva a li momukangha.

LEVITIKUS 9:24

omundilo wa dja koshipala shOmwene, nowa xwika po exwikiloyambo noipambu yomakaadi koaltari. Ovanhu aveshe, eshi ve shi mona, eemwenyo davo da shambukwa nova wila eombe.

GENESIS 15:17

Ndele etango eshi la ningina, eshi omulaulu fokofoko we uya, opa monika ediko tali twimaana omwifi nonyika yomundilo pokati keenhumba dombelela.

EHOLOLO 13:8

Novakwambadayedu otave shi linyongamene, keshe tuu ou edina laye inali shangelwa membo lomwenyo lOdjona ya dipawa, kokudja keshito lounyuni.

OVATOKOLIPANGELI 6:21

Opo nee omweengeli wOmwene okwa ulika onhele yonhaili ei ya li meke laye nokwa kuma ombelela noikuki ihe nonhafi. Opo nee omundilo wa dja memanya ndele wa lungwinifa po ombelela noikuki ihe nonhafi. Ndele omweengeli wOmwene okwa kana po momesho aye.

NUMERI 18:12

“Omaadi omaadielela nomaviinyu manyenye aeshe noilya hai yandjwa oshipe shayo tave i etele Omwene, Ame ohandi i ku pe.

NUMERI 16:35

Ndelenee omundilo wa dja kOmwene ndele wa lungwinifa po ovalumenhu venya Omafele avali nomilongo nhano ava va eta oitwiminifo.

1 EEHAMBA 18:24

Opo nee nye ifaneni hano edina lakalunga keni, naame ohandi ka ifana edina lOmwene; ndele Kalunga ou ta nyamukula nomundilo. Oye Kalunga.” Novanhu aveshe va nyamukula, tava ti: “Ondjovo oyo ya wapala.”

GENESIS 4:3

Ndele eshi pa pita efimbo, Kain okwa yambela Omwene oiimati yomepya.

NUMERI 16:15

“Opo nee Moses okwa handuka unene, ndele okwa lombwela Omwene: ‘Ino taalela eyambo lavo. Ame inandi va kufa nande ondongi imwe ndele inandi ningila nande umwe wavo owii.’

1 SAMUEL 15:22

Opo nee Samuel ta ti: “Omwene a hokwa ngeno omaxwikiloyambo nomatomenoyambo ngaashi a hokwa eduliko, okudulika kondaka yOmwene? Tala, okudulika ku dule etomenoyambo nokuuda ko ku dule omakaadi eedi deemhedi.

OMUUDIFI 4:4

Mokutala oupyakadi aushe womokulonga noilonga aishe iwa, oyo okufilafana efupandubo. Osho yo shongahoelela nokushikula ashike omhepo.